Mision y Vision di SVb

Banco di Seguro Social (SVb) ta desplega un tarea importante den e sistema di seguridad social na Aruba. Den e cuadro aki SVb ta ehecuta 5 ley di seguronan social. Tur luna SVb ta percura pa un gran parti di nos comunidad ricibi un entrada mediante pago di dianan di AO, pensioen di biehes y pensioen di viudo y huerfano.
Desde prome di januari 1986, SVb ta brinda seguridad pa Aruba su comunidad.

Mision

Banco di Seguro Social Aruba ta ehecuta ley y areglonan vigente den cuadro di seguridad social y ta percura pa cobertura di tur cuidadano di Aruba.

Vision

Nos ta percura pa seguridad financiero na tempo y corecto, y ta brinda servicio eficiente y cu empatia na nos clientenan.

Tareanan di SVb

SVb ta encarga cu ehecucion di 5 ley di seguro social, tanto na beneficio di trahado y di pueblo en general. E leynan ta:

• Ley di Seguro di Malesa
• Ley di Seguro di Accidente
• Ley di Seguro di Pensioen di biehes
• Ley di Seguro di Pensioen di Viudo y Huerfano
• Ley di Cesantia

Lesa mas di nos leynan:
https://www.svbaruba.org/organisacion/leynan/