Historia

Print Friendly

Historia di SVB

Sociale Verzekeringsbank (SVb) a wordo funda na 1960 pa administra e ley di pensioen di biehez (AOV). Na 1965 e tareanan di SVb a wordo expandi cu e introduccion di e ley di pensioen general pa viuda y huerfano (AWW). Na 1966 un otro tarea adicional a bin pa SVb ora di introduci e ley di seguro di malesa (ZV) y accidente di trabao (OV). Finalmente pa 1983 a keda institui un fondo di cesantia pa garantiza e compensacion di trahado den caso di retiro involuntario.

SVb como institucion independiente na Aruba:

Durante cu Aruba tabata forma parti di Antiyas SVb na Aruba SVb tabata un filial administrativo mientras cu gerencia y maneho tabata tuma lugar na Corsou. Desde e Status Aparte SVb a para riba su mes y a desaroya den un institucion clave den nos red di proteccion social. Cu inversionnan den su recursonan humano y su experiencia acumula durante e periodo di crisis y boom economico y tambe di cantidad di poblacion, SVB awe ta un institucion cu ta lora independiente, cu un maneho corporativo eficiente, un servicio atento y cu un gran sentido di responsabilidad.

Cambionan den ley pa mehora su funcionamento

Pa mehora su producto pa comunidad, SVb a y ta sigui promociona varios cambio den ley pa dun’e e instrumentonan legal necesario pa yega na un posicion financiero solido di nos systema di proteccion social.

Comments are closed.