SVb: Cambio den Servicio pa Clientenan di SVB Hulanda
Banco di Seguro Social di Aruba SVb ta sigui introduci cambionan cu intencion di mehora servicio na su clientenan. Un biaha mas SVb ta tene cuenta cu su pensionadonan y ta introduce algun cambio cu ta facilita e pensionado pa cobra su pensioen. Entrante 1 di januari 2017 servicionan pa cu SVB Hulanda a conose un cambio. Tur pensionado cu ta biba na Aruba,y cu ta ricibi un pensioen di SVb Hulanda y tin e obligacion pa entrega un validacion di ta na bida (levensbewijs) pa por ricibi pensioen for di SVB Hulanda no tin e obligacion aki mas. Esaki sigur ta un cambio beneficioso pa e pensionado na momento cu e ta biba na Aruba y mester e documento Hulandes.
Personanan cu a ricibi un formulario (levensbewijs) for di SVB Hulanda y no a entrega esaki ainda tin e oportunidad te cu 16 di januari 2017 pa entrega esaki na Departamento di Pensioen di SVb situa na Vondellaan 21. Despues di e fecha aki SVb Aruba y SVB Hulanda lo intercambia informacion necesario cu ta haci cu e pensionado no mester entrega un validacion di ta na bida mas.
Pa loke ta peticion pa AOW esta e Pensioen di SVB Hulanda, por pasa na Departamento di Pensioen di SVb Aruba pa busca un formulario. Mester completa e formulario y pasa na e Departamento di Pensioen di SVb Aruba unda e documento mester wordo firma y entrega. SVb Aruba na su turno mes ta zorg pa e documento yega SVB Hulanda. Mester informa cu Departamento di Pensioen di SVb Aruba no ta duna asistencia cu yenamento di formulario.
Pa loke ta cambionan den informacion personal awor tin dos opcion. Pa haci cambionan personal manera adres, estado civil, cuenta di banco, etcetera; por subi e website di SVB Hulanda (www.svb.nl) y baha e formulario of por pasa na e Departamento di Pensioen di SVb Aruba y busca un formulario. E persona mes mester post e formulario pa SVB Hulanda.
Tur persona cu ta ricibi un pensioen di SVB Hulanda tin tambe un Burgerservicenummer (BSN) of sofi-nummer di Hulanda. Cu e BSN por aplica pa un DigiD y asina haña entrada na “MijnSVB”. Mediante “MijnSVB” por haci tur cambio den personalia directamente na SVB Hulanda. Pa mas informacion por acudi na www.svb.nl of por yama oficina di SVB Hulanda na telefon 0031-475-368010.
Orario di SVb durante dianan di fiesta
Banco di Seguro Social Aruba SVb ta anuncia cu en conexion cu celebracion di Pasco di Nacemento y Aña Nobo, tur su oficinanan lo ta cera pa publico riba e siguiente dianan:
-
- Diabierna 23 december 2016
- Dialuna 26 december 2016
- Diahuebs 29 december merdia desde 12:00 pm
- Diabierna 30 december
- Dialuna 2 januari 2017
Riba e dianan aki por notifica AO (meld ziek) online tur dia entre 7:00 am te cu 12:00 pm mediante nos website /form-notifica-ao/. Notificacion di AO mediante 527-2782 riba e dianan aki ta limita pa e orarionan entre 7:00 am te cu 11:00 am. Entre Pasco di Nacemento y Aña Nobo SVb ta habri riba orario normal riba diamars 27 december, diaranson 28 december y riba diahuebs 29 di december te cu 12:00 di merdia. Despues di Aña Nobo SVb ta habri riba orario normal atrobe entrante diamars 3 di januari.
E ceramento no lo afecta e sistema di Webportaal di SVb.
Nos ta ofrece nos disculpa pa e inconveniencia aki.
SVb Cera Mayan Merdia Diabierna 18 di November
Banco di Seguro Social Aruba SVb ta anuncia cu en conexion cu actividadnan interno, tur su oficinanan lo ta cera pa publico riba diabierna 18 november, entrante 12:00 pm.
Notificacion di AO (meld ziek) mediante 527-2782 riba e dia aki no ta posibel mas despues di 12:00 pm. Pa notifica AO por haci uso di formulario Notifica AO riba nos website of por yama 527-2782 te cu 12:00 pm.
E ceramento no lo afecta e sistema di Webportaal di SVb.
Nos ta ofrece nos disculpa pa e inconveniencia aki.
Video Notifica AO Español
[huge_it_videogallery id=”4″]
Diasabra Callcenter di SVb ta cera
Banco di Seguro Social Aruba SVb ta anuncia cu en conexion cu actividadnan interno, su callcenter pa notifica AO (527-2782) ta cera riba diasabra 8 oktober 2016.
Notificacion di AO (meld ziek) mediante telefon 527-2782 riba e dia aki no ta posibel.
Si por haci uso di nos formulario pa Notifica AO online: /form-notifica-ao/.
Diadomingo 9 oktober e Callcenter ta habri atrobe na e orario di weekend, cual ta entre 7:00 am y 11:00 am.
E sistema di Webportaal di SVb no lo ser afecta pa e ceramento di e callcenter.
Nos ta ofrece nos disculpa pa e inconveniencia aki.
ir. Edwin M. Jacobs
Director
Download Jaaropgaaf cu MiPensioen
Banco di Seguro Social Aruba SVb ta invita tur pensionado pa download su jaaropgaaf mediante e servicio di MiPensioen.
Registra pa MiPensioen cu bo number di AOV of AWW y un emailadres valido.
Pensionadonan cu a registra caba por download e jaaropgave 2015 libremente for di MiPensioen. Por registra of habri MiPensioen akinan: https://pensioenen.svbaruba.org/Account/Login.
Den caso cu tin cualkier problema cu e servicio di MiPensioen por manda nos un email na pensioenen@svbaruba.org, of yama nos na 527-2760.
Coriente a bay na SVb: no por ricibi notificacion di AO mediante telefon
Debi na fayo di coriente no ta posibel awo pa notifica AO na SVb mediante nos telefon 527-2782. Ta posibel pa notifica AO solamente mediante nos formulario riba nos website entre 7’or cu 10’or di mainta: /form-notifica-ao/.
Diadomingo mainta por haci uzo di nos liñanan di telefon atrobe na 527-2782.
Nos ta ofrece nos disculpa pa e inconveniencia aki.
SVb cera mayan henter dia
Debi na e pronostico di mal tempo Gobierno di Aruba a anuncia cu departamentonan di gobierno lo ta cera diabierna. Esaki ta nifica cu mayan tur sucursal SVb ta cera.
Durante e ceramento ta posibel pa notifica AO solamente mediante nos formulario online entre 7’or cu 10’or di mainta:
/form-notifica-ao/. E ceramento tampoco no ta afecta nos sistema di Webportaal.
No ta posibel pa notifica AO mediante nos liñanan di telefon na 527-2782.
Diasabra mainta por haci uzo di nos liñanan di telefon atrobe na 527-2782.
Clientenan cu mester a presenta diabierna mainta pa ricibi control medico lo por ricibi esaki dialuna mainta dia 3 di oktober.
Nos ta ofrece nos disculpa pa e inconveniencia aki.
Por Notifica AO Mediante Formulario Online Durante Oranan di Mainta
SVb Aruba ta anuncia: Por Notifica AO mediante formulario Online durante oranan di mainta
Pa un temporada SVb a tuma pasonan chikito pa digitalisa algun di su servicionan, y awe ta tuma e siguiente stap cual ta e proceso pa Notifica AO. Entrante mayan mainta 7:00 am clientenan di SVb cu mester yama pa notifica AO, tambe tin e opcion pa notifica AO mediante e formulario riba nos website: /form-notifica-ao/
Mediante e formulario trahadornan den sector priva por notifica AO solamente si nan compania no ta haci uso di nos systema di Webportaal, pues ora mester yama SVb pa notifica AO.
E formulario ta duna splicacion riba su mes kico pa yena. Tur opcion mester wordo yena pa por manda e formulario pa SVb, unda por administra e notificacion di AO.
Hopi importante ta cu mester yena un emailadres personal valido. Esaki pa SVb na prome luga ta manda un copia di locual a ser yena den e formulario. Tambe SVb ta contesta bo email, unda ta duna splicacion tocante e proceso di notifica AO y kico mester haci despues.
Den caso cu e emailadres no ta valido y e systema ricibi un ‘bounce’ riba e emailadres, e notificacion ta ser considera invalido y lo wordo kita for di e systema.
Ta solamente posibel pa notifica AO durante oranan di mainta entre 7:00 am te cu 10:00 am 12:00 pm. Despues di e oranan aki no ta posibel mas pa notifica AO mediante e formulario. Ta keda psoibel pa notifica AO mediante nos liñanan di telefon na 527-2782.
Ceramento na SVb di Oficina di Premieheffing y di Finansas
Banco di Seguro Social Aruba SVb ta anuncia cu en conexion cu trabaonan di construccion, oficina di Premieheffing na Eagle y di Finansas lo ta cera pa publico riba:
Diabierna 26, dialuna 29 y diamars 30 augustus
Durante e tres dianan aki oficina di departamento di Premieheffing lo keda habri na SVb San Nicolas.
Doño di trabao y empleado cu mester inscribi por wordo atendi solamente na sucursal di San Nicolas durante e tres dianan aki.
Durante e ceramento aki tur otro departamento di SVb ta keda habri na e orarionan normal. E ceramento aki no ta afecta nos callcenter tampoco nos systema di webportaal.
Nos ta ofrece nos disculpa pa e inconveniencia aki.
ir. Edwin M. Jacobs
Director