Tag Archives: servicio di SVb
SVb a Introduci Opleiding tot Arts voor Arbeid en Gezondheid Aruba
Despues di preparacion pa algo mas cu dos aña, Banco di Seguro Social di Aruba SVb ta duna inicio na un proyecto unico pa nos organisacion. Diahuebs 18 di januari 2018 den Aula di Universidad di Aruba a tuma luga e ceremonia cu a duna inicio na e estudio di specialisacion pa dokternan general cu ta trahando na SVb, Opleiding tot Arts voor Arbeid en Gezondheid Aruba (AAGA). E estudio aki a bira posibel danki na e cooperacion di The Netherlands School for Public and Occupational Health (NSPOH).
Desde 2009 e cuerpo medico na SVb a amplia y na 2015 a mira e necesidad atrobe pa ofrece e dokternan pa sigui cu un estudio specialisa. Pa esaki SVb Aruba aserca dr. Harrie Veneman, ex-hefe di e departamento medico na SVb kende actualmente ta traha na NSPOH. Hunto cu dr. Veneman a dicidi di asumi e reto di inverti den esaki y NSPOH di nan banda a desaroya un programa pa un estudio di specialisacion, adapta na e realidad di Aruba, garantisando e calidad pa cual NSPOH ta conoci p’e.
SVb ta encarga cu dos ley hopi importante pa trahadonan den sector priva. Esaki nan ta e leynan di seguro di malesa y seguro di accidente di trabao. E leynan aki ta otorga un trahador segura e derecho riba compensacion di su sueldo den caso di malesa of accidente di trabao. Esaki ta trece cune cu SVb mester determina si e trahador segura tin un malesa of a sufre un accidente di trabao cu ta strobe di haci su trabao. E staf medico di SVb ta e unico profesionalnan autorisa pa e dos leynan pa determina si un persona tin derecho of no riba compensacion y pa cuanto tempo. Actualmente e staf medico aki ta forma pa dokternan general, dokternan di seguro y dokternan di empresa. E ultimo dosnan aki ta dokternan specialisa. Cu inicio di e specialisacion aki SVb ta brinda henter su staf medico e oportunidad pa specialisa nan mes den e campo di medicina social, e ramo di medicina cu ta studia e relacion entre salud y trabao.
Despues di un periodo largo di preparacion, unda dr. Ron Bieze, hefe di departamento di Labor y Salud na SVb, a hunga un papel importante, na augustus aña pasa e programa a keda aproba pa gerencia di NSPOH y na september SVb a firma e contract cu NSPOH. Asina cu orguyo SVb a presenta e grupo di dokter cu lo specialisa, kendenan ta dr. Christian Mejia, dr. Flavia Pinedo, dr. Miguel Genser, dr. Myron Genser y dr. Melissa de Cuba y ta desea nan hopi exito den nan studio. Pa SVb e estudio aki ta sumamente importante y ta ancra e base pa futuro programanan cu lo ofrece na nos dokternan di SVb.
-
- Hoofd Arbeid & Gezondheid Dr. Ron Bieze & Directeur ir. Edwin Jacobs
-
- Insector General mr. Dorylee Lopez-Penha, Dokters SVb & directeur ir. Edwin Jacobs
-
- Dr. Harrie Veneman mediante videocall for di Hulanda
SVb ta Cera Diabierna 22 December entrante 12:00 PM
En conexion cu celebracion di Pasco di Nacemento y di Aña Nobo, tur oficina di SVb ta cera pa publico riba e siguiente dianan: • Diabierna 22 di december 2017, entrante 12:00 PM • Dialuna 25 di december 2017 • Diamars 26 di december 2017 • Diabierna 29 di december 2017, entrante 12:00 PM •… Mas Informacion
Ceramento di Oficinanan di SVb Durante Dianan di Fiesta
En conexion cu celebracion di Pasco di Nacemento y di Aña Nobo, tur oficina di SVb ta cera pa publico riba e siguiente dianan: • Dialuna 25 di december 2017 • Diamars 26 di december 2017 • Diabierna 29 di december 2017, entrante 12:00 PM • Dialuna 1 januari 2018 • Diamars 2 januari… Mas Informacion
Servicio Nobo di SVb cu Inscripcion Digital pa Empleadonan Nobo
Awe prome di juli SVb a habri e posibilidad pa doñonan di trabao por inscribi nan empleadonan nobo digital mediante nos website. Tur compania cu recien a actualisa nan datosnan cerca nos (despues di a ricibi un carta pa esaki) a haya un email unda nan por log in riba nos website y asina por… Mas Informacion
Invitacion Workshop Calculacion Dagloon
UPDATE 22-6-17: Inscripcion pa tur workshop a yena. Si ta interesa pa atende un futuro workshop por tuma contacto cu nos na info@svbaruba.org of na 527-2740. UPDATE 19-6-17: Inscripcion pa e siman aki ta yen. Nos tin dos dia adicional di workshop riba: • Diamars 27 juni, 1:00 pm y 3:00 pm • Diahuebs… Mas Informacion
SVb ta Sigui Inova su Servicio pa e Pensionado
Diahuebs mainta Banco di Seguro Social Aruba SVb a presenta su servicio nobo pa e pensionado. Den un conferencia di prensa ir. Edwin Jacobs director conhuntamente cu Luis Tromp hefe di Departamento di Pensioen a presenta un servicio nobo cu a drenta na vigor for di awe prome di juni. SVb ta pensa riba con por brinda un miho servicio na su clientenan. Awor e persona cu yega na edad pa cobra su pensioen di AOV, por haci su peticion online.
Pensioen di biehes (Algemene Ouderdomsverzekering of AOV) ta un seguro social cu ta cubri e consecuencianan financiero di biehes. E asegurado tin derecho riba pensioen entrante e luna despues di e fecha riba cual e ta yega su edad di pensioen. Entrante 1 di januari 2017 e edad di pensioen ta 61,5 aña. Tur persona naci entre 1 di januari y 30 di juni 1956 por aplica 3 luna prome cu e yega su edad di pensioen. Cada aña e edad di pensioen lo sigui subi cu 6 luna te cu 1 di januari 2024 ora e edad di pensioen lo bira 65 aña.
Pa un persona por ricibi e pensioen di biehes e mester haci su peticion na SVb. Awor e peticion por bay di manera digital via MiPensioen. Riba nos website por yega riba e portal di MiPensioen, e programa mes lo guia e futuro pensionado kico pa yena riba cada pagina. Ta importante pa tene na cuenta cu mester tin un email adres activo pa por registra como usuario di e portal di SVb. Pa facilita e proceso di peticion SVb a traha un video di instruccion cu lo ta riba riba e website www.svbaruba.org for di dialuna proximo 5 di juni 20. E video aki ta splica e proceo paso pa paso. Sra Agnes Arends tabata e prome futuro pensionado cu a bay on line y a haci su peticion pa su pensioen di AOV.
Aplicando online pa e Pensioen di AOV e pensionado no mester yega personalmente na oficina di Pensioen ya cu despues di haci su peticion via e portal, e proceso lo sigui automaticamente. E usuario lo por sigui via di e pagina principal con leuw e proceso di su aplicacion ta. Aplicando via di e portal di Pensioen ta facil, e proceso lo cana mas lihe y ta sigur un trankilidad pa e futuro pensionado cu no lo tin mester di sinta warda pa wordo atendi. E servicio nobo aki ta facilita e persona cu ta biba den exterior tambe pa e por haci su peticion digital. Como servicio adicional, na oficina di Pensioen den Vondellaan, a instala computer specialmente pa e pensionado por registra y tambe haci peticion di su pensioen on line.
Banda di haci e peticion pa e pensioen di AOV tambe e pensionado por print diferente documento manera jaaropgaaf, inkomensverklaring, herziening mutatie y toelichting AOV.
Di e forma aki SVb Aruba kier sigui inova y brinda e miho servicio posibel na tur pensionado y futuro pensionado nan na Aruba y rond mundo.
-
sra. Agnes Arends y sr. Luis Tromp
-
Presentacion na MFA Paradera
-
sra. Agnes Arends y ir. Edwin Jacobs
Anuncio Relaciona cu Ceramento di SVb su Oficinanan
Banco di Seguro Social Aruba SVb ta anuncia cu en conexion cu actividadnan interno e siguiente oficinanan: Pensioenen Callcenter (Notificacion di AO & AG) Medische Administratie (Control Medico & Keuring) ta cera riba diamars 30 di mei 2017 desde 12:00 pm Diaranson 31 mei 2017 tur oficina di SVb ta habri na e orario regular… Mas Informacion
Anuncio Relaciona cu Ceramento di SVb su Oficinanan
Banco di Seguro Social Aruba SVb ta anuncia cu tur su oficinanan ta cera riba: • Diahuebs 25 mei 2017 • Diabierna 26 mei 2017 Riba e dianan aki trahadonan den sector priva por notifica AO (meld ziek) online riba nos website (www.svbaruba.org/form-notifica-ao) entre 7:00 am te cu 12:00 pm. Debi na trabaonan di mantencion… Mas Informacion
SVb Cera Entrante Dia di Rey te cu Dia di Labor
Banco di Seguro Social Aruba SVb ta anuncia cu en conexion cu Aña di Rey, un dia di ATV pa empleadonan publico y Dia di Labor tur su oficinanan ta cera riba: Diahuebs 27 april 2017 Diabierna 28 april 2017 Dialuna 1 mei 2017 Notificacion di AO (meld ziek) por wordo haci mediante e formulario… Mas Informacion
SVb ta Introduci Opcion pa Ricibi Declaracionnan pa DIMAS Digital
Banco di Seguro Social, SVb ta informa cu entrante awe, 19 di april di 2017, SVb ta duna su clientenan e opcion pa ricibi nan declaracionnan pa DIMAS den forma digital. Na momento cu e cliente ta yena e peticion na e website di SVb, e por scoge si e ta desea pa ricibi e… Mas Informacion