fbpx

Apelacion SVb

E trahado no ta di acuerdo cu un decision di SVb

Na momento cu un trahado no ta di acuerdo cu un decision di SVb, e tin e derecho di apela e decision aki na e Colegio di Apelacion (College van Beroep of CvB).

Kico ta e Colegio di Apelacion?

E Colegio di Apelacion (CvB) ta e instancia legalmente institui pa atende e apelacion di aseguradonan di seguro di malesa y accidente. Cada seguro tin su propio CvB, cual ta consisti di tres persona:

  • Un presidente, kende ta un hurista.
  • Un representante di doñonan di trabao.
  • Un representante di trahadonan.

E Colegio di Apelacion ta funciona independiente di SVb.

Con e procedura di apelacion ta bay?

Pa cuminsa e procedura di apelacion, e trahado ta dirigi un carta di apelacion na e CvB di seguro en cuestion. Den e carta aki e trahado ta expresa e motibonan pa cual e no ta di acuerdo cu e decision di SVb. E trahado tin tres siman despues di a ricibi e decision por escrito di SVb pa apela.

Tratamento di apelacion

Despues cu CvB a ricibi e carta di apelacion, e colegio ta trata e caso verbalmente. Durante e tratamento, e trahado y SVb ta haya e oportunidad pa splica nan motibonan. Despues e CvB ta duna su veredicto por escrito.

Veridicto di CvB

E CvB por dicidi na fabor di e trahado, of di SVb. E decision di e CvB ta e decision final riba e asunto en cuestion y no por keda apela.

Na unda e trahado por dirigi su apelacion?

E apelacion por escrito ta keda dirigi na:
College van Beroep
Inzake: seguro di malesa of seguro di accidente of AOV/AWW of Cesantia
John G. Emanstraat 51
Oranjestad, Aruba