Procedura Notifica AO (Sector Priva)

Procedura Notifica AO (Sector Priva cu no ta usa Medisoft SVb)

• Ora e trahado ta incapacita pa traha pa motibo di malesa of accidente (ora e ta arbeidsongeschikt of AO), e trahado mester notifica su doño di trabao y SVb.
• Ta notifica AO online: https://ao.svbaruba.org/. Tambe por notifica AO via liña di telefon 527-2782.

Pa empresanan den sector priva cu ta usa Medisoft SVb, e trahado ta notifica AO solamente cerca e doño di trabao.

1. Ta notifica AO via AO Online of na telefon 527-2782. No ta acepta notificacion di AO na otro forma!

Orario di notifica AO ta:

• Online:
  • Di dialuna pa diabierna di 7:00 AM pa 3:00 PM
  • Den weekend, dianan di fiesta y ATV di 7:00 AM pa 11:00 AM
• Telefon:
  • Di dialuna pa diabierna di 7:00 AM pa 12:00 PM y di 1:00 PM pa 3:00 PM
  • Den weekend, dianan di fiesta y ATV di 7:00 AM pa 11:00 AM

Si bay traha prome cu of riba e di tres dia desde cu a notifica AO no ta tuma contacto mas cu SVb.

2. Si ta sigui malo riba e di 3 dia mester notifica extension di AO na SVb:
   • Si a notifica AO Online por pidi extension di AO online tambe cu ta sigui malo, entre 7:00 AM cu 9:00 AM, di dialuna pa diabierna.
   • Ta yama SVb Administracion Medico na 527-2730 entre 7:00 AM cu 9:00 AM, di dialuna pa diabierna. No por yama ningun otro number di telefon!
   • No ta posibel pa pidi extension di AO den weekend, dianan di fiesta y ATV, por pidi e extension e siguiente dia di trabao di SVb.

Ora ta notifica online of ta yama 527-2730 mester:

• • Duna un number di telefon valido pa SVb yama bek mesun dia.
  • Ta pendiente pa ricibi yamada riba e telefon mesun dia (por ricibi yamada te cu 5:00 PM).
  • Den caso cu SVb yama bek y no ta haya contesta e dia di AO no ta wordo aproba.

3. Ora SVb yama bek mester sigui e instruccion duna, cual por ta:
   • SVb ta duna un fecha pa bay traha bek (fecha AG). Si ta sigui malo riba e fecha cu ta bay traha bek mester notifica SVb e mesun dia riba 527-2730 entre 7:00 AM y 9:00 AM.
   • Ricibi afspraak pa control medico na SVb.
   • Pa cada afspraak ta permiti 1 persona drenta, cu excepcion pa esnan den necesidad pa ayudo.

4. Si tin afspraak pa bishita SVb mester tene cuenta cu lo siguiente:
   • Ora di drenta mester mustra paspoort, rijbewijs of cedula.
   • No ta permiti entrada na persona cu griep, keintura y cu tosamento
   • Sigui e instruccion duna pa bin na remarca pa compensacion.