Obligacion di Registracion

Cu e meta pa garantisa e continuidad y integridad di nos sistema di seguridad social na Aruba, Banco di Seguro Social (SVb) ta pidi su cooperacion pa lo siguiente.

SVb a identifica un patronchi administrativo incorecto. E practica aki ta encera cu e doño di trabao ta termina e registracion di su empleadonan na SVb durante luna di december pa despues registra e mesun empleadonan bek den luna di januari sin cu tin un terminacion di un contrato laboral.

E practica aki ta violacion di e Landsverordening Ziekte en Ongevallenverzekering tambe e Landsverordening Cessantia.

SVb tin e compromiso pa pone un stop na e practica incorecto aki. Na momento cu esaki wordo constata door di SVb, lo haci coreccionnan necesario y tuma medidanan:

1. Multa (Boet) Administrativo:
Lo impone boet riba infraccionan identifica. Duna informacion incorecto of incompleto ta infraccion cu ta wordo castiga door di impone multa (boet) administrativo na e empresa cu ta comete e infraccionnan aki. E multa maximo pa esaki por yega te na Afl. 500.000,- pa cada infraccion.

2. Cobransa di primanan di ZV, OV y Cessantia:
Primanan cu no a wordo paga pa e periodonan evadi (esta december y januari) lo wordo cobra retroactivamente.

SVb ta conta riba tur doño di trabao cu lo sigui cumpli cu nan obligacionnan legal y unda aplicabel lo haci e cambionan necesario den proceduranan administrativo pa evita un situacion manera describi den nos comunicado.

---