RECORDATORIO: Subsidio di Salario September 2020

SVb ta recorda tur dunado di trabou cu por aplica pa subsidio di salario cu e ultimo dia pa aplica pa subsidio di salario pa luna di september ta 27 di september, 2020, fin di dia.

Tur dunado di trabou cu ta aplica pa subsidio di salario pa luna di september mester a cumpli cu e pago di tur prima y seguro social pa lunanan di mei te cu augustus. SVb ta referi aki na e primanan di AZV, AOV/AWW, pensioen general di trahado y ZV/OV. Ta e deber di un dunado di trabou pa paga e primanan aki. Tambe tur dunado di trabou mester percura pa den nan MiSVb tin e salarionan real di nan trahadonan registra. SVb ta controla esaki y si e dunado di trabou no tin e salario real registra e por afecta e pago di subsidio di salario.

Pa e aplicacion mes tambe tin puntonan importante pa tene na cuenta:

  1. E formulario pa e trahadonan firma lo ta disponibel den MiSVb. Solamente e formulario oficial aki di SVb por usa y ta wordo acepta;
  2. Dunado di trabou y trahado mester firma e formulario y yena e % di reduccion di arbeidsomvang cu a acorda (reduccion di min. 0% y max. 40%);
  3. Tur documento relaciona cu e aplicacion pa subsidio di salario mester wordo uploaded den MiSVb y den un solo documento (1 file). SVb no ta acepta documentonan via e-mail;
  4. Despues di a upload e formulario fecha y cu firma di e trahadonan y di e dunado di trabou (number di compania y/of stempel di compania no ta un firma), mester yena e formulario di aplicacion;
  5. E perdida di entrada di benta cu ta premira pa luna di september 2020 compara cu e entrada di benta real di luna di september 2019 mester wordo poni den un %. No por haci cambio na esaki despues cu entrega e aplicacion;
  6. Despues di yena e formulario di aplicacion, ta primi ariba ENTREGA PETICION;
  7. Dunado di trabou ta ricibi un confirmacion cu aplicacion a keda entrega;
  8. No por haci cambio na e peticion despues di a entrega e aplicacion asina ta tuma e tempo pa yena e informacion corecto y sigura cu ta upload e formulario cu firma di e trahadonan corectamente y completo den un solo documento (1 file);
  9. Percura pa e cuenta di banco di e compania ta corectamente registra den MiSVb.

TENE NA CUENTA CU E TA E RESPONSABILIDAD DI E DUNADO DI TRABOU PA CONTROLA E INFORMACION DI APLICACION Y NO DI E TRAHADO. EN CASO CU DUNADO DI TRABOU ENTREGA UN PETICION CU NO TA CORECTO Y/OF CU FALTA INFORMACION ESAKI TA CONDUCI NA RECHASO DI E PETICION PA SUBSIDIO DI SALARIO. VERIFICA TUR DOCUMENTO Y FORMULARIO PROME CU ENTREGA!

Pa facilita e dunado di trabou, SVb ta transferi e sumanan di subsidio di salario pa luna di september manera cu e aplicacion a keda aproba y SVb a confirma cu e dunado di trabou tin e salarionan real registra den MiSVb.

Si bo tin pregunta, tuma contacto cu nos service center digital na loonsubsidie@svbaruba.org.

 

Posted in Doño di Trabao | Tagged , , , , ,

Subsidio di Salario – September 2020

Entrante 22 di september te cu 27 di september por aplica pa subsidio di salario pa luna di september, 2020

SVb ta anuncia cu e periodo pa aplicacion pa subsidio di salario pa luna di september ta habri desde diamars, dia 22 di september, 2020 pa 8‘or di mainta. Tur dunado di trabou cu ta bin na remarke pa aplica pa subsidio di salario a ricibi un notificacion di SVb.

Ultimo dia pa aplica pa subsidio di salario pa luna di september ta 27 di september, 2020, fin di dia (11:59 PM).

Tur rekisito pa subsidio di salario a keda mescos pa luna di september:

  1. E compania a wordo afecta den un forma negativo pa motibo di COVID-19;
  2. E compania tin un perdida di entrada premira di por lo menos 25% den e luna di e subsidio;
  3. E compania no ta permiti pa retira empleado pa motibonan socio-economico;
  4. E compania ta paga e empleado minimal 60% di su salario;
  5. E compania y tur empleado ta registra na SVb riba 15 di maart 2020;
  6. E compania ta registra na Departamento di Impuesto y tin un persoonsnummer;
  7. E compania ta cumpli cu pago di impuesto y primanan social di e luna corespondiente cu a aplica pa subsidio;
  8. E compania mester aplica pa e subsidio;
  9. E compania a cumbini cu tur trahado un reduccion di arbeidsomvang cu por varia entre 0% te cu maximal 40%.

SVb ta recorda tur dunado di trabou cu pa aplica pa subsidio di salario pa luna di september e dunado di trabou mester a cumpli cu e pago di tur prima y seguro social pa luna di mei, juni, juli y augustus. SVb ta referi aki na e primanan di AZV, AOV/AWW, pensioen general di trahado y ZV/OV. Ta e deber di e dunado di trabou pa paga e primanan aki.

SVb un biaha mas ta pidi tur dunado di trabou pa tuma nan tempo y lesa e notificacion, y especialmente e checklist, bon prome cu bay aplica pa evita cu ta entrega cos robes of incompleto. Despues di a entrega e aplicacion e dunado di trabou no por haci cambio mas.

Pago di subsidio di salario pa luna di september di parti di SVb pa e dunado di trabou ta wordo ehecuta diariamente segun cu e aplicacion di e compania keda aproba. Dunado di trabou ta responsabel pa verifica cu su cuenta di banco ta corectamente registra na SVb.

Pa facilita e proceso di aplicacion y contesta pregunta di dunado di trabou y trahado relaciona cu e programa di Subsidio di Salario por tuma contacto cu e Service Center via mail na loonsubsidie@svbaruba.org. Tambe por subi ariba e pagina di SVb www.svbaruba.org y bay na e topico Subsidio di Salario (na Doño di Trabou).

Posted in Doño di Trabao | Tagged , , , , ,

Vacatura Dokter di Control

Banco di Seguro Social Aruba (SVb) ta encarga cu ehecucion di nos leynan riba tereno di incapacidad laboral den sector publico y sector priva. SVb ta controla su clientenan pa determina nan capacidad pa traha y ta crea oportunidadnan pa e cliente por reanuda su trabao. SVb ta guia su clientenan riba e caminda di reintegracion y hunto cu su clientenan ta desaroya diferente programa di reintegracion.

Nos team di Labor & Salud ta duna servicio na tur trahado di Aruba. Ideanan di inovacion, eficiencia y progreso ta ser cultiva diariamente na SVb pa hiba nos mes y nos organisacion pa dilanti.

Pa logra e metanan aki nos ta buscando e siguiente candidato pa join nos team di Labor & Salud:

Dokter di Control

cu ta desea di contribui na nos organisacion den un forma positivo. Si bo persona tin un diploma di bedrijfsarts, verzekeringsarts of un otro educacion considera como igual; bo persona tin un abilidad amplio pa comunica y banda di Papiamento bo ta domina Hulandes, Spaño y Ingles; bo persona ta cordialmente invita pa solicita.

Nos ta ofrece:
Salario conforme e Bezoldigingsregeling Ambtenaren y ta depende di e nivel di educacion y experiencia. Ademas bon condicionnan laboral secundario, entre otro pensioen di APFA.

Solicitacion:
Un carta di motivacion, acompaña pa CV, copia di diploma y certificado por wordo dirigi na director di SVb sr. ir. Edwin M. Jacobs, solamente mediante e-mail na info@svbaruba.org te cu 30 di september 2020.
Pa mas informacion tocante e vacatura por tuma contacto cu dr. Marleen de Graaf (mdgraaf@svbaruba.org) of dr. Myron Genser (mrjgenser@svbaruba.org).

Explicitamente Arubianonan ta wordo pidi pa solicita. Evaluacion psicologico ta parti di e proceso di solicitud.

 

Posted in Organisacion | Tagged , , ,

Jaaropgaaf 2019 ta Wordo Entrega via di Post Aruba NV

Banco di Seguro Social di Aruba SVb ta conciente di e temporada cu nos ta biba aden y ta keda haci su maximo esfuerso pa cumpli cu su pensionadonan. Actualmente pa motibo di e situacion di COVID 19 no ta atendiendo cu publico pero ta mantene servicio y contacto via di email y telefon.

Den e temporada aki pensionadonan usualmente mester entrega nan jaaropgaaf AOV/AWW 2019 cu ta necesario pa e declaracion di inkomstenbelasting 2019. Esaki ta necesario pa por cumpli cu nan debernan cu oficina di impuesto. Motibo pa cual SVb ta mandando e jaaropgaaf di 2019 via di post pa e pensionado.Ta importante pa tur pensionado tuma nota di esaki, ya cu no por presenta personalmente na oficina di Pensioen. SVb ta mandando e carta di jaaropgaaf mediante di Post Aruba NV y lo continua cu esaki durante di e luna aki.

Pensionadonan cu ta haci uzo di e servicio digital “MiPensioen” por obtene e jaaropgaaf facil tambe, por bay riba nos website www.svbaruba.org drenta den e portal di “MiPensioen”, ta download y print e jaaropgaaf. Banda di print e jaaropgaaf, e pensionado por print inkomensverklaring, herziening mutatie y toelichting AOV.
E futuro pensionado tambe por haci uzo di e sistema digital di SVb por aplica on line pa e Pensioen di AOV via e portal di MiPensioen: https://pensioenen.svbaruba.org. E usuario lo por sigui via di e pagina principal con leu e proceso di su aplicacion ta. Aplicando via di e portal di Pensioen ta facil, e proceso lo cana mas lihe y ta sigur un trankilidad pa e pensionado. E servicio aki ta facilita e persona cu ta biba den exterior tambe pa e por haci su peticion digital.

Posted in Pensioen | Tagged , , , ,

Pabien Aruba cu 60 Aña di AOV

Banco di Seguro Social Aruba SVb riba prome di september 2020 a cumpli 60 aña ofreciendo comunidad di Aruba seguridad mediante e Pensioen di Biehes AOV. Masha pabien Aruba! Akibao un video repasando e historia di AOV na Aruba:

Posted in Organisacion | Tagged , , , ,

Despues di Notifica AO: Yama 527-2730 Si Ta Sigui Malo

Entrante mañan tin un cambio importante pa e procedura di notifica AO pa sector priva. Na momento cu un trahado notifica AO y ta sigui malo riba e di tres dia, e mester yama Administracion Medico na 527-2730, y no mas na 280-5100. Entrante diabierna 28 augustus 2020 e  number 280-5100 no lo wordo usa mas y ta wordo reemplaza pa 527-2730.

Pa repasa e procedura di notifica AO por wak akinan:
https://www.svbaruba.org/trahado/sector-priva/notificacion-di-ao/

Pa mas informacion por tuma contacto cu nos via info@svbaruba.org.

Posted in Trahado | Tagged , , , , ,

RECORDATORIO – Subsidio di Salario Augustus 2020

SVb ta informa tur dunado di trabou cu por aplica pa subsidio di salario cu e ultimo dia pa aplica pa subsidio di salario pa luna di augustus ta 27 di augustus, 2020, fin di dia.

Tur dunado di trabou cu ta aplica pa subsidio di salario pa luna di augustus mester a cumpli cu e pago di tur prima y seguro social pa luna di mei, juni y juli. SVb ta referi aki na e primanan di AZV, AOV/AWW, pensioen general di trahado y ZV/OV. Ta e deber di un dunado di trabou pa paga e primanan aki.

Pa e aplicacion mes tambe tin puntonan importante pa tene na cuenta:

  1. E formulario pa e trahadonan firma lo ta disponibel den MiSVb. Solamente e formulario oficial aki di SVb por usa y ta wordo acepta;
  2. Dunado di trabou y trahado mester firma e formulario y yena e % di reduccion di arbeidsomvang cu a acorda (reduccion di min. 0% y max. 40%);
  3. Tur documento relaciona cu e aplicacion pa subsidio di salario mester wordo uploaded den MiSVb y den un solo documento (1 file). SVb no ta acepta documentonan via e-mail;
  4. Despues di a upload e formulario fecha y cu firma di e trahadonan y di e dunado di trabou (stempel di compania no ta un firma), mester yena e formulario di aplicacion;
  5. E perdida di entrada di benta cu ta premira pa luna di augustus 2020 compara cu e entrada di benta real di luna di augustus 2019 mester wordo poni den un %. No por haci cambio na esaki despues cu entrega e aplicacion;
  6. Despues di yena e formulario di aplicacion, ta primi ariba ENTREGA PETICION;
  7. Dunado di trabou ta ricibi un confirmacion cu aplicacion a keda entrega;
  8. No por haci cambio na e peticion despues di a entrega e aplicacion asina ta tuma e tempo pa yena e informacion corecto y sigura cu ta upload e formulario cu firma di e trahadonan corectamente y completo den un solo documento (1 file);
  9. Percura pa e cuenta di banco di e compania ta corectamente registra den MiSVb.

EN CASO CU DUNADO DI TRABOU ENTREGA UN PETICION CU NO TA CORECTO Y/OF CU FALTA INFORMACION ESAKI TA CONDUCI NA RECHASO DI E PETICION PA SUBSIDIO DI SALARIO. VERIFICA TUR DOCUMENTO Y FORMULARIO PROME CU ENTREGA!

SVb a cuminsa transferi e sumanan di subsidio di salario pa luna di augustus caba. Pa cualkier pregunta tocante e Subsidio di Salario por mail na loonsubsidie@svbaruba.org.

 

Posted in Doño di Trabao | Tagged , , , ,

Subsidio di Salario – Augustus 2020

Entrante 21 di augustus por aplica pa subsidio di salario pa luna di augustus, 2020

SVb ta anuncia cu e periodo pa aplicacion pa subsidio di salario pa luna di augustus ta cuminsa diabierna 21 di augustus 2020. Tur dunado di trabou cu ta bin na remarke pa aplica pa subsidio di salario a ricibi un notificacion di SVb y entrante 21 di augustus pa 8 ‘or di mainta por yena nan aplicacion den nan portal digital MiSVb.

Ultimo dia pa aplica pa subsidio di salario pa luna di augustus ta 27 di augustus, 2020, fin di dia (11:59 PM).

Tur rekisito pa subsidio di salario a keda mescos pa luna di augustus:

  1. E compania a wordo afecta den un forma negativo pa motibo di COVID-19;
  2. E compania tin un perdida di entrada premira di por lo menos 25% den e luna di e subsidio;
  3. E compania no ta permiti pa retira empleado pa motibonan socio-economico;
  4. E compania ta paga e empleado minimal 60% di su salario;
  5. E compania y tur empleado ta registra na SVb riba 15 di maart 2020;
  6. E compania ta registra na Departamento di Impuesto y tin un persoonsnummer;
  7. E compania ta cumpli cu pago di impuesto y primanan social di e luna corespondiente cu a aplica pa subsidio;
  8. E compania mester aplica pa e subsidio;
  9. E compania a cumbini cu tur trahado un reduccion di arbeidsomvang cu por varia entre 0% te cu maximal 40%.

SVb ta recorda tur dunado di trabou cu pa aplica pa subsidio di salario pa luna di augustus e dunado di trabou mester a cumpli cu e pago di tur prima y seguro social pa luna di mei, juni y juli 2020. SVb ta referi aki na e primanan di AZV, AOV/AWW, pensioen general di trahado y ZV/OV. Ta e deber di e dunado di trabou pa paga e primanan aki.

Mirando cu ainda tin dunado di trabou cu tin dificultad pa aplica pa subsidio di salario pa luna di augustus SVb ta manda un splicacion paso pa paso pa tur dunado di trabou pa asisti nan cu e proceso di aplicacion. SVb ta pidi tur dunado di trabou pa tuma nan tempo y lesa tur cos bon prome cu bay aplica pa evita cu ta entrega cos robes of incompleto. Despues di a entrega e aplicacion e dunado di trabou no por haci cambio mas.

Pago di subsidio di salario pa luna di augustus di parti di SVb pa e dunado di trabou lo cuminsa entrante 31 di augustus, 2020. Dunado di trabou ta responsabel pa verifica cu su cuenta di banco ta corectamente registra na SVb.

Pa facilita e proceso di aplicacion y contesta pregunta di dunado di trabou y trahado relaciona cu e programa di Subsidio di Salario por tuma contacto cu e Service Center via mail na loonsubsidie@svbaruba.org. Tambe por subi ariba e pagina di SVb www.svbaruba.org y bay na e topico Subsidio di Salario (na Doño di Trabou).

Posted in Doño di Trabao | Tagged , , , ,

Cuarentena indica pa DVG ta cubri bao AO di SVb

E preocupacion di e comunidad Arubano a crece despues cu den menos di dos dia ora por a tuma nota cu a registra varios caso nobo di COVID 19. SVb tambe a tuma nota di esaki y ta informa nos clientenan y comunidad en general cu actualmente no tin un cuarentena general riba nos isla.

Ta importante pa tene na cuenta cu cuarentena ta valido unicamente ora cu esaki keda indica pa DVG. Na momento cu DVG pone un persona bao di cuarentena e lo keda registra y lo comunica esaki na SVb. E asegurado tin e deber di yama SVb pa notifica cu DVG a pone bao di cuarentena pa su dianan cu e no por traha keda cubri.

SVb ta recomenda pa tur persona mantene e distancia minimo di 1.5 meter na tur momento y na pia di trabao, si esaki no ta posibel mester uza mondkapje y aplica tur medida di higiena cu SVb ta recomenda.

Na momento cu un persona presenta algun sintoma di COVID-19 mester tuma contacto cu dokter di cas of yama telefon 280-0101 inmediatamente. Ta recomenda pa evita ta den areanan publico si no ta necesario.

Tambe SVb ta recorda comunidad cu e protocolnan di COVID-19 ta obtenibel den 4 idioma riba website www.svbaruba.org of www.arubacovid19.org. SVb ta conseha tur hende pa lesa e protocolnan y tene nan mes na e recomendacionnan. Awor cu nos ta experienciando un biaha mas transmision local di COVID-19 ta di suma importancia pa nos cuida nos mes y cuida otro.

Tambe ta recomenda pa come saludabel, haci ehercicio y sosega pa tene e curpa saludabel.

Posted in Organisacion | Tagged , , , , ,

Pagonan di SVb pa Comunidad di Aruba

Banco di Seguro Social Aruba SVb ta informa cu awe 30 di juli 2020 e pago di Subsidio di Salario a tuma luga. Pa e luna aki SVb a ehecuta un pago di 30.3 miyon florin cual a bay pa 18.666 trahado cu a ser afecta pa e crisis a causa di COVID-19.
Banda di esaki awe SVb tambe a paga e Pensioen Pensioen di Biehes (AOV) y Pensioen di Huerfano y Viuda (AWW) na 23.198 pensionado pa un suma total di 20.8 miyon florin. Ayera caba a ser paga e Sosten Financiero pa Empresa Chikito y Mediano pa SVb, cual a bay pa un total di 1606 empresa pa un suma total di 6.4 miyon florin.

Beneficio Suma Beneficiarionan
Subsidio di Salario 30.3 miyon 18.666 trahado
Pensioen AOV & AWW 20.8 miyon 23.198 pensionado
Sosten Financiero 6.4 miyon 1.606 empresa chikito & mediano

SVb ta gradici Gobierno di Aruba pa e confiansa poni den SVb pa maneha y ehecuta e pagonan aki.

Posted in Organisacion | Tagged , , , , , ,