MiSVb 2.0 Instruccion Lubida Codigo Secreto

Procedura di haya codigo secreto nobo/lubida codigo secreto

Pa completa e stapnan den e instruccion aki mester tin acceso na e emailadres cual ta registra riba e account di e empresa pa MiSVb.

Na prome luga mester subi e website nobo di MiSVb 2.0, e adres pa esaki ta:
https://misvb.svbaruba.org

E prome pagina ta mustra e formulario pa login. E Nomber di usuario ta keda mescos, pero mester reset e Codigo secreto (password) prome cu por login.

Primi e opcion full abao ‘Primi aki si bo a lubida bo codigo secreto‘ cual ta habri e siguiente link:
https://misvb.svbaruba.org/Account/ForgotPassword.

E link ta habri un otro pagina unda ta yena solamente e Nomber di usuario. E nomber di usuario a ser yena ora di registracion pa e doño di trabao mes. Den caso cu no a registra prome e nomber di usuario ta e werkgeverscode di SVb.

Despues di a yena e Nomber di usuario ta primi e boton ‘Manda email’. E sistema ta manda un email pa e emailadres cual ta registra riba e account.

Den caso cu email ta tarda of no ta drenta mes, controla e folder di ‘spam’ of ‘junkmail’ den bo email. E email por wordo clasifica como spam of junk.

Ora di habri e link for di e email e website ta habri riba un pagina unda por cambia e codigo secreto:

E codigo secreto mester cumpli cu e siguiente rekisitonan:

  • E largura minimo di e Codigo secreto mester ta 6 caracter
  • Mester tin por lo menos 1 letter minisculo (a-z)
  • Mester tin por lo menos 1 letter mayusculo (A-Z)
  • Mester tin por lo menos 1 number (0-9)
  • Mester tin por lo menos 1 caracter special (!@#, etc.)

Despues di a yena e codigo secreto nobo ta primi e boton abao ‘Cambia codigo secreto’. Por wak e confirmacion cu e codigo secreto a ser cambia.

Awo por login y habri e pagina principal di e portal pa consulta tur informacion di e compania.

Den caso cu a encontra cualkier problema semper por tuma contacto cu nos helpdesk MiSVb mediante e siguiente canalnan:
Whatsapp:  https://wa.me/2975272740.
Website: https://www.svbaruba.org/dono-di-trabao/.
Email: helpdesk@svbaruba.org

E helpdesk ta habri di dialuna pa diabierna di 8:00 AM te cu 6:00 PM.