SVb cera Diamars 17 maart 2020 12:00 PM
SVb ta cera awemerdia 17 maart 2020 entrante 12:00 PM. Nos ta habri bek diahuebs 19 maart 2020. Nos ta ofrece nos disculpa pa cualkier inconveniencia.
SVb bao Maneho di Ocupacion Minimo
Banco di Seguro Social di Aruba SVb ta participa cu en connexion cu prevencion di COVID 19/Coronavirus a adapta su servicio na publico entrante dialuna 16 di maart 2020.
Tur nos departamentonan ta traha a base di ocupacion minimo. Unda cu ta posibel ta traha cu cita ademas nos ta sigui duna servicio via telefon y email.
Den caso cu ta bin SVb pa control medico tene cuenta cu:
- Ta prohibi pa drenta SVb cu sintomanan di griep
- SVb ta limita entrada den sala di espera na 50 persona (Eagle y San Nicolas)
Nos ta pidi cooperacion di tur bishitante pa sigui instruccion di personal di SVb !
Por tuma contacto cu nos diferente departamentonan:
- Pa Notifica AO: 527-2782 of online https://www.svbaruba.org/ao
- Verlof di parto, Control Medico: Administracion Medico: (via central) 527-2700 of info@svbaruba.org
- Cesantia: 527-2819 of 527-2755 of info@svbaruba.org
- Pago na SVb: Dpto. di Inning: 527-2778 of info@svbaruba.org
- Finansas SVb: 527-2729 of rwever@svbaruba.org
- Cobransa di SVb, areglo di pago: Dpto. di Invordering: 527-2770 of info@svbaruba.org
- Externe Controle: 527-2780 of info@svbaruba.org
- Helpdesk MiSVb: pa ayudo cu MiSVb 2.0: helpdesk@svbaruba.org of Whatsapp +2975272740 (no tin telefon)
- Doño di trabao y trahado: Premieheffing 527-2700 of heffing@svbaruba.org (pa ayudo cu MiSVb mester tuma contacto cu Helpdesk)
- Pensioenen: 527-2760 of pensioenen@svbaruba.org
Pa cualkier pregunta of remarca por fabor tuma contacto cu info@svbaruba.org.
SVb y Ocupacion Minimo
Banco di Seguro Social di Aruba SVb ta haci e siguiente adaptacionnan en conexion cu maneho temporal di ocupacion minimo, cu ta drenta na vigor entrante dialuna 16 di maart 2020:
- Tur nos departamentonan ta traha a base di ocupacion minimo.
- Unda cu ta posibel ta traha cu cita ademas nos ta sigui duna servicio via telefon y email. Doño di trabao por sigui tuma contacto cu nos Helpdesk via Whatsapp.
Control medico ta sigui tuma luga, nos balie di Administracion Medico ta keda habri te cu 10:00 AM
Nos ta pidi tur bishitante di SVb pa tene cuenta cu esaki y pa evita aglomeracion di hende.
Tene cuenta tambe cu den caso cu bo persona tin y ta sinti:
- tosamento OF tin problema pa hala rosea
- y keintura di 38℃ of mas:
NO PRESENTA NA SVb!
- YAMA 280-0101
- Notifica AO via nos telefon 527-2782, entre 7:00 AM – 12:00 PM & 1:00 PM – 4:00 PM (diasabra, diadomingo y dianan di fiesta 7:00 AM – 11:00 AM)
- NO POR NOTIFICA AO ONLINE!
SVb ta Adapta su Servicio di Notifica AO
Relaciona cu prevencion di COVID-19.
Banco di Seguro Social di Aruba SVb ta forma parti di e plataforma pa hunto combati e virus cu poco poco ta yegando mas cerca di nos. Profesionalnan di Salud a emiti varios mensahe y un di nan ta cu e virus COVID-19/CoronaVirus lo yega Aruba tambe. En bista di esaki SVb ta participa algun cambio den e procedura pa notifica AO.
Na momento cu un trahado ta desea di notifica AO pa motibo di tin problema pa hala rosea, a biaha y tabata durante di ultimo 14 dia pafo di Aruba of tabata tin contacto cu un pashent diagnostica cu Coronavirus, e mester na prome luga yama su dokter di cas.
Despues di yama e dokter di cas mester notifica AO na SVb telefonicamente y NO na nos servicio online.
Trahadonan di sector priva mester notifica AO telefonicamente na e “Callcenter” di SVb na telefon 527-2782 di 7:00 AM – 12:00 PM y di 1:00 PM – 4:00 PM y NO online.
Trahadonan di sector publico mester tuma contacto cu SVb su Departamento di Administracion Medico despues di 9:30 di mainta na telefon 527-2744.
Trahadonan di sector publico mester notifica AO telefonicamente na e “Callcenter” di SVb na telefon 527-2782 di 7:00 AM – 12:00 PM y di 1:00 PM – 4:00 PM. No por notifica AO pa e condicion di salud aki via di e webportaal.
Ta importante pa tene na cuenta cu si ta bay notifica AO pa otro motibonan cu no ta esunnan ariba menciona, e procedura di notifica AO no ta cambia pa ningun di dos sector.
SVb ta urgi henter nos comunidad pa tene na cuenta tur e consehonan pa mantene hygiena personal. Esakinan ta inclui: tosa den napkin of den elleboog, y tira napkin afo di biaha; tapa bo nister; laba man y pols frecuentemente cu awa y habon durante di 20 seconde, hand sanitizer ta un alternativa; mantene distancia di hende cu ta tosa na 1 meter of mas; no mishi cu wowo, nanishi of boca.
Lucha contra e transmission di virusnan, e ta cuminsa na abo!
Diabierna SVb ta cera 12:00 PM
En conexion cu actividadnan interno, diabierna 21 di februari, merdia entrante 12:00 PM henter SVb ta cera pa publico. Durante e oranan aki nos callcenter y otro liñanan di telefon tambe ta cera. Nos Helpdesk MiSVb tambe ta cera riba riba e merdia aki.
E ceramento no lo afecta nos website of sistemanan online. Nos ta pidi nos desculpa pa cualkier inconveniencia cu esaki por causa.
URGENTE: Login pa Empresario riba MiSVb!
SVb ta recorda tur Doño di Trabao cu mester registra riba e portal Mi SVb 2.0!
Mas info riba nos pagina pa Doño di Trabao: https://www.svbaruba.org/misvb
Oficina Pensioen San Nicolas ta Habri Bek 4 Februari
Banco di Seguro Social Aruba SVb ta informa cu su oficina di Pensioenen na San Nicolas ta habri bek riba diamars 4 di februari. Entrante 4 di februari e ta habri dos biaha pa siman riba diamars y diahuebs, parti mainta di 8:30 AM te cu 11:30 AM.
Nos oficina di Pensioenen na Vondellaan ta keda habri di dialuna pa diabierna, parti mainta di 8:00 AM te cu 11:30 AM y merdia di 1:00 PM te cu 3:30 PM.
Pa mas informacion por tuma contacto cu departamento di Pensioenen na 527-2760 of pensioenen@svbaruba.org.
Oficina Pensioen San Nicolas ta Habri Bek 1 Februari
Debi na circumstancianan for di nos alcanso temporalmente nos a cera nos oficina di Pensioenen na San Nicolas. Entrante 1 februari 2020 e oficina di Pensioenen ta habri bek na San Nicolas. Te cu 1 februari por acudi solamente na nos Departamento di Pensioenen na Vondellaan 21.
Nos ta ofrece nos disculpa pa cualkier molester cu esaki por a causa.
Feliz Dianan di Fiesta
SVb ta desea henter comunidad di Aruba feliz Dianan di Fiesta 2019 y un prospero Aña Nobo 2020!
Ceramento di Oficinanan di SVb Durante Dianan di Fiesta
En conexion cu celebracion di Aña Nobo, tur oficina di SVb ta cera pa publico riba e siguiente dianan:
• Dialuna 30 di december 2019 entrante 12:00 PM
• Diamars 31 di december 2019 henter dia
• Diaranson 1 di januari 2020 henter dia
• Diahuebs 2 di januari 2020 henter dia
Riba e dianan aki por notifica AO (meld ziek) online tur dia mediante nos website www.svbaruba.org/ao.
Notificacion di AO mediante 527-2782 riba e dianan aki ta limita pa e orarionan entre 7:00 am te cu 11:00 am. Riba prome di januari 2020 SVb ta full cera y no tin servicio na telefon 527-2782. Diabierna 3 januari 2020 tur oficina di SVb ta habri na e orario normal atrobe.
E ceramento no ta afecta e sistemanan riba e website di SVb.