fbpx

Inscripcion

Inscripcion pa ricibi beneficio

Pa un trahado por ricibi e beneficionan di e seguronan di trahado, ley ta stipula cu e doño di trabao tin e obligacion pa inscribi su trahado como asegurado na SVb. Sin inscripcion na SVb e trahado no tin derecho riba e beneficionan di e seguro di malesa y seguro di accidente. Si e trahado tin mas cu un doño di trabao e mester inscribi na SVb pa cada doño di trabao.

Pa ley tur trahado cu tin un convenio di trabao a base regular mester wordo inscribi na SVb. E cantidad di ora, duracion di contract of si ta trata di periodo di prueba of vakantiejob no ta porta ademas no ta kita e obligacion di inscripcion.

E propietario of directeur kende ta grootaandeelhouder (tin 50% of mas di accion den Registro di Accionnan) no por wordo inscribi como asegurado di SVb. Propietario of directeur cu no ta grootaandeelhouder por wordo inscribi na SVb solamente si nan ta ricibi salario.

Inscripcion

Inscripcion di trahado ta wordo haci online pa e doño di trabao mediante MiSVb (https://misvb.svbaruba.org). No ta posibel pa inscribi personalmente na SVb (entrante 15 november 2019).

Cambio den situacion laboral

Un doño di trabao mester inscribi e trahado riba MiSVb 2.0 atrobe of di nobo si su situacion laboral cambia, manera:

  • Si e trahado cambia di doño di trabao.
  • Si e trahado cuminsa traha bek pa e mesun doño di trabao.
  • Si e trahado wordo translada di un compania pa un otro compania cu ta cay bao di mesun consorcio.

Obligacion di inscripcion

Entrante prome di juli 2016 tur doño di trabao (sea un natuurlijk persoon of rechtspersoon) tin e obligacion pa inscribi e trahado na SVb prome cu e prome dia di trabao, of riba e prome dia di trabao durante oranan di trabao.

Autoridad pa duna boet

Den caso cu e doño di trabao no ta cumpli cu e obligacion di inscripcion aki, SVb tin e autoridad di duna e doño di trabao un boet di no mas cu Afl. 500.000,-.

Terminacion di seguro

E trahado su derecho riba beneficionan ta termina na momento cu e trahado no ta den servicio mas. E doño di trabao por notifica SVb di esaki via nos portal MiSVb 2.0.

Mas informacion

Pa mas informacion por tuma contacto cu SVb na telefon 527-2700, via email na info@svbaruba.org of mediante e formulario aki.