fbpx

RECORDATORIO: Aplicacion Sosten Financiero Kwartaal 2 2021

Awe ta e ultimo dia cu por aplica pa Sosten Financiero pa Empresa Chikito y Mediano pa e di dos kwartaal di 2021

Empresanan chikito y mediano cu ta bin na remarke pa aplica pa Sosten Financiero pa Empresa Chikito y Mediano (Sosten Financiero a ricibi un notificacion di SVb cu mas informacion.

E pago di e Sosten Financiero no ta bay automaticamente y si no aplica, no ta ricibi e sosten financiero.

Pa por tin derecho ariba e Sosten Financiero, e compania mester cumpli cu e siguente rekisitonan:

  1. E compania ta registra na SVb cu un minimo di 1 y maximo di 50 empleado;
  2. Tur empleado mester ta registra cerca SVb riba 15 maart 2020;
  3. E compania ta registra na Camara di Comercio riba 15 maart 2020 (cu excepcion pa esnan cu no tin obligacion legal di ta registra);
  4. E compania ta registra na Departamento di Impuesto riba 15 maart 2020 y tin un persoonsnummer;
  5. E compania a cumpli cu declaracion di BBO pa lunanan di april te cu december, 2020 como tambe di januari te cu maart 2021;
  6. E compania ta spera perdida di entrada di benta di por lo menos 25% pa e lunanan april, mei y juni 2021. E comparacion ta entre april, mei y juni 2019 cu april, mei y juni 2021;
  7. E compania ta estableci fisicamente na Aruba;
  8. E compania no ta failliet;
  9. E compania no tin peticion pa suspencion di pago na Corte di Husticia;
  10. E ayudo di Afl 4.000,- no ta parti di e benta di e compania.

 

E ta SVb su meta pa ehecuta e pago di Sosten Financiero despues cu e periodo di aplicacion sera, esta despues di dia 19 di april, 2021.

SVb ta recorda tur dunado di trabou cu nan mester cumpli cu pago di tur prima social como tambe belasting.

Pa facilita e proceso di aplicacion y contesta pregunta di empresa chikito y mediano relaciona cu e programa di Sosten Financiero por tuma contacto cu e Helpdesk via mail na helpdeskmkb@svbaruba.org. Tambe por subi ariba e pagina di SVb www.svbaruba.org y bay na e topico Sosten Financiero (na Doño di Trabou).

Posted by