MiSVb Trahado App: Instalacion y Registracion
MiSVb Trahado App: Instalacion y Registracion
Trahadonan di sector priva cu a yega di uza nos portal di AO Online anterior por sigui e pasonan aki pa drenta e App: Instruccion Reset password
Video di Instruccion
- Download y instala e MiSVb Trahado Mobile App riba Google Play Store of Apple App Store.
- Despues di instalacion ta habri e App y click riba ‘Registra’ pa traha un account nobo.
- Yena un username, bo emailadres personal, number di celular ademas yena un paswoord.
Tene cuenta cu e paswoord mester cumpli cu algun regla pa bo propio seguridad.
- Despues di a yena tur informacion por primi ‘Registra’ full abao. E app ta habri un pagina nobo unda ta informa cu un email a wordo manda pa e email cu a ser registra. Mester habri e mail aki pa confirma e account.
- Den e mail click riba e link pa confirma e cuenta. Den caso cu e mail no a drenta controla e folder di junk of spam. Despues di a click e link e website di SVb ta mustra cu e email ta confirma.
- Por bay bek na e App y primi e boton ‘Verifica e confirmacion di e email’. E App ta confirma cu e email a ser confirma.
- Despues di a registra un account e App lo pidi pa un PIN wordo crea. E pin mester tin 6 cifra. Despues di a crea un PIN esaki mester wordo confirma.
- E siguiente stap ta pa conecta e App na bo informacion personal. Yena tur informacion personal riba e App.
- Yena na ‘Scoge un dunado di trabou’ bo dunado di trabao kende ta esun responsabel pa pago di salario.
- Ora di upload e ID por uza un copia digital di e identificacion cu ta warda caba riba e aparato, of por scoge pa saca un potret di un identificacion.
- Primi ‘Entrega’ full abao ora a yena tur informacion. Bo informacion lo wordo controla y verifica. Mientras cu e proceso aki ta tuma luga e App lo mustra e status di bo peticion.
- Despues di a verifica bo informacion por yena bo PIN y habri e App full.
