Pago di prima na SVb

Con e doño di trabao/compania por haci un pago na SVb?

Pagonan por wordo haci na e Departamento di Inning, situa na Vondellaan 19E (segundo piso), of por wordo paga riba e cuenta di banco di SVb.
E orarionan di e caha ta di dialuna pa diabierna, di 8:00 am te cu 11:45 am y di 13:00 pm te cu 15:00 pm. Por haci pagonan akinan tambe mediante ATM.

Pagonan via banco por wordo haci riba e siguiente cuentanan di banco:

Prima Seguro di Malesa/Seguro di Accidente (ZV/OV)
Aruba Bank	19 22 616
RBTT Bank	30 59 499
Banco di Caribe	02505-801765-01
Caribbean Mercantile Bank	92 39 3106
Prima Cesantia
Aruba Bank	19 22 517
RBTT Bank	12 60 243
Banco di Caribe	02505-822014-01
Caribbean Mercantile Bank	90 27 3501

Pa pagonan mediante banco SVb ta recomenda pa specifica e number di e compania na SVb (werkgeverscode); e tipo, temporada y aña di aanslag of si ta pa un areglo di pago.

Ken SVb ta considera responsabel pa e pagonan?

Si un compania of doño di trabao no cumpli cu su cuenta, of no paga un boet cu ela haya, e siguiente persona(nan) ta wordo poni responsabel pa e pago:
Pa un doño di trabao cu ta haci negoshi for di Aruba esakinan por ta e bestuur di un N.V. of Stichting. Si tin mas cu un doño di trabao nan tur por wordo poni responsabel personalmente.
Pa un doño di trabao cu no ta biba riba Aruba of cual no ta estableci na Aruba e siguiente por wordo poni responsabel:

• E persona cual ta dirigi e compania na Aruba.
• E persona cual ta representa e compania na Aruba.
• E persona cual ta dirigi e trabao na Aruba.

Kico ta e procedura di cobransa y pago?

Despues di inscripcion na departamento di Premieheffing nan ta traha e voorlopige aanslag pa e doño di trabao. E aanslag ta keda calcula a base di e salarionan di trahadonan cu ta inscribi na SVb bao nomber di e compania. Despues di e voorlopige aanslag e compania lo ricibi e definitieve aanslag. Pa e voorlopige aanslag e doño di trabao tin te cu fin di aña pa cumpli cu e pago. Pa e definitieve aanslag e doño di trabao tin 5 luna pa cumpli cu e pago.

Apelacion contra aanslag

Si un doño di trabao no ta di acuerdo cu e voorlopige of definitieve aanslag, e por entrega un apelacion contra e aanslag dentro di 2 luna despues di a ricibi e aanslag cerca e departamento di Premieheffing. Den e apelacion e doño di trabao ta expresa e motibonan pa cual e no ta di acuerdo cu e aanslag di SVb. Consecutivamente e doño di trabao por pidi un suspension di pago na departamento di Invordering. Pa por haya un suspension di pago mester entrega un copia cu stempel di e apelacion cerca departamento di Invordering.

Aanmaning y boet

Si en caso un doño di trabao no paga e primanan manera ta prescribi den e ‘voorlopige aanslag’ of e ‘definitieve aanslag’, e doño di trabao lo ricibi un aanmaning pa e suma di e aanslag, ademas lo ricibi un boet riba e suma aki. E boet aki ta core di 20% te cu 100% di e prima no paga, cu un minimo di Afl. 100,-. Den caso di a ricibi un aanmaning e compania mester paga e prima y e boet di e aanmaning.

Apelacion contra aanmaning

Si un doño di trabao no ta di acuerdo cu e aanmaning, e por entrega un apelacion contra esaki cerca e departamento di Invordering. Den e apelacion e doño di trabao ta expresa e motibonan pa cual e no ta di acuerdo cu e aanmaning di SVb.

Apelacion despues di a apela cerca SVb

Despues di a ricibi e decision di SVb tocante aanslag of aanmaning, e doño di trabao ainda por apela cerca Colegio di Apelacion dentro di 3 siman despues di a ricibi e decision di SVb en escrito. E apelacion por escrito ta keda dirigi na:
College van Beroep
Inzake (ZV, OV, AOV, AWW of Cesantia)
Wayaca 33 E
Oranjestad, Aruba

Procedura despues di a ricibi aanslag y aanmaning

Den caso cu e doño di trabao no por cumpli cu e pago e por yega na un areglo di pago cu SVb. Si e doño di trabao no cumpli cu su debernan y no yega na un areglo di pago e lo ricibi un dwangschrift despues di 30 dia cu a ricibi e aanmaning. Consecuentemente e doño di trabao lo ricibi un bevel pa cumpli cu e pago entrega pa un deurwaarder, of pa presenta na departamento di Invordering dentro di 2 dia.
Den caso cu e doño di trabao ainda no reacciona riba e dwangschrift y bevel, e lo ricibi un beslaglegging of SVb ta pone un vordering aan derden.

Resumen di prima

(E sumanan aki ta conta pa aña 2017 y por wordo cambia pa ley.)

Pensioen di Biehes

Casa: Afl. 1.864,- (Afl. 932,- cada uno)
Soltero: Afl. 1.107,-
Casa bibando separa of soltero bibando hunto: Afl. 932,-

Pensioen di Viudo/Viuda

Edad te cu 39 aña: Afl. 500,-
Edad di 40 te cu 48 aña: Afl. 671,-

Entrante 1 di januari 2015 e edad di pensioen di viuda y viudo a cambia. Durante un periodo di 10 aña, cada aña e edad ta subi cu un mey aña pa esnan cu edad di 58 of mas. Por mira esaki riba e siguiente tabel:

Entrante	Edad pa Afl. 848,- pa luna	Edad pa Afl. 1.107,- pa luna
1 januari 2015	49 te 58,5 aña	58,5 te 60,5 aña
1 januari 2016	49 te 59 aña	59 te 61 aña
1 januari 2017	49 te 59,5 aña	59,5 te 61,5 aña
1 januari 2018	49 te 60 aña	60 te 62 aña
1 januari 2019	49 te 60,5 aña	60,5 te 62,5 aña
1 januari 2020	49 te 61 aña	61 te 63 aña
1 januari 2021	49 te 61,5 aña	61,5 te 63,5 aña
1 januari 2022	49 te 62 aña	62 te 64 aña
1 januari 2023	49 te 62,5 aña	62,5 te 64,5 aña
1 januari 2024	49 te 63 aña	63 te 65 aña

Viudo/Viuda invalide cu 1 yiu of mas: Afl. 1.107,-

Pensioen di huerfano

Edad te cu 9 jaar: suma pa mita huerfano Afl. 368,- / suma pa ful huerfano Afl. 395,-
Edad di 10 te cu 14 jaar: suma pa mita huerfano Afl. 395,- / suma pa ful huerfano Afl. 433,-
Edad di 15 te cu 24 jaar ( huerfano cu ta atende school y/of ta invalide): suma pa mita huerfano Afl. 433,- / suma pa ful huerfano Afl. 500,-

Premie (den porcentahe di salario)

AOV & AWW total 15,5 %
Doño di trabao: 10,5%
Trahado: 5%

AOV total 14,5%
Doño di trabao: 10%
Trahado: 4,5%

AWW total 1%
Doño di trabao: 0,5%
Trahado: 0,5%

OV 0,25%-2,5% di e salario bruto, paga pa doño di trabao
Porcentahe ta depende di e Gevarenklasse.
(Lesa mas di Gevarenklasse akinan)

ZV 2,65% di e salario bruto, paga pa doño di trabao

AZV total 10,5%
Doño di trabao: 8,9%
Trahado: 1,6%

Premie inkomensgrens pa AOV/AWW

Afl. 85.000,-

Premie inkomensgrens pa ZV/OV

Pa dia den caso di 5 dia di trabao pa siman: Afl. 270,-
Pa dia den caso di 6 dia di trabao pa siman: Afl. 225,-
Pa siman: Afl. 1.350,-
Pa luna: Afl. 5.850,-
Pa aña: Afl. 70.200,-

Cessantia

Afl. 40,- pa aña pa cada empleado den servicio riba 1 januari.

Mas informacion

Pa mas informacion por tuma contacto cu SVb na telefon 527 27 00, email na info@svbaruba.org of mediante e formulario aki.

---