Inscripcion pa doño di trabao

Print Friendly


BallpointKico ta un un doño di trabao y pakico e mester inscribi na SVb?

Un doño di trabao por ta un persona of un entidad huridico cu ta estableci na Aruba y cu tin un trahado of mas den servicio cu ta trahando na Aruba of pafo di Aruba. E doño di trabao ta sigura e trahado(nan) medio su contribucion na e fondonan di seguronan di malesa y accident. Tambe e ta contribui na e fondonan di cesantia, pensioen di biehes y pensioen di viudo y huerfano.

Ki ora mester inscribi un compania na SVb?

Un doño di trabao ta obliga pa inscribi su compania na SVb na momento cu e tuma un of mas trahado den servicio.

Ki ora e doño di trabao mester contribui na e fondonan di seguronan social?

Ley ta stipula cu e doño di trabao mester contribui prima di seguronan social desde cu a tuma un of mas trahado den servicio. Den caso cu e doño di trabao a inscribi despues di a tuma trahado den servicio, e obligacion ta keda pa contribui na e fondonan desde e fecha cu a tuma un trahado of mas den servicio, y no desde e fecha di inscripcion.

Na unda e doño di trabao por inscribi su compania?

Tur (cambio di) inscripcion ta wordo haci na e departamento di Premieheffing, situa na:

  • SVb Oficina principal, segundo piso, Caya Punta Brabo 19, Eagle, Aruba.
  • SVb Oficina San Nicolas, Bernardstraat 67 C, San Nicolas, Aruba.

Inscripcion haci pa un otro persona en bes di propietario of director

Si e inscripcion ta wordo haci pa un otro persona cual no ta e director of propietario di e compania, e persona aki mester presenta cu un carta di autorisacion firma pa e director of propietario di e compania. Tambe e persona mester entrega un copia di e paspoort, rijbewijs of cedula valido di e director of propietario di e compania. Tambe mester presenta cu documentonan rekiri y un lista di tur trahado den servicio, manera specifica akibao.

Documentonan rekiri pa inscribi un Eenmanszaak:

  • Uittreksel di Kamer van Koophandel (documento original).
  • Nomber di banco y e number di cuenta (documento original).
  • Formulier Bedrijfsgegevens.
  • Un lista di tur trahado den servicio, manera specifica mas abao.

Documentonan rekiri pa inscribi un N.V. of Stichting:

  • Statuut di e N.V. (documento original).
  • Uittreksel di Kamer van Koophandel (documento original).
  • Nomber di banco y e number di cuenta (documento original).
  • Beschikking di Ministerio di Finansas y Asunto Economico tocante e permiso di establecimento.
  • Formulier Bedrijfsgegevens.
  • Un lista di tur trahado den servicio, manera specifica mas abao.
  • Registro di Accionnan (documento original).

Lista di tur trahado den servicio

Tambe ta entrega e lista di tur trahado den servicio cu nan siguiente informacion:

  • Nomber y fam completo.
  • Number di identificacion y fecha di nacimento.
  • Adres.
  • Estado civil.
  • Profesion y funcion.
  • Salario pa dia.
  • Dato pa cu a dentra den servicio.
  • Number di telefon.

E lista di tur trahado den servicio ta keda firma pa un persona autorisa, acompaña pa e fecha di firmamento.

Inscripcion pa trahado

Despues di e procesamento di e inscripcion e doño di trabao ta ricibi un prueba en escrito cu e ta inscribi na SVb. Tambe e lo ricibi e formularionan di inscripcion pa e trahadonan, cualnan ta presenta na SVb pa inscribi nan mes.
Ora un trahado drenta den servicio di un doño di trabao, e doño di trabao mester notifica SVb di esaki en escrito. Tambe e doño di trabao mester yena e formulario di inscripcion pa e trahado, pa e por pasa cerca SVb pa haci su inscripcion. Un trahado nobo ta inscribi na SVb personalmente, ademas e doño di trabao ta cuminsa paga prima pa e trahado nobo desde e fecha cu ela drenta den servicio.

Con e trahado por haci su inscripcion?

Pa ley tur trahado tin e obligacion di inscribi su mes na SVb pa ta sigura pa e seguronan social. Pa por inscribi na SVb e trahado mester presenta personalmente na SVb cu e siguiente documentonan:

  • Un cedula, paspoort of rijbewijs valido.
  • E formulario di inscripcion, yena y firma pa e doño di trabao. E formulario di inscripcion ta obtenibel na e doño di trabao.

Cambionan den situacion laboral

Ora tin cambionan den situacion di un trahado e doño di trabao mester notifica SVb di esaki. Esaki ta conta pa entre otro:

  • Na momento cu un trahado nobo drenta den servicio.
  • Na momento cu tin un cambio di e estado civil di e trahado.
  • Na momento cu tin un aumento di salario di e trahado.
  • Na momento cu tin un cambio di adres di e trahado.
  • Na momento cu tin un cambio di funcion di e trahado.
  • Na momento cu un trahado sali for di servicio.

Doño di trabao cu no ta inscribi of coopera cu SVb

For di momento cu un trahado drenta den servicio di un doño di trabao, e doño di trabao tin e obligacion di coopera cu e trahado pa e ta sigura pa e seguronan di SVb. E obligacion pa ta sigura no ta depende di periodo di prueba, duracion di e trabao ni di e cantidad di oranan di trabao (part-time).

Terminacion di seguro

E trahado su derecho riba beneficionan ta termina na momento cu e trahado no ta den servicio mas. E trahado por notifica SVb di esaki personalmente of e doño di trabao por haci esaki por escrito. E doño di trabao debe e primanan pa e trahado te cu e fecha cu e trahado a sali for di servicio.

Mas informacion

Pa mas informacion por tuma contacto cu SVb na telefon 527-2700, via email na info@svbaruba.org of medio e formulario aki.

Comments are closed.