MiSVb 2.0 Instruccion: Empresa Nobo

E INSTRUCCION AKI TA PA UN EMPRESA NOBO.

Pa completa e stapnan den e instruccion aki mester di un emailadres valido ademas algun documento, depende e tipo di compania:

Na prome luga mester subi e website nobo di MiSVb 2.0, e adres pa esaki ta:
https://misvb.svbaruba.org

E pagina ta habri y por wak e formulario di login. Akinan ta primi e boton pa ‘Registra como usuario nobo‘.

E boton ta habri e siguiente pagina:
https://misvb.svbaruba.org/Account/Register

Yena tur informacion riba e formulario di registracion. Ta importante pa yena un emailadres valido pa cual tin acceso na dje, sino no por finalisa e proceso di registracion.

Tambe e codigo secreto mester cumpli cu e siguiente rekisitonan:

  • E largura minimo di e Codigo secreto mester ta 6 caracter
  • Mester tin por lo menos 1 letter minisculo (a-z)
  • Mester tin por lo menos 1 letter mayusculo (A-Z)
  • Mester tin por lo menos 1 number (0-9)
  • Mester tin por lo menos 1 caracter special (!@#, etc.)

Despues di a yena tur informacion ta primi e boton abao ‘Registra’. E website ta habri un siguiente pagina unda ta confirma cu e informacion a ser ricibi. Awo mester habri y controla bo inbox di email pa confirma bo cuenta via e email di confirmacion.

Den caso cu email ta tarda of no ta drenta mes, controla e folder di ‘spam’ of ‘junkmail’ den bo email. E email por wordo clasifica como spam of junk.

Awo por log in riba e pagina principal cu e Nomber di usuario y e codigo secreto nobo. Despues di log in e website ta hiba e usuario na un pagina unda por scoge entre registracion di un compania nobo of un compania existente. Den e caso aki nos ta scoge pa un compania nobo. Ta primi e boton ‘Primi pa Registra’.

E website ta habri un pagina unda mester yena tur informacion di e compania.

Despues di a yena tur informacion akinan por primi e boton abao ‘Continua’. E di dos pagina ta habri.

Akinan ta “upload” tur documento rekiri. Cual documento(nan) ta rekiri por varia depende di e tipo di compania (rechtsvorm).

Primi ‘Continua’ ora a caba di upload tur documento. E di tres pagina ta habri.

Riba e di tres pagina ta yena tur empleado cu ta den servicio di e compania. Pa cada empleado mester tin tambe un copia digital di identificacion valido. Esaki por ta solamente un paspoort, rijbewijs of cedula.

Primi e ‘plus’ berde pa registra un empleado. E boton aki ta habri un siguiente screen unda ta yena tur informacion di e empleado.

Despues di a yena tur informacion y upload e identificacion ta primi ‘Safe’. Den e screen awo por wak e inscripcion di e empleado. Si ta desea ainda por haci cambio of ‘delete’ e inscripcion.

Cu e mesun procedura por tambe registra mas empleado akinan. Ora tur empleado ta registra ta primi ‘Continua’ abao pa habri e di 4 pagina.

Akinan ta wak un resumen di tur informacion cu a ser yena. Ta bon awo pa controla si tur informacion ta yena corectamente. Si ta necesario por haci cambio ainda. Si tur informacion ta corecto por primi ‘Entrega peticion’ y asina e registracion ta ser finalisa.

Tur informacion ta ser controla pa SVb y ora esaki ta cla y tur informacion ta corecto ta ricibi un notificacion di esaki. Na e momento aki tambe por log in y habri e pagina principal di e empresa riba MiSVb 2.0.

Den caso cu a encontra cualkier problema semper por tuma contacto cu nos helpdesk MiSVb mediante e siguiente canalnan:
Whatsapp:  https://wa.me/2975272740.
Website: https://www.svbaruba.org/dono-di-trabao/.
Email: helpdesk@svbaruba.org

E helpdesk ta habri di dialuna pa diabierna di 8:00 AM te cu 6:00 PM.