fbpx

Cambio Ley Laboral 1 Sept 2021

Obligacion pa re-integra trahado durante AO
Riba prome di september 2021 a drenta na vigor cambionan den nos ley laboral. Departamento di Labor y Investigacion (DAO) a informa encuanto di e cambionan aki den medionan di comunicacion y Banco di Seguro Social (SVb) di su parti ta informa e dunado di trabao di cambionan importante pa loke ta trata e re-integracion di e trahado durante di AO.
E cambionan cu keda introduci relaciona cu re-integracion di trahado durante AO ta stipula den e articulonan nobo 658a/660a. E dunado di trabao tin obligacion pa haci posibel cu un trahado durante di su AO por sigui un trayecto pa medio di profesionalnan pa wordo re-integra na trabao den su funcion adapta of den un otro funcion y e trahado tin obligacion pa duna tur cooperacion pa cu esaki. Den caso cu un trahado no ta coopera cu su trayecto di re-integracion e dunado di trabao por retene su salario a base di e articulo 629 lid 3 sub D cu ta regla e pago di salario durante AO. Prome cu e dunado di trabao por retene e pago di salario e mester avisa e trahado na tempo y dune un ultimo chens pa por coopera ainda cu esaki.

Akinan por wak y baha e documento riba website di DAO cu e cambionan cu a drenta na vigor 1 september 2021:
http://www.daoaruba.com/pdf/Highlights%20cambionan%20Codigo%20Civil%20Aruba%20entrante%201%20september%202021.pdf

Banco di Seguro Social ta conta cu tur dunado di trabao lo tene cuenta cu e cambionan aki den nos ley laboral. Pa mas informacion por tuma contacto cu DAO (http://www.daoaruba.com/).

Posted by