MiSVb Trahado Mobile App
Introduccion Video:
Click aki pa download e MiSVb Trahado Mobile riba Google Play Store of Apple App Store.
Instruccion MiSVb Trahado:
- Trahadonan di sector priva cu a yega di uza nos portal di AO Online anterior por sigui e pasonan aki pa drenta e App: Instruccion Reset password
- Trahadonan di sector priva cu nunca a uza AO Online anterior por sigui e pasonan aki pa drenta y uza e App: Instalacion y Registracion
- Trahadonan di sector publico no por uza e App!
- Instruccion uzo MiSVb Trahado App
Informacion Personal den Plant’I Man
Cu e MiSVb Trahado App e trahado por yega na su informacion personal cual ta registra cerca SVb Aruba, asegurando transparencia y un miho control riba nan informacion. Banda di e informacion personal tambe por wak e historia laboral cu ta registra na SVb. Den e App e trahado tambe por habri su informacion laboral manera e cantidad di oranan di trabao pa cual ta segura ademas e salario diario.
Na un manera mas facil por habri y download e documento di registracion di SVb, hacienda cierto proceduranan administrativo mas facil y liher.
Funcionalidad pa Notifica AO
Cu e app tambe e trahado por notifica AO (meld ziek), simplificando e procedura di notifica AO mientras ta percura pa comunicacion mas eficiente pa e doño di trabao. Trahadonan cu ta notifica AO vi e App ta wordo informa di cada stap den e proceso, ademas e doño di trabao tambe ta ricibi notificacion riba e status di AO di su empleado. Ta bon pa remarca cu e doño di trabao ta wordo informa solamente di e fechanan di e AO y ningun informacion medico ta wordo comparti cu e doño di trabao.
Cu e introduccion di e App nos portal di AO Online lo wordo cera tambe entrante 11 di october. Notificacionnan cu a wordo haci riba e portal di AO Online lo wordo administra riba e mesun portal, pero despues di 11 october por notifica AO solamente via e App of via telefon.
Con Pa Uza MiSVb Trahado Mobile App:
MiSVb Trahado Mobile App ta disponibel pa download gratis riba plataformanan di Google Android y Apple iOS.
Usuarionan por haya e App den e respectivo tienda digital di app buscando “MiSVb Trahado”. Pa ayudo cu e App nos a institui un Helpdesk MiSVb Trahado, cu ta dispoibel pa duna asistencia cu cualkier problema cu por surgi cu uzo di e App. Por tuma contacto cu e helpdesk via:
– Whatsapp +297 527 2727 (solamente mensahe – no por ricibi yamada)
– Email misvbtrahado@svbaruba.org
Inovacion pa un Futuro Digital:
E MiSVb Trahado Mobile App ta refleha e compromiso cu SVb Aruba tin cu inovacion y su transformacion digital. Cu introduccion di e App SVb Aruba ta sigui pone enfasis pa mehora e bienestar general di Aruba, brindando su clientenan servicio eficiente cu hermentnan pa yega na nan informacion relaciona cu su empleo. Cu introduccion di e App aki SVb ta sigui carga su responsabilidad pa sigui inova y mehora e servicio pa nos clientenan. Cu hopi entusiasmo nos ta yama un bon bini na e impacto positivo cu e MiSVb Trahado Mobile App lo trece pa nos forsa laboral.
