Re-integracion

Pakico re-integracion?

E meta di re-integracion ta pa reduci e periodo di absentismo largo di ausencia na trabao pa motibo di un malesa of accident na trabao. E beneficionan ta grandi pa e empleado y e doño di trabao:

  • Un empleado cual ta bay traha bek na su trabao den un forma adapta ta recupera mas lihe. E trabao ta causa cu e persona cu ta AO ta sali for di e regimen cu e ta incapacita pa traha y asina ta drenta bek den e rol di empleado. E empleado cu ta traha ta sinti su mes balora pa su trabao y e no ta sufri perdida di entrada.
  • E doño di trabao no tin nodo di paga otro empleado overtime pa haci trabao di e empleado incapacita pa traha, of busca un otro empleado temporal. Tambe su empleado cu tin experencia y cual ta confiabel ta bek na trabao dentro un temporada mas cortico.

Trayecto di re-integracion

Prome cu un empleado por bay traha bek e doño di trabao y SVb ta evalua si por adapta e trabao of si e empelado por haci un otro trabao. Despues di un evaluacion positivo, e empleado ta drenta un trayecto di re-integracion. E trayecto aki ta core te ora cu e empleado por ehecuta su mesun trabao bek, of te ora cu e trabao adapta of e otro trabao bira su trabao nobo.

Resultado di re-integracion

E resultado di re-integracion semper ta uno positivo. SVb ta saca un persona for di AO y ta logra pa e ta productivo bek sea den e mesun trabao of den un trabao cu ta wordo adapta temporario of permanente. Pa e compania tambe esaki ta reduci gastonan relaciona cu AO y tambe ta evita cu mester buska otro empleado temporal cual ta costoso.

Proceso di re-integracion

SVb ta haci peticion por medio di un carta na e doño di trabao pa adapta e trabao of pa pone e empleado den un trabao temporario cu ta adecua pa su persona. Na e momento cu a logra reintegra un persona SVb ta keda evalua con esaki ta bay, tanto cu e empleado mes como cu e doño di trabao. Esaki ta tuma luga te ora por clausura e re-integracion den un acuerdo cu e doño di trabao of te ora e persona ta apto pa ehecuta su propio trabaou.

Re-integracion hunto cu Departamento Progreso Laboral

SVb tin bon contact cu Departamento Progreso Laboral. For di SVb DPL ta ricibi conseho na momento cu un compania kier kita un empleado for di trabao. Re-integracion di un persona ta hopi importante, si e persona ta den un tryecto di re-integracion e retiro no ta tuma luga. Den caso cu un persona ta keda retira durante su AO, SVb tin contacto cu DPL pa haci “re-integratie via 2e spoor” pa e trahado haya otro trabao.

Mas informacion

Pa mas informacion por tuma contacto cu nos re-integratiemedewerker sra. Trudy Smith na 527 2788.