Vacatura: Funcionario Administracion Finansas na Banco di Seguro Social Aruba (SVb)

Bo ta un persona detayista cu ta gusta traha eficiente y tin un bon conocemento financiero? Nos ta buscando un

Funcionario Administracion Finansas

cu ta motiva pa contribui na nos administracion financiero y su contabilidad.

Nos organizacion

Banco di Seguro Social Aruba (SVb Aruba) ta desplega un tarea importante den e sistema di seguridad social na Aruba. Den e cuadro aki SVb ta ehecuta 5 ley di seguronan social. Tur luna SVb ta percura pa un gran parti di nos comunidad ricibi un entrada mediante pago di dianan di AO, pensioen di biehes y pensioen di viudo y huerfano.
Como un entidad autonomo, nos ta responsabel pa un ehecucion efectivo y eficiente di seguridad social.

Departamento y Funcion:

E departamento di Finansas ta responsabel pa un registracion confiabel y eficiente, e maneho y administracion responsabel di e recursonan financiero y fondonan confia na SVb. Ademas, e departamento ta brinda sosten na e organisacion mediante analisis financiero, maneho di presupuesto y un rendicion di cuenta kla y transparente.

Como funcionario di Administracion Financiero, bo lo traha hunto cu Chef Administracion Finansas y coleganan pa garantisa un administracion financiero corecto, completo y na tempo. Lo contribui significantemente na e proceso y control di datonan financiero y lo brinda sosten den e rendicion di cuenta financiero, e ciclo presupuestario y e preparacion di e cuentanan anual.

Responsabilidadnan

• Maneha administracion di debet y credit.
• Registra, controla y procesa boeking, mutacion y factura.
• Percura pa sincronisacion di cuentanan di grootboek.
• Prepara rapport financiero mensual.
• Asisti cu supervision di presupuesto y likides.
• Controla y raporta desaroyo di presupuesto.
• Mantene contacto cu banconan y otro organisacion relevante.

Bo Profiel

• Diploma MBO Administracion Financiero (nivel 4) of similar.
• Tin conocemento tecnico di conceptonan y reglanan di administracion financiero.
• Bon cu computer y cu experiencia cu Microsoft Office (Word, Excel, Outlook) y sistemanan manera MFiles y Exact.
• Habilidad amplio di idiomanan Papiamento, Hulandes, Ingles y Spaño.
• Ta discreto, integro y por traha bao presion.
• Por traha bon den forma independiente y tambe den ekipo.

Nos ta ofrece

• Un funcion interesante den un organisacion dinamico.
• Oportunidadnan pa desaroya mas den e area di trabao.
• Un ambiente di trabao informal, flexibel y colaborativo.
• E posicion ta balora na un maximo di schaal 8 di acuerdo cu e Bezoldigingsregeling Aruba.

Interesa?

Entrega akibao bo carta di motivacion (dirigi na director di SVb Aruba ir. Edwin M. Jacobs), Curriculum Vitae, copia di diploma ademas certificado relevante. Por entrega solicitud te cu 10 juli 2026.

No ta acepta solicitud cu no ta via e formulario akibao.

Pa mas informacion tocante e function por tuma contacto cu Departamento di Human Resources SVb Aruba via e-mail hr@svbaruba.org.