fbpx

Dia Mundial di Adulto Mayor

Riba 1 october nos ta celebra Dia Mundial di Adulto Mayor!
Nan ta nos fuente di sabiduria, experencia y ta contado di storia y di nos historia.
Ta deber di un y tur pa duna e Adulto Mayor e aprecio, respet y oido cu nan merece. Y nunca lubida pa duna nan cuido, yudansa y atencion.
Nos ta desea tur nos Adulto Mayornan un dushi dia!

Posted in Pensioen | Tagged , , ,

SVb Presente na Expo Promove Salud y Bienestar

Diasabra 24 di september ta dia di salud y bienestar. Nos di SVb ta invitabo pa topa cu nos na Expo Promove Salud y Bienestar. E Expo ta tuma luga na Centro Libertador Betico Croes, y ta habri di 10:00 AM pa 5:00 PM. Entrada ta gratis.

Expo 2022

Posted in Pensioen, Trahado | Tagged , , , , ,

SVb y Cambio Maneho Covid-19

Riba 12 september 2022 Gobierno di Aruba a anuncia un cambio di maneho, cual ta encera cu no ta obligatorio mas na Aruba pa haci test di Covid-19. Tambe no ta obliga mas pa esnan infecta cu Covid-19 pa bay den cuarentena of isolacion.

E cambio aki ta encera cu SVb Aruba tambe ta adapta su maneho pa esnan cu ta infecta cu Covid-19.

  • Ta atende infeccion cu Covid-19 manera cualkier malesa
  • No por notifica AO pa bay haci test di Covid-19
  • No por notifica AO pa bay den cuarentena of isolacion.

E cambio di maneho aki ta drenta na vigor inmediatamente pa tur esnan cu lo wordo infecta. Trahadonan cu a notifica AO caba pa motibo di Covid-19 no lo wordo afecta pa e cambio aki.

 

Posted in Doño di Trabao, Trahado | Tagged , , , ,

SVb ta introduci su Mobile App “MiPensioen”

Banco di Seguro Social SVb ta sigui inova su servicionan. Awor SVb ta ofrece na pensionadonan di AOV un servicio nobo cual ta facil pa uza riba celular of tablet. Dia prome di september nos Pensioen di Biehes esta nos AOV ta cumpli 62 aña. For di introducción di SVb Aruba na aña 1986 e desaroyo tecnologico tabata inmenso. Y ta cu satisfaccion cu un biaha mas ta marca un punto  importante den e avancenan tecnologico y di digitalisacion.

“MiPensioen Mobile App”, ta na servicio di tur cliente cu ta cobra pensioen di biehes y cu ta registra den e portal di MiPensioen. Su uzo ta facil, mester log in cu e mesun usernanme y password cu ta uza riba e portal. Si e Pensionado no ta registra ainda riba e portal di “MiPensioen” por registra direct via di e app mes.

Segun e celular of tablet cu ta uza mester bay den Playstore of den Appstore, busca e app MiPensioen y download esaki. E usuario ta yena su username y password y despues ta crea su pin cu e lo keda uza cada biaha cu mester haci uzo di e app. Den e app aki ta haya documentonan manera Jaaropgaaf y Inkomensverklaring. Tambe por mira e pagonan cu a ricibi for di SVb y por comunica cu SVb su Departamento di Pensioen mandando un e-mail via di e app.

Pa e pensionado e mobile app aki ta pone e documentonan cu e mester den su planta di man.

Pa un video di splicacion por habri e siguiente link:
https://youtu.be/1WGklZVodoU.

Cu e inovacion aki SVb cada dia ta sigui contribui pa mehora e servicio pa nos clientenan.

Nos ta recorda tur pensionado di SVb cu pa cualkier informacion por yama telefon 527-2760 of email nos na pensioenen@svbaruba.org.

 

 

Posted in Pensioen | Tagged , , , , ,

Maneho di Boet Administrativo

Na april di 2016 Parlamento di Aruba a pasa e ley den cual ta duna SVb autorisacion pa sanciona doño di trabao cu no ta cumpli cu inscripcion di nan trahadonan. Desde juli di 2017 e ley aki a drenta na vigor.

Cada doño di trabao tin obligacion pa cumpli cu nos leynan di Seguro di Malesa, Seguro di Accidente y Cesantia na momento cu tin trahado den servicio. Ta e responsabilidad di cada doño di trabao pa inscribi e trahado prome of riba e prome dia di trabao. Cada dia cu e trahado traha sin ta inscribi e doño di trabao ta falta di cumpli cu e leynan di SVb. Esnan cu no cumpli cu esaki ta ricibi un Boet Adminstrativo.

E Boet Adminstrativo tin 3 categoria:

  1. E doño di trabao no a duna informacion di trahado completo of corecto
  2. E doño di trabao no a inscribi trahado na tempo
  3. E doño di trabao nunca a inscribi trahado

Na momento cu SVb finalisa control y a keda comproba cu e doño di trabao no a cumpli cu ley, SVb ta manda un notificacion digital (via di e-mail) cu SVb tin intencion pa duna un Boet Administrativo. Den e notificacion SVb ta splica e motibonan pakico ta bay ricibi e boet, ademas ta informa riba e suma di boet. Ta importante pa menciona cu e boet ta pa cada trahado cu no a wordo inscribi of no a wordo inscribi debidamente. Por ehempel, den caso cu un empresa a comete un infraccion cu 6 trahado, SVb ta evalua cada trahado su situacion y lo impone un boet riba e doño di trabao pa cada trahado.

E doño di trabao tin posibilidad pa entrega un obhecion te cu 3 siman despues di fecha di e notificacion aki. E obhecion por wordo entrega riba nos website www.svbaruba.org/obhecion of mediante un carta dirigi na director di SVb :
ir. E.M. Jacobs
Caya Punta Brabo 19, Oranjestad.
Si dentro di 3 siman SVb no ricibi un obhecion automaticamente e doño di trabao ta acepta cu a falta di cumpli cu leynan di SVb.

E doño di trabao cu a ricibi un Boet Adminstrativo tin 6 siman pa cumpli cu e pago. Si tin dificultad pa cumpli cu e boet por tuma contacto cu SVb pa yega na un areglo di pago. Mester menciona cu si no cumpli dentro di 6 siman ademas no a tuma contacto cu SVb lo sigui cu e procedura di aanmaning, dwangschrift y beslag.

Por lesa mas tocante e maneho di Boet Administrativo riba nos website www.svbaruba.org/boet.

Boet Administrativo

Posted in Doño di Trabao | Tagged , , , ,

Schoolverklaring Pa Pensioen Di Huerfano

Tur huerfano entre 15 y 25 aña cu ta bay school den dia mester entrega e schoolverklaring pa e aña escolar 2022/2023.

Pa evita atraso den pago di pensioen di huerfano, e papelnan aki mester wordo entrega no mas tarda cu dia 15 di augustus 2022. Por mail esaki na SVb Departamento di Pensioen via email pensioenen@svbaruba.org.

 

SVb_Seguro_Huerfano

SVb_Seguro_Huerfano

Tagged ,

Pago di Prima y Loonsubsidie na SVb

Pa ley SVb tin e obligacion pa maneha e fondonan di Seguro di Malesa y Accident, di Cesantia y di Loonsubsidie separa. Esaki ta nifica cu pagonan di prima di Seguro di Malesa y accident (ZV/OV), prima di Cesantia y pago di Loonsubsidie mester wordo paga riba cuentanan bancario separa di SVb.

Ora di haci pago via banco nos ta urgi pa controla bon pa e tipo di pago bay na e cuenta bancario corespondiente. Importante tambe ta pa pone den e descripcion e werkgeverscode (number di e compania) sigui pa e number di e factura.

Den caso cu ta haci pago riba e cuenta bancario incorecto, of sin descripcion corecto, administracion di e pago por haya un retraso of e pago por ser desconta for di debe incorecto.

Pa mas informacion bishita nos pagina ‘Pago di prima na SVb’:
https://www.svbaruba.org/prima

SVb_PagoDiPrima_2022

Posted in Organisacion | Tagged , ,

Ceramento Oficinanan SVb diaranson 29 y diahuebs 30 juni 2022

En conexion cu e situacion di tempo tur nos oficinanan ta cera awe diaranson 29 juni entrante 12:00, tambe mañan diahuebs 30 juni 2022 henter dia.
Sector Priva
Durante e dianan aki empleadonan di sector priva por solamente notifica AO via nos portal di AO Online: https://ao.svbaruba.org.
No ta posibel pa notifica AO via telefon 527-2782. Tambe riba diahuebs nos telefon pa control medico 527-2730 ta cera.
Sector Publico
Notificacion di AO pa sector publico ta keda mescos, ta keda notifica AO cerca e departamento of diensthoofd prome. Riba diahuebs 30 juni no por yama 527-2790 of 527-2808 pa control medico. Na momento cu oficinanan di SVb ta habri bek por yama SVb pa e control medico si ta malo ainda.
SVb_Cera 29 juni 2022

SVb_Cera 29 juni 2022

Posted in Organisacion | Tagged , , , , , ,

SVb Pensioen Jaaropgaaf 2021

Pa tur nos clientenan Pensionado, e jaaropgaaf pa aña 2021 ta ser manda via mail y via post. Lo ricibi e carta cu e jaaropgaaf di Pensioen den e proximo dianan.
Tambe ta posibel pa subi nos portal di MiPensioen (https://pensioenen.svbaruba.org/) y download e jaaropgaaf.
SVb Jaaropgaaf 2022

SVb Jaaropgaaf 2022

Posted in Pensioen | Tagged , , , ,

Ceramento Oficinanan di SVb 26 y 27 mei 2022

En conexion cu Dia di Ascencion y un ATV diahuebs 26 y diabierna 27 mei 2022 tur oficina di SVb Aruba ta cera.

Pa notifica AO SVb tin orario adapta
– Por notifica AO Online di 7:00 AM pa 9:00 AM di mainta.
– Por notifica AO via telefon 527-2782 di 7:00 AM pa 11:00 AM di mainta.

Yama pa dokter di control
Nos liña di telefon 527-2730 tambe cera riba e dianan aki. Si mester a yama 527-2730 riba diahuebs of diabierna por haci esaki dialuna 30 mei atrobe (entre 7:00 AM y 9:00 AM di mainta).
Liñanan di telefon pa sector publico tambe ta cera riba e dianan aki, y por yama esakinan riba dialuna atrobe.

 

 

 

 

Posted in Organisacion | Tagged , , , , , ,