Vacatura SVb
SVb ta busca
SVb ta buscando un persona pa guia y lidera su ekipo di recurso humano, den linea cu e aspiracionnan di SVb como organisacion y como dunado di trabou.
|
Teamleider Recurso Humano |
|---|
SVb, su tareanan
Banco di Seguro Social, SVb, ta encarga pa 38 aña caba cu ehecucion di 5 ley di e sistema di seguridad social na Aruba.
SVb, e organisacion
Nos famia di SVb ta percura pa nos clientenan ricibi nan beneficionan na tempo y corecto, brindando un servicio eficiente y cu empatia.
SVb, e dunado di trabou
Como dunado di trabou SVb ta percura pa e ambiente di trabou pa su empleadonan ta uno saludabel, placentero y sigur, tanto fisicamente como emocionalmente. Di e forma aki creando espacio pa su empleadonan por eherce nan funcion y desaroya nan potencial.
Ekipo di Recurso Humano
E departamento di Recurso Humano tin papel importante den SVb. E departamento ta responsabel pa e ciclo di bida di un empleado, cual ta encera cu e ta encarga cu recluta, contrata, integra, training y retiro di empleadonan. Ademas e departamento ta administra e condicionnan di trabou, como tambe e administracion di salario. SVb ta para dilanti un trabou importante di cambio di e asina yama functiehuis y mara na dje tur e otro elementonan.
Kende SVb ta busca
SVb ta busca un persona cu:
– ta integro
– tin vocacion pa sirbi hende
– por motiva y stimula hende
– tin un formacion den e area di recurso humano na nivel HBO
– tin conocemento di BRA y LMA
– tin capacidad pa yuda transforma un organisacion
– ta domina bon e idiomanan mas uza na Aruba
– ta innovativo
– tin experencia den maneha ekipo
Si bo por haña bo mes den loke SVb ta busca, nos ta motiva bo pa solicita. Manda bo motivacion pa solicita dirigi na Edwin M. Jacobs prome cu dia 22 di april 2024 na email solicitud@svbaruba.org. Un evaluacion di maneho y of personalidad ta parti di e procedura.
Edwin M. Jacobs
Directeur
Vacatura SVb
No por reacciona mas riba e vacatura aki.
SVb, su tareanan
Banco di Seguro Social, SVb, ta encarga pa 38 aña caba cu ehecucion di 5 ley di e sistema di seguridad social na Aruba.
SVb, e organisacion
Nos famia di SVb ta percura pa nos clientenan ricibi nan beneficionan na tempo y corecto, brindando un servicio eficiente y cu empatia.
SVb, e dunado di trabao
Como dunado di trabao SVb ta percura pa e ambiente di trabao pa su empleadonan ta uno saludabel, placentero y sigur, tanto fisicamente como emocionalmente. Di e forma aki creando espacio pa su empleadonan por eherce nan funcion y desaroya nan potencial.
Ekipo di pensioen
Pa ehecuta e leynan di AWW y AOV, SVb tin un ekipo di coleganan cu conoce nan leynan bon. Den ekipo nos ta percura pa procesa peticionnan di nos cliente y atende cu tur otro asunto relaciona cu e pensioennan.
SVb ta busca
SVb ta buscando un persona pa guia y lidera su ekipo di pensioen, den linea cu e aspiracionnan di SVb como organisacion y como dunado di trabao.
Kende SVb ta busca
SVb ta busca un persona cu:
- ta integro
- tin vocacion pa sirbi hende
- por motiva y stimula hende
- tin un capacidad academico universitario
- ta domina bon e idiomanan mas usa na Aruba
- ta dispuesto pa siña
- ta innovativo
- tin experencia den maneha ekipo
Si bo por haya bo mes den loke SVb ta busca, nos ta motiva bo pa solicita. Manda bo CV hunto cu bo motivacion pa solicita dirigi na directeur SVb Edwin M. Jacobs prome cu 5 di april 2024 na e-mail solicitud@svbaruba.org. Un evaluacion di maneho y of personalidad ta forma parti di e procedura.
Aumento Pensioen 2024
Banco di Seguro Social Aruba SVb ta anuncia cu entrante prome di januari 2024 e siguiente cambionan ta tuma luga:
- aumento di Pensioen di Biehes AOV y Pensioen di Viuda y Huerfano AWW
- aumento di edad di Pensioen di na 65 aña
Por wak tur e sumanan di aumento di pensioen den e tabelnan akibao:
Pensioen 2024 - AWW Huerfano full
| Desde edad di: | Te edad di: | Huerfano full 2024 |
|---|---|---|
| 0 | 10 | 452,00 |
| 10 | 15 | 496,00 |
| 15 | 25 | 574,00 |
Pensioen 2024 - AWW Mita huerfano
| Desde edad di: | Te edad di: | Mita huerfano 2024 |
|---|---|---|
| 0 | 10 | 423,00 |
| 10 | 15 | 452,00 |
| 15 | 25 | 496,00 |
Pensioen 2024 - AWW Viuda/viudo
| Desde edad di: | Te edad di: | Viuda/viudo 2024 |
|---|---|---|
| 40 | 574,00 | |
| 40 | 49 | 770,00 |
| 49 | 63 | 972,00 |
| 63 | 65 | 1.265,00 |
Pensioen 2024 - AOV Pensioen di Biehes
| AOV 2024 | |
|---|---|
| Soltero | 1.265,00 |
| Casa | 2.130,00 |
| Cada uno | 1.065,00 |
Feliz Dianan di Fiesta
SVb Aruba ta desea henter pueblo di Aruba ademas tur su clientenan feliz Dianan di Fiesta y un prospero Aña Nobo!
SVb ta cera Diahuebs 2:00 PM
En conexion cu actividadnan interno tur oficina di SVb ta cera diahuebs 2:00 PM.
- Por notifica AO via telefon te cu 2:00 PM
- Tur otro servicio online y di App lo keda den funcion manera normal.
Nos ta ofrece nos desculpa pa cualkier inconveniencia.
SVb ta stop servicio pa ricibi AO-Overzicht – SVb to stop AO-Overzicht (AO-List) service
Papiamento (See below for English):
SVb ta stop servicio pa ricibi AO-Overzicht
Entrante dialuna 13 november SVb no lo honra mas peticion pa ricibi e AO-Overzicht. Esaki tabata un servicio extra cu SVb tabata ofrece na su clientenan pa ricibi un lista di tur empleado cu a bay AO. E servicio aki no ta cay bao tareanan di SVb sino ta responsabilidad di e propio doño di trabao conhunto cu su empleadonan. Pa e motibo aki SVb no por ofrece e servicio aki mas.
Nos ta conseha pa tur doño di trabao invita su empleadonan pa instala y haci uzo di e MiSVb Trahado App. Uzando e App aki e doño di trabao ta wordo teni na haltura di tur AO di su empleadonan desde e inicio di AO te cu e empleado ser declara AG y por reanuda trabao. Pa mas informacion di e App por subi nos website:
https://www.svbaruba.org/misvbtrahado
SVb por duna asistencia cu e implementacion di e App den su empresa. Pa un tempo limita ta duna servicio pa bishita su empresa y duna asistencia personal na tur empleado pa instala, habri y uza e MiSVb Trahado App. Pa traha un cita pa esaki por tuma contacto cu nos via info@svbaruba.org. Tambe SVb tin e Helpdesk MiSVb Trahado, unda ta duna asistencia via Whatsapp na 527-2727.
Pa cualkier pregunta of remarka por tuma contacto cu nos via info@svbaruba.org.
________________________________________
English:
SVb to stop AO-Overzicht (AO-List) service
Starting Monday, November 13th, SVb will no longer honor requests to receive the AO-Overzicht. This was an additional service that SVb used to offer to its clients to receive a list of all employees who went on AO (medical leave). This service does not fall under the tasks of the SVb but always was the responsibility of the employer together with their employees. For this reason, SVb will no longer provide this service.
We advise all employers to invite their employees to install and use the MiSVb Trahado App. By using this App, the employer is informed of all sick leaves of their employees from the start of the leave until the employee is declared fit to return to work. For more information about the App, you can visit our website:
https://www.svbaruba.org/misvbtrahado
SVb can provide assistance with the implementation of the App in your company. For a limited time, we offer a service to visit your company and provide personal assistance to all employees in installing, opening, and using the MiSVb Trahado App. To schedule an appointment please contact us via info@svbaruba.org. Additionally, SVb has the MiSVb Trahado Helpdesk, where assistance is provided via WhatsApp at 527-2727.
For any questions or comments, please contact us via info@svbaruba.org.
Lansamento di MiSVb Trahado Mobile App Ta Empodera Empleadonan den Sector Priva di Aruba
SVb Aruba ta hopi entusiasma pa anuncia e lansamento di su MiSVb Trahado Mobile App, specificamente diseña pa empleadonan den sector priva. E app aki, cu ta gratis y disponibel entrante awe, ta representa un paso grandi y importante pa duna e trahado e posibilidad pa yega na su propio informacion na un manera conveniente y cu seguridad.
Informacion Personal den Plant’I Man
Cu e MiSVb Trahado App e trahado por yega na su informacion personal cual ta registra cerca SVb Aruba, asegurando transparencia y un miho control riba nan informacion. Banda di e informacion personal tambe por wak e historia laboral cu ta registra na SVb. Den e App e trahado tambe por habri su informacion laboral manera e cantidad di oranan di trabao pa cual ta segura ademas e salario diario.
Na un manera mas facil por habri y download e documento di registracion di SVb, hacienda cierto proceduranan administrativo mas facil y liher.
Funcionalidad pa Notifica na AO
Cu e app tambe e trahado por notifica AO (meld ziek), simplificando e procedura di notifica AO mientras ta percura pa comunicacion mas eficiente pa e doño di trabao. Trahadonan cu ta notifica AO vi e App ta wordo informa di cada stap den e proceso, ademas e doño di trabao tambe ta ricibi notificacion riba e status di AO di su empleado. Ta bon pa remarca cu e doño di trabao ta wordo informa solamente di e fechanan di e AO y ningun informacion medico ta wordo comparti cu e doño di trabao.
Cu e introduccion di e App nos portal di AO Online lo wordo cera tambe entrante awe 3:00 PM. Notificacionnan cu a wordo haci caba riba e portal di AO Online lo sigui wordo administra riba e mesun portal, pero despues di awe por notifica AO solamente via e App of via telefon.
Con Pa Uza MiSVb Trahado Mobile App:
MiSVb Trahado Mobile App ta disponibel pa download gratis riba plataformanan di Google Android y Apple iOS.Usuarionan por haya e App den e respectivo tienda digital di app buscando “MiSVb Trahado”. Pa ayudo cu e App nos a institui un Helpdesk MiSVb Trahado, cu ta disponibel pa duna asistencia cu cualkier problema cu por surgi cu uzo di e App. Por tuma contacto cu e helpdesk via:
- Whatsapp +297 527 2727 (solamente mensahe – no por ricibi yamada)
- Email misvbtrahado@svbaruba.org
- Website: svbaruba.org/misvbtrahado
Inovacion pa un Futuro Digital:
E MiSVb Trahado Mobile App ta refleha e compromiso cu SVb Aruba tin cu inovacion y su transformacion digital. Cu introduccion di e App SVb Aruba ta sigui pone enfasis pa mehora e bienestar general di Aruba, brindando su clientenan servicio eficiente cu hermentnan pa yega na nan informacion relaciona cu su empleo. Cu introduccion di e App aki SVb ta sigui carga su responsabilidad pa sigui inova y mehora e servicio pa nos clientenan. Cu hopi entusiasmo nos ta yama un bon bini na e impacto positivo cu e MiSVb Trahado Mobile App lo trece pa nos forsa laboral.
Mas informacion
Pa mas informacion por tum contacto cu SVb Aruba via info@svbaruba.org. Por habri nos pagina special pa MiSVb Trahado Mobile App akinan:
https://www.svbaruba.org/misvbtrahado.
Vacatura Project Medewerker SVb
Update: No por reacciona mas riba e vacatura aki.
Pa un proyecto inovativo di SVb nos ta buscando Project Medewerkers
Nos ta buscando candidatonan cu:
- Tin propio transport
- Por traha oranan flexibel
- Bon habilidad pa comunica
- Por papia Papiamento, Ingles, Spaño y Hulandes
E funcion aki ta uno temporal.
Pa mas informacion tocante e vacatura aki por mail nos via info@svbaruba.org.
Candidatonan por solicita akibao te cu 4 augustus 2023.
Orario SVb Durante Bierna Santo y Pasco di Resureccion
SVb Ta Sigui Amplia Su Servicio Digital Pa Su Clientenan
Despues di a introduci e portal di MiPensioen na 2017 awor SVb ta lansa otro servicio digital. For di awe e persona cu ta bin na remarca pa Pensioen di AWW esta Pensioen di Viuda(o) of Pensioen di Huerfano por aplica pa esaki online.
Ken ta bin na remarca pa aplica pa pensioen di Viuda of Huerfano?
E Ley di Seguro di Viudo y Huerfano (Algemene Wezen- en Weduwen-verzekering of AWW) ta un seguro pa tur persona cu ta biba e consecuencianan financiero di fayecimento di un casa cu ta un asegurado. Esaki ta nifica cu na momento cu un persona bira un viuda of viudo e ta eligibel pa ricibi un pensioen na acuerdo cu e ley di AWW. Tambe ta asina cu e Ley di Seguro di Viudo y Huerfano (Algemene Wezen- en Weduwen-verzekering of AWW) ta un seguro pa tur yiu cu ta biba e consecuencianan financiero di fayecimento di un mayor of tur dos mayor cualnan ta asegurado.
Pa e introduccion di e servicio nobo aki online SVb a traha dos video di instruccion pa cada situacion. Nan ta splica paso pa paso e procedura y accionnan con ta aplica. Alavez ta duna indicacion di documentonan cu mester na momento di aplica online. Mester menciona cu e viuda(o) su proceso di aplicacion ta diferente cu di e huerfano y ta importante pa tene cuenta cu esaki.
Pa mas informacion por tuma contacto cu Departamento di Pensioen via di e-mail na pensioenen@svbaruba.org; na telefon 5272760 of via mensahe di whatsap unicamente na 527-2760.
Pa inicia e procedura di aplicacion por subi nos portal di MiPensioen: https://pensioenen.svbaruba.org/
Video di Instruccion Viuda y Viudo
https://youtu.be/i6knycMDwEg
Video di Instruccion Huerfano:
https://youtu.be/X4mu6TJS6T0