fbpx

Keuring Ambtenaar of Igual

Keuring di empleado publico of esnan cu status legal igual na empleado publico

Prome cu un empleado publico wordo tuma den servicio e mester cumpli cu e siguiente exigencianan:

  • E solicitante por duna un declaracion di bon conducto, duna door di Ministerio Publico.
  • E solicitante tin e nacionalidad Hulandes. Excepcion riba esaki ta si acaso un landsverordening ta dicta otro.
  • E solicitante mester domina idioma Hulandes.
  • Tambe e solicitante cual ta solicita pa un funcion cu ta encera contacto cu publico, mester domina Papiamento dentro di 1 aña.
  • E solicitante ta keda declara adecua pa e funcion a base di un investigacion medico (keuring).

Keuring

Tur keuring duna pa SVb ta tuma luga a base di un peticion en escrito for di e directeur of chef di e departamento concerni. Ora SVb ricibi e peticion aki e solicitante ta tuma contacto cu SVb pa traha un cita pa ricibi e keuring. Tur gasto relaciona cu e keuring ta pa e departamento pa cual e solicitante ta aplica. Despues di e keuring e solicitante y e departamento concerni ta ricibi e resultado mas pronto posibel. Si e solicitante no ta di acuerdo cu e resultado di e keuring e por apela contra esaki na e instancia concerni.

Cambio di departamento

Ora un empleado publico ta pasa di un departamento pa otro e no ta ricibi un keuring di nobo. Solamente si tin cierto exigencianan mara na e funcion nobo, cualnan ta mas pisa cu e funcion anterior, e solicitante ta ricibi un keuring di nobo.

Mas informacion

Pa mas informacion por tuma contacto cu SVb na telefon 527-2700, via email na info@svbaruba.org of mediante e formulario aki.