Inauguracion MiSVb 2.0

Den cuadro di Vision 2020 di SVb, diabierna atardi, Minister encarga cu SVb, sr. Dangui Oduber a realisa e lansamento di portal digital di SVb, MiSVb 2.0.

E vision 2020 di SVb ta dirigi riba transformacion di e SVb den un organisacion moderno, digital y transparente. Tur esaki den SVb su afan pa percura pa Seguridad Social mediante digitalisacion. Cu lansamento di MiSVb 2.0, SVb ta pone un otro stap solido riba e caminda pa digitalisa tur su servicionan pa su clientenan. 
MiSVb ta e plataforma digital cu den e prome fase ta brinda e doño di trabao un pakete completo di servicio digital.

Banda di inscripcion di trahado, e doño di trabao por haci diferente cambio riba nan lista di trahador. Ademas, ta introduci un sistema di cobransa mensual transparante. Tur momento e doño di trabao sa cuanto e mester paga na prima y pa cual trahado. Na mes momento e dunador di trabao tin aceso na diferente informacion di suempresa 24 ora pa dia y 7 dia pa siman.

E cambionan cu SVb ta introduci mediante su portal lo cambia e forma cu e doño di trabao ta traha cu SVb. Durante aña 2020 SVb lo keda amplia su pakete di servicio digital y pa mita di 2021 lo completa esaki.

Banda di transformacion externo, digitalisacion lo brinda SVb e oportunidad tambe di transforma su structura y cultura di su organisacion. Tur esaki cu e meta pa aumenta e placer di su empleadonan den nan trabao.
Añanan 20 pa SVb lo ta añanan marca pa digitalisacion y transformacion.
Minister Dangui Oduber a expresa su satisfaccion cu e cambionan cu SVb ta realisando na beneficio di comunidad.
Vision 2020 di SVb lo sigui den ehecucion y den 2020 comunidad lo keda informa di e resultado di e proceso aki.

Pa mas informacion por tuma contacto cu nos helpdesk MiSVb  via  nos website www.svbaruba.org/misvb, of manda nos un email na helpdesk@svbaruba.org.

Mi SVb 2.0… digitalisando y transformando.

Presentacion MiSVb 2.0
Cu e introduccion di MiSVb 2.0 e doño di trabao tin acceso na tur su informacion 24/7. Via e portal e doño di trabao mes ta maneha tur su informacion di SVb.

Tur doño di trabao cu tabata usa MiSVb caba por subi nan account tambe despues di pasa e procedura di haya un codigo secreto nobo.

Instruccion MiSVb 2.0 pa usuarionan di MiSVb
Doño di trabaonan cu ta inscribi na SVb pero no un cuenta ainda pa MiSVb por sigui e siguiente instruccion pa haya acceso na MiSVb.

Instruccion pa usuario Nobo di MiSVb pa empresa existente
SVb ta publica mas manual y video di instruccion pa duna mas splicacion riba MiSVb 2.0, tur empresa cu ta registra na SVb ta ricibi un email di esakinan.

Special pa MiSVb 2.0 SVb a habri un helpdesk, unda doño di trabao por consulta pa cualkier problema cu e encontra. Por tuma contacto cu e helpdesk mediante e siguiente canalnan:

Pa mas informacion por tuma contacto cu SVb Communicatie na info@svbaruba.org.

 

[/vc_column_text][/vc_column][/vc_row]

Posted by