Vacatura Hoofd Human Resource SVb
Banco di Seguro Social (SVb) ta desplega un tarea importante den e sistema di seguridad social na Aruba. Den e cuadro aki SVb ta ehecuta 5 ley di seguronan social. Tur luna SVb ta percura pa un gran parti di nos comunidad ricibi un entrada mediante pago di dianan di AO, pensioen di biehes y pensioen di viudo y huerfano.
Desde prome di januari 1986, SVb ta brinda seguridad pa Aruba su comunidad.
Pa cumpli cu su tareanan SVb ta conta cu trahadonan cu tin tanto status di empleado publico y contracto conforme ley civil. Pa su empleadonan SVb ta aplica tur e leynan cu ta regarda posicion huridico di empleadonan publico di Pais Aruba. Ademas, SVb ultimo añanan ta implementando un maneho di personal basa riba principionan moderno. Pa duna guia na e departamento responsabel pa e ambiente laboral nos ta buscando un
cu ta desea di contribui na nos organisacion den un forma positivo.
Tareanan principal
• produci, ahusta y ehecuta e maneho di personal di SVb;
• lidera nos departamento di HR;
• conseha y facilita gerencia riba tereno di maneho di personal y desaroyo di personal di SVb;
• conseha y facilita management cu tur asunto di personal;
• aplica y ehecuta leynan di SVb, ademas leynan di LMA y LVVDA.
Exigencia
E candidato o candidata pa e vacatura aki tin e siguiente caracteristicanan:
• ta pensa y traha riba nivel universitario;
• a finalisa un estudio riba tereno di maneho di personal of similar;
• tin por lo menos 5 aña di experiencia den mesun funcion of similar;
• tin amplio conocemento di ley y reglanan riba tereno di maneho di personal di Pais Aruba ademas leynan di LMA y LVVDA;
• tin bon bista riba meta y funcion di SVb;
• tin amplio habilidadnan comunicativo;
• tin amplio habilidad pa traduci cambio di maneho y ley di Aruba den consecuencianan concreto pa SVb y su personal;
• ta flexibel, tacto y ta tuma iniciativa, por anda cu informacion confidencial y tin habilidad pa obhetivamente wak un otro su punto di bista;
• ta domina idiomanan di Hulandes, Spaño, Ingles y Papiamento.
Salario ta conforme e Bezoldigingsregeling Aruba y ta depende di e añanan di experiencia.
SVb ta ofrece entre otro un bon areglo di pensioen y e posibilidad pa atende diferente curso.
Mas informacion
Pa mas informacion tocante e vacatura aki por tuma contacto cu director ir. Edwin M. Jacobs mediante email na info@svbaruba.org.
Solicitud mediante un carta di motivacion, acompaña pa curriculum vitae y copia di diploma(nan) por wordo dirigi na director ir. Edwin M. Jacobs, solamente mediante email dirigi na info@svbaruba.org.
Ultimo dia pa solicita ta 28 augustus 2018 pa 4:00 pm.
Un evaluacion psicologico ta forma parti di e procedura di solicitud.
Ta curasha Arubianonan pa solicita ademas lo haya preferencia riba otro.
Por wak e aviso di e vacatura akibao (pdf document):
Vacatura SVb Hoofd HR aug 2018
Jaaropgaaf Pensioen 2017
Banco di Seguro Social Aruba SVb ta informa cu e jaaropgaaf di AOV/AWW 2017, cual ta necesario pa e declaracion di inkomstenbelasting 2017, ta ser manda mediante post pa tur pensionado di SVb. E carta di jaaropgaaf lo ser ricibi durante lunanan di augustus y september 2018.
Pa tal motibo SVb no ta entrega e jaaropgaaf aki na oficina di SVb mas.
Adicionalmente por download y print e jaaropgaaf aki riba nos website riba e portal di MiPensioen: https://pensioenen.svbaruba.org.
Cuentanan Anual (Jaarrekening) di SVb 2017
E cuentanan anual di SVb su fondonan pa aña 2017 a keda cla. Nos accountant a entrega na SVb e cuentanan anual oficialmente y esaki a wordo entrega na Minister di Turismo, Salud Publico y Deporte, den cumplimento di articulo 16, inciso 2 di nos ley di Banco di Seguro Social.
Esaki ta prome cuentanan anual cu SVb ta entrega e cuenta anual dentro di e termino poni den e ley di SVb. Tambe esaki ta e prome cuenta anual despues di basta aña cu ta indica cu tur e fondonan bao administracion di SVb conoce un surplus.
SVb ta produci Cuentanan Anual di tur su fondonan:
- A-30585 Sociale Verzekeringsbank Aruba (Administratie) – Financial- Statements 2017
- A-30583 Sociale Verzekeringsbank Aruba ( ZV OV) – Financial Statements- 2017
- A-30584 Sociale Verzekeringsbank Aruba (Cessantiafonds) – Financial- Statements 2017
- A-30582 Sociale Verzekeringsbank Aruba ( AOV AWW) – Financial Statements- 2017
- A-30586 Sociale Verzekeringsbank Aruba (Diensten aan Derden) – Financial- Statements 2017
Esnan di aña 2017 y prome ta disponibel pa wak y baha riba nos pagina di cuentanan anual:
SVb henter ta cera diabierna merdia 1 juni 2018
En conexion cu actividadnan interno tur oficina di SVb ta cera pa publico riba diabierna prome di juni 2018.
Durante e merdia aki por notifica AO online mediante nos website https://www.svbaruba.org/trahado/form-notifica-ao/. Ademas durante e ceramento notificacion di AO mediante 527-2782 ta posibel solamente entre 7:00 am y 12:00 pm.
Dialuna 4 juni 2018 tur oficina di SVb ta habri na e orario normal atrobe.
E ceramento no ta afecta e sistemanan riba e website di SVb.
Nos ta ofrece nos disculpa pa e inconveniencia aki.
SVb cera en conexion cu Dia di Asuncion y ATV
En conexion cu Dia di Asuncion y un ATV e siguiente dia, tur oficina di SVb ta cera pa publico riba diahuebs 10 di mei 2018 pa Dia di Asuncion, tambe riba diabierna 11 di mei 2018 en conexion cu un ATV pa tur empleado publico.
Riba e dianan aki por notifica AO online mediante nos website https://www.svbaruba.org/trahado/form-notifica-ao/. Ademas durante e ceramento notificacion di AO mediante 527-2782 ta posibel solamente entre 7:00 am y 11:00 am.
Dialuna 14 mei 2018 tur oficina di SVb ta habri na e orario normal atrobe.
E ceramento no ta afecta e sistemanan riba e website di SVb.
Nos ta ofrece nos disculpa pa e inconveniencia aki.
Entrante 1 juni 2018 SVb no ta acepta cheque mas
Siguiendo banconan na Aruba cualnan no ta bay otorga ni acepta cheque mas, nos ta den preparacion pa dentro di poco tampoco no lo acepta cheque mas. E maneho aki ta drenta na vigor entrante prome di juni 2018. Esaki ta significa cu SVb no ta acepta ningun cheque mas como pago entrante prome di juni 2018.
SVb pa un tempo largo caba ta ofrece diferente forma unda por haci pago na SVb na un manera seguro y eficiente. Nos ta acepta pago efectivo, pero tambe nos tin e machine di atm. Ademas por haci pago mediante banco y online banking. Den tur e diferente formanan aki sigur cada organisacion por acomoda su mes cu un forma di paga mas conveniente y sigur.
Prima di Seguro di Malesa, Seguro di Accident y Cessantia
Doñonan di trabao (compania, stichting of organisacion) cu ta haci pago di prima pa seguro di malesa y accident tambe cesantia por keda haci esaki na nos Departamento di Inning, situa na Vondellaan 19E (prome piso), of por haci e pago riba e cuenta di banco di SVb.
Nos orario di caha ta di dialuna pa diabierna, di 8:00 am te cu 11:45 am y di 13:00 pm te cu 15:00 pm. Por paga cu efectivo tambe mediante carchi di ATM.
Pagonan mediante banco por wordo haci riba e siguiente cuentanan di banco:
Prima di Seguro di Maleso y Accident:
Aruba Bank: 19 22 616
RBTT Bank: 30 59 499
Banco di Caribe: 801765-01
Caribbean Mercantile Bank: 92 39 3106
Prima di Cessantia:
Aruba Bank: 19 22 517
RBTT Bank: 12 60 243
Banco di Caribe: 822014-01
Caribbean Mercantile Bank: 90 27 3501
Pa pago mediante banco nos ta recomenda pa specifica e werkgeverscode di e compania pa cual ta haci pago, tambe e tipo di prima pa cual ta haci pago, acompaña pa e temporada y aña di aanslag of si ta pa un areglo di pago.
Rijbewijskeuring
Pago pa e factura di rijbewijskeuring por wordo haci cerca Departamento di Finansas, situa na nos oficina principal na Caya Punta Brabo 19, Eagle, riba e prome piso. Por paga cu efectivo tambe mediante carchi di ATM. Ademas por paga mediante banco riba e siguiente cuenta:
Aruba Bank: 22 87 91 (Sociale Verzekeringsbank Aruba – BGD Administratie Fonds)
Mas informacion
Si tin cualkier pregunta of remarka por tuma contacto cu nos mediante e formulario di contacto (click aki) of manda nos un email na info@svbaruba.org.
SVb cera en conexion cu Dia di Rey y Dia di Obrero
En conexion cu Dia di Rey y Dia di Obrero, tur oficina di SVb ta cera pa publico riba diabierna 27 april 2018 pa celebracion di Dia di Rey, tambe riba dialuna 30 april 2018 y diamars 1 mei 2018 en conexion cu Dia di Obrero.
Riba e dianan aki por notifica AO online mediante nos website https://www.svbaruba.org/trahado/form-notifica-ao/. Riba e dianan aki notificacion di AO mediante 527-2782 ta posibel solamente entre 7:00 am y 11:00 am.
Diaranson 2 mei 2018 tur oficina di SVb ta habri na e orario normal atrobe.
E ceramento no ta afecta e sistemanan riba e website di SVb.
Nos ta ofrece nos disculpa pa e inconveniencia aki ademas nos ta desea henter pueblo di Aruba un feliz Dia di Obrero!
Sucursal di SVb na Van Leeuwenhoekstraat ta Cera
Update 3 april 2018: ambtenaar y gelijkgestelden cu tabata acudi na Van Leeuwenhoekstraat entrante mayan diaranson 4 di april por acudi na nos oficina principal na Eagle pa ricibi control medico. Tambe pa mayan nos liña di telefon 527-2782 ta den servicio atrobe.
Algun tempo pasa por a tuma nota cu e edificio di SVb na Van Leeuwenhoekstraat (Oud BGD) a ser declara no apto pa por traha den dje. Mientras cu SVb tabata pendiente pa muda di Van Leeuwenhoekstraat pa un otro luga nos sucursal na Van Leeuwenhoekstraat a keda habri. Entrante awe e situacion a yega na un estado unda nos no por duna servicio mas for di e edificio di Van Leeuwenhoekstraat.
Esaki ta nifica cu entrante awe nos sucursal na Van Leeuwnhoekstraat ta cera. Pues no ta posibel pa ricibi control medico pa sector publico na Van Leeuwenhoekstraat, tambe nos liña di telefon pa notifica AO 527-2782 ta for di servicio te proximo aviso.
Clientenan di SVb cu mester notifica AO por notifica AO online mediante nos website:
https://www.svbaruba.org/trahado/form-notifica-ao/.
Ambtenaar y gelijkgestelden cu mester a pasa SVb na Van Leeuwenhoekstraat pa ricibi control medico no por haci esaki mas te proximo aviso.
Nos ta pidi comunidad pa keda pendiente pa nos proximo aviso cual ta informa unda y entrante ki ora nos ta ofrece e servicionan aki atrobe na comunidad di Aruba.
Nos ta ofrece nos disculpa pa e inconveniencia aki.
Pago di Pensioen pa Luna di April
Debi cu diabierna 30 di maart ta cay riba Bierna Santo, cual ta un dia di fiesta, e pago di e pensioen AOV pa luna di april lo tuma luga un dia adelanta. Pues e pago ta tuma luga riba diahuebs 29 di maart.
E fechanan di pago di pensioen ta keda manera poni akibao:
| Luna di pago | Dia y fecha pago na e cliente |
| Januari 2018 | Diabierna 29 december 2017 |
| Februari 2018 | Diahuebs 1 februari 2018 |
| Maart 2018 | Diahuebs 1 maart 2018 |
| April 2018 | Diahuebs |
| Mei 2018 | Dialuna 30 april 2018 |
| Juni 2018 | Diabierna 1 juni 2018 |
| Juli 2018 | Diabierna 29 juni 2018 |
| Augustus 2018 | Diaranson 1 augustus 2018 |
| September 2018 | Diabierna 31 augustus 2018 |
| Oktober 2018 | Dialuna 1 oktober 2018 |
| November 2018 | Diahuebs 1 november 2018 |
| December 2018 | Diabierna 30 november 2018 |
| Januari 2019 | Diabierna 28 december 2018 |
SVb Cera Diabierna 30 Maart y Dialuna 2 April
En conexion cu Bierna Santo y di dos Dia di Pasco di Resureccion, tur oficina di nos Banco di Seguro Social Aruba SVb ta cera pa publico riba diabierna 30 maart y dialuna 2 april 2018.
Riba e dianan aki por notifica AO online mediante nos website www.svbaruba.org:
https://www.svbaruba.org/trahado/form-notifica-ao/
Riba e dianan aki notificacion di AO mediante 527-2782 ta posibel solamente entre 7:00 am y 11:00 am.
Diamars 3 april 2018 tur oficina di SVb ta habri na e orario normal atrobe.
E ceramento no ta afecta e sistemanan riba e website di SVb.
Nos ta ofrece nos disculpa pa e inconveniencia aki.