Aumento Pensioen di Biehes, Viuda/Viudo y Huerfano
Banco di Seguro Social, SVb, ta informa cu Conseho di Minister, riba proposicion di Minister di Turismo, Salud Publico y Turismo Dangui Oduber, a dicidi di aumenta e pensioennan di biehes di siguiente forma entrante 1 di januari 2020:
- Pensioen pa soltero ta aumenta di Afl. 1.132,- pa Afl. 1.157,- florin.
- Pensioen pa pareha ta aumenta di Afl. 1.906,- pa Afl. 1.948,- florin.
- Pensioen dividi pa pareha ta aumenta di Afl. 953,- pa Afl. 974,- florin.
E pensioennan pa huerfano y vuido ta keda adapta cu e mesun porcentahe.
Ta recorda cu pensioen pa e luna di januari 2020 ta keda paga dia 27 di December 2019.
Fechanan Pago di Pensioen 2020
Pensioen di biehes (AOV) y pensioen di viudo y huerfano (AWW) lo keda paga durante aña 2020, riba e siguiente fechanan:
– pensioen di januari: 27 di december 2019
– pensioen di februari: 31 di januari 2020
– pensioen di maart: 28 di februari 2020
– pensioen di april: 1 di april 2020
– pensioen di mei: 30 di april 2020
– pensioen di juni: 1 di juni 2020
– pensioen di juli: 1 di juli 2020
– pensioen di augustus: 31 di juli 2020
– pensioen di september: 1 di september 2020
– pensioen di october: 1 di october 2020
– pensioen di november: 30 di october 2020
– pensioen di december mas bonus di Pasco: 1 di december 2020
– pensioen di januari 2021: 28 di december 2020
Dokternan di SVb a Ricibi Diploma di Specialista den Salud Ocupacional
Diabierna 29 di november directeur di SVb den presencia di miembronan di Raad van Toezicht & Advies SVb, Minister di Salubridad Publico Sr. Dangui Oduber ademas coleganan di SVb a presenta na Hyatt Place, unda 7 dokter di SVb a ricibi nan diploma di Specialista den Salud Ocupacional (Arts voor Arbeid & Gezondheid Aruba). Esaki ta un primicio, unda pa prome biaha na Aruba ta otorga un diploma di educacion profesional di specialisacion den ramo di medicina.
Minister ademas directeur a splica cu e proceso aki tabata un largo, pero cu na final SVb awo y den futuro lo sigui saca probecho di e estudio aki, cual sigur lo continua cu graduadonan nobo otro aña caba. Asina na Aruba mes SVb ta aporta na e profesionalisacion di nos mediconan na Aruba, cu anterior kizas no por a specialisa nan mes den e ramo aki na Aruba, pero mester a bay Hulanda pa por a ricibi e estudio aki. E estudio aki ta un iniciativa di SVb cu a logra esaki den cooperaciobn cu e instituto Hulandes NSPOH (Netherlands School of Public and Occupational Health).
SVb ta felicita tur nos coleganan dokter kende a sacrifica hopi di nan tempo pa por a finalisa e estudio aki, cual nan a inicia na aña 2016 caba. Un pabien grandi ta bay na nos 7 dokternan cu a gradua awe como Specialista den Medicina Ocupacional: Dr. Christian Mejia, Dr. Viviana Bustos, Dr. Melissa de Cuba, Dr. Flavia Pinedo, Dr. Guaicaipuro Jimenez, Dr. Miguel Genser y Dr. Myron Genser.
Diabierna 29 november, parti merdia Callcenter y Administracion Medico di SVb ta cera
En conexion cu actividadnan interno nos Callcenter y Administracion Medico ta cera riba diabierna 29 di november 2019, entrante 12:00 PM merdia. Por haci uso di nos website pa Notifica AO online: www.svbaruba.org/ao. Notificacion di AO (meld ziek) mediante telefon 527-2782 diabierna merdia no ta posibel. Tambe no tin control medico despues di 12:00 PM.
E sistemanan online di SVb no lo ser afecta pa e ceramento di e callcenter.
Nos ta ofrece nos disculpa pa e inconveniencia aki.
Sesion di Informacion MiSVb 2.0
Riba 15 di november SVb a introduci su ultimo version di e portal, MiSVb 2.0. Tur doño di trabao ta cordialmente invita pa asisti na un sesion di informacion unda representantenan di SVb ta bay duna un demonstracion riba e sistema aki y duna un splicacion con pa maneha bo cuenta riba e portal.
Fecha: Diamars 3 december 2019
Sesion 1: 9:00 a.m. – 10:00 a.m. of
Sesion 2: 2:00 p.m. – 3:00 p.m.
Location: ATIA – Pedro Gallegostraat 6, Dakota
Por registra pa un di e dos sesionnan via info@atiaruba.org of yama 582-7593. Por fabor tene cuenta cu cuponan ta limita.
Diaranson SVb ta cera 2:00 PM
En conexion cu actividadnan interno, diaranson 27 di november, merdia entrante 2:00 PM henter SVb ta cera pa publico. Durante e oranan aki nos callcenter y otro liñanan di telefon tambe ta cera.
E ceramento no lo afecta nos website of sistemanan online. Nos ta pidi nos desculpa pa cualkier inconveniencia cu esaki por causa.
Diabierna merdia 22 november SVb ta cera
En conexion cu actividadnan interno, diabierna 22di november, merdia entrante 12:00 PM henter SVb ta cera pa publico. Durante e oranan aki nos callcenter y otro liñanan di telefon tambe ta cera.
E ceramento no lo afecta nos website of sistemanan online. Nos ta pidi nos desculpa pa cualkier inconveniencia cu esaki por causa.
Inauguracion MiSVb 2.0
MiSVb ta e plataforma digital cu den e prome fase ta brinda e doño di trabao un pakete completo di servicio digital. Banda di inscripcion di trahado, e doño di trabao por haci diferente cambio riba nan lista di trahador. Ademas, ta introduci un sistema di cobransa mensual transparante. Tur momento e doño di trabao sa cuanto e mester paga na prima y pa cual trahado. Na mes momento e dunador di trabao tin aceso na diferente informacion di suempresa 24 ora pa dia y 7 dia pa siman. E cambionan cu SVb ta introduci mediante su portal lo cambia e forma cu e doño di trabao ta traha cu SVb. Durante aña 2020 SVb lo keda amplia su pakete di servicio digital y pa mita di 2021 lo completa esaki. Banda di transformacion externo, digitalisacion lo brinda SVb e oportunidad tambe di transforma su structura y cultura di su organisacion. Tur esaki cu e meta pa aumenta e placer di su empleadonan den nan trabao.
Añanan 20 pa SVb lo ta añanan marca pa digitalisacion y transformacion.
Minister Dangui Oduber a expresa su satisfaccion cu e cambionan cu SVb ta realisando na beneficio di comunidad.
Vision 2020 di SVb lo sigui den ehecucion y den 2020 comunidad lo keda informa di e resultado di e proceso aki. Pa mas informacion por tuma contacto cu nos helpdesk MiSVb via nos website www.svbaruba.org/misvb, of manda nos un email na helpdesk@svbaruba.org. Mi SVb 2.0… digitalisando y transformando.
- Whatsapp: https://wa.me/2975272740
- Website: https://www.svbaruba.org/misvb
- Email: helpdesk@svbaruba.org
[/vc_column_text][/vc_column][/vc_row]
Diabierna merdia SVb ta cera
En conexion cu lansamento di nos portal nobo MiSVb 2.0, diabierna 15 di november, merdia entrante 12:00 PM henter SVb ta cera pa publico. Durante e oranan aki nos callcenter y otro liñanan di telefon tambe ta cera.
E ceramento no lo afecta nos website of sistemanan online. Nos ta pidi nos desculpa pa cualkier inconveniencia cu esaki por causa.
Diaranson merdia 30 october 2019 Departamento di Premieheffing ta cera
En conexion cu actividadnan interno departamento di Premieheffing di SVb ta cera riba diaranson 30 di october 2019, entrante 12:00 PM.
Departamento di Premieheffing ta na unda trahado y doño di trabao ta haci inscripcion ademas ta haci cambio riba nan datosnan. Departamento di Premieheffing ta situa na oficina principal na Eagle riba e prome piso.
Diahuebs 31 di october departamento di Premieheffing ta habri atrobe na e orario normal entrante 7:30 AM.
Nos ta ofrece nos desculpa pa cualkier inconveniencia.