Conmemoracion 65 Aña AOV

Riba prome di september 2025 Aruba henter ta conmemora 65 aña di AOV. Un momento di gradicimiento y reflexion pa Aruba henter, cu a traha duro pa duna e adulto mayor su dignidad, ricibiendo un entrada stabiel na momento cu e yega edad di pensioen.

Durante e periodo venidero SVb Aruba ta bay publica diferente video y informacion riba e topico aki, ademas ta invita pueblo di Aruba henter, pero especialmente e adulto mayor pa bishita SVb na su actividad di Ban Topa na SVb.