Empleado sin ID-Nummer di Censo
SVb ta informa cu nos ta na altura di e situacion di Censo cu retraso den registracion. Esaki ta haci cu trahado cu recien a adkeri un permiso di DIMAS kisas no ta registra y no tin un ID-nummer ainda.
Esaki NO ta un inconveniente pa e registracion di e trahado na SVb. E trahado cu ainda no tin un ID-nummer por wordo registra cu e ID-nummer cu “00” na final. Por ehempel un trahado naci 01-01-1990 por wordo registra riba portal di MiSVb cu ID-nummer 90.01.01.00.
Na momento cu e trahado ricibi su ID-nummer di Censo, lo mester notifica esaki na SVb via e email di heffing@svbaruba.org.
Pa cualkier pregunta of remarka adicional, por fabor tuma contacto cu nos via nos Helpdesk MiSVb:
Posted by SVb Communicatie