Dunado di trabou por aplica pa e programa di sosten financiero Subsidio di Salario
SVb Aruba a notifica e dunadonan di trabou cu ta bin na remarke pa ricibi sosten financiero di Gobierno di Aruba por medio di e programa Subsidio di Salario.
Subsidio di Salario ta un sosten financiero pa empresanan local cu a consecuencia di e situacion actual causa pa e pandemia COVID-19 ta sufri un perdida di entrada di benta di por lo menos 25%. E meta principal di e programa di Subsidio di Salario ta pa mantene mas trahado cu ta posibel den servicio maske cu tin menos (of no tin) actividad economico y pa garantisa pago parcial di salario.
No ta tur dunado di trabou ta bin na remarke pa ricibi Subsidio di Salario. Tin un lista di rekisito cu e dunado di trabou mester cumpli cune. Algun rekisito ta cu e compania mester premira un perdida di entrada di benta pa su compania di por lo menos 25%. E compania mester ta registra na SVb y na Departamento di Impuesto y ta sigui cumpli cu pagonan di impuesto y primanan social. E Subsidio di Salario cu e dunado di trabou ta ricibi mester wordo usa pa paga salario di su trahadonan i e primanan social cu dunado di trabou mester paga.
E Subsidio di Salario lo wordo paga pa luna y tur luna e dunado di trabou mester bolbe aplica pa esaki usando e portal di MiSVb. Pa facilita e dunado di trabou y brinda e ayudo mas lihe posibel e Subsidio di Salario ta wordo paga den forma di un adelanto (na Hulandes un voorschot) a base di e perdida di entrada di benta premira pa e dunado di trabou. Despues lo controla y fiha e suma di subsidio a base di entrada real di e dunado di trabou den e lunanan cu e dunado di trabou a ricibi e adelanto di e Subsidio di Salario.
Finalmente ta importante pa trece dilanti cu e Subsidio di Salario no ta mescos cu FASE y tampoco e Sosten Financiero pa Empresa Chikito y Mediano. Ta trata aki di tres programa di sosten financiero diferente cada un cu su meta y grupo meta.
Pa facilita e proceso di aplicacion y contesta pregunta di dunado di trabou y trahador relaciona cu e programa di Subsidio di Salario a bin cu un Service Center. Por tuma contacto cu e Service Center via mail na loonsubsidie@svbaruba.org of via e number di Whatsapp https://wa.me/2975272801 (messaging only – no calls).
Introduccion di Subsidio di Salario
Relaciona cu introduccion di un sudsidio riba salario di parti di Gobierno di Aruba, SVb a keda encarga pa suministra e informacion di e programa aki na doñonan di trabao inscribi na SVb.
Pa tal motibo ta recomenda doñonan di trabao pa verifica e e-mail adres riba MiSVb:
https://misvb.svbaruba.org
Si no ta registra ainda riba MiSVb bo por ricibi ayudo via nos Helpdesk MiSVb: helpdesk@svbaruba.org of WhatsApp +2975272740 (dialuna pa diabierna 8:00 AM – 6:00 PM).
Pa mas informacion tuma contacto cu nos via info@svbaruba.org.
Procedura Notifica AO Sector Publico (Entrante 28 April 2020)
Procedura Notifica AO Sector Publico
Procedura Notifica AO Sector Publico (entrante 28 april 2020)
- Riba e prome dia ta notifica AO cerca e dunado di trabao. E dunado di trabao ta registra e notificacion den Webportaal.
- Si ta sigui malo e di dos dia yama entre 7:00 AM y 9:00 AM na e oficina di control:
- SVb Oranjestad: 527-2808 (SVb Eagle & Sun Plaza)
- SVb San Nicolas: 527-2790
No por yama ningun otro number di telefon, tampoco por cambia sitio di control!
- Ora di yama oficina di control mester:
- Duna un number di telefon valido pa SVb yama bek mesun dia.
- Ta pendiente pa ricibi yamada riba e telefon mesun dia.
Den caso cu SVb yama bek y no ta haya contesta e dia di AO no ta wordo aproba.
- Ora SVb yama bek e dokter di control por:
- Duna un fecha pa bay traha bek (fecha AG). Si ta sigui malo riba e fecha cu ta bay traha bek mester notifica SVb na e number corespondiente cu e sitio di control:
- SVb Oranjestad: 527-2808 (SVb Eagle & Sun Plaza)
- SVb San Nicolas: 527-2790
- Ricibi afspraak pa control medico na SVb.
- Duna un fecha pa bay traha bek (fecha AG). Si ta sigui malo riba e fecha cu ta bay traha bek mester notifica SVb na e number corespondiente cu e sitio di control:
- Solamente cu afspraak ta permiti bishita nos oficinanan. No tin excepcion.
Pa cada afspraak ta permiti 1 persona drenta, cu excepcion pa esnan den necesidad pa ayudo.
Si tin afspraak pa bishita SVb mester tene cuenta cu lo siguiente:
- Ora di drenta mester mustra paspoort, rijbewijs of cedula.
- No ta permiti entrada na persona cu griep, keintura y cu tosamento
- No por drenta edificio di SVb si no ta riba lista di afspraak.
- Sigui e instruccion duna pa bin na remarca pa compensacion.
Sigui e instruccion pa bo dianan di AO wordo reconoci pa SVb.
Compensacion pa Notificacion di AO durante Shelter in Place
Durante e Shelter in Place no por a notificia AO/AG na SVb. Tur doño di trabao mester a tuma y administra notificacionnan di AO/AG di nan propio trahadonan.
E notificacionnan aki por wordo manda pa SVb pa cuminsa e proceso di administracion. Por e-mail e lista aki te cu diabierna 15 di mei, despues di esaki SVb no ta acepta esakinan mas.
Pa por ricibi e pago di ziekengeld pa e periodo durante di Shelter in Place mester:
- Uza e Excel sheet di SVb pa yena tur empleado cu a notifica AO/AG cerca boso empresa entre 29 di maart 2020 y 27 april 2020: Nomber_di_Compania
- Renombra e Excel sheet di SVb pa e nomber di compania.
- Email nos e file aki riba nos email medisch@svbaruba.org, cu e subject ‘lista AO y nomber di empresa’.
Tur lista di AO lo wordo controla y procesa, y lo ricibi un contesta dentro di 2 siman. Nos ta pidi comprension pa e tempo cu esaki lo bay tuma, masha danki!
Nos ta recorda tambe cu mester entrega e peticion ‘Pago na SVb’ riba MiSVb despues cu e dianan a wordo aproba, pa asina e pago di e ziekengeld por tuma luga.
Si tin cualkier pregunta of remarka por fabor tuma contacto cu nos via medisch@svbaruba.org, of yama 527-2700.
Procedura Notifica AO Sector Priva (Entrante 28 April 2020)
Pa empresanan den sector priva cu ta uza Webportaal, e trahado ta keda notifica AO cerca e doño di trabao.
Update 27 augustus 2020: E procedura akibao no ta esun corecto mas. Pa e ultimo version wak riba nos pagina fiho di Procedura Notifica AO: https://www.svbaruba.org/trahado/sector-priva/notificacion-di-ao/
- Ta notifica AO na telefon 527-2782. No ta acepta notificacion di AO na otro number!
- Orario di notifica AO ta:
- Di dialuna pa diabierna di 7:00 AM pa 12:00 PM y di 1:00 PM pa 3:00 PM
- Den weekend di 7:00 AM pa 11:00 AM
- Si bay traha prome cu of riba e di tres dia despues di a notifica AO no ta tuma
contacto mas cu SVb.
- Si ta sigui malo riba e di 3 dia mester yama SVb Administracion Medico riba 280-5100 entre 7:00 AM cu 9:00 AM. No por yama ningun otro number di telefon!
- Ora di yama 280-5100 mester:
- Duna un number di telefon valido pa SVb yama bek mesun dia.
- Ta pendiente pa ricibi yamada riba e telefon mesun dia.
Den caso cu SVb yama bek y no ta haya contesta e dia di AO no ta wordo aproba.
- Ora SVb yama bek mester sigui e instruccion duna, cual por ta:
- SVb ta duna un fecha pa bay traha bek (fecha AG). Si ta sigui malo riba e fecha cu ta bay traha bek mester notifica SVb e mesun dia riba 527-2782.
- Ricibi afspraak pa control medico na SVb.
- Solamente cu afspraak ta permiti bishita nos oficinanan. No tin excepcion.
Pa cada afspraak ta permiti 1 persona drenta, cu excepcion pa esnan den necesidad pa ayudo.
Si tin afspraak pa bishita SVb mester tene cuenta cu lo siguiente:
- Ora di drenta mester mustra paspoort, rijbewijs of cedula.
- No ta permiti entrada na persona cu griep, keintura y cu tosamento
- No por drenta edificio di SVb si no ta riba lista di afspraak.
- Sigui e instruccion duna pa bin na remarca pa compensacion.
SVb ta reanuda servicio for di su oficinanan
Entrante diamars 28 di April SVb ta cuminsa brinda su servicionan atrobe for di su oficinanan. E servicio di SVb lo ta via di telefon y email. Solamente ora cu no por completa e servicio via di email of telefon, por haya un afspraak pa presenta na e oficinanan di SVb.
Notificacion AO Sector Priva.
Entrante 28 di April SVb ta tuma notificacion di AO pa trahado den sector priva solamente via telefon 527-2782. Ta notifica AO entre 7:00 AM pa 12:00 PM y 1:00 PM pa 3:00 PM (den weekend di 7:00 AM pa 11:00 AM).
Notificacion AO Sector Publico
Entrante 28 di April, e webportal di SVb ta disponibel pa departamentonan di gobierno y instancianan cu tin acceso na esaki. Notificacion di AO pa e instancianan aki ta tuma lugar for di webportal mediante e dunado di trabao.
Control Medico
Entrante 28 di April e sistema di control medico ta cambia. Ya no ta presenta na SVb riba e di 2 of 3 dia pa wordo controla pa nos dokternan. Pa ricibi control medico mester tuma contacto via telefon y durante e mainta e dokter lo tuma contacto bek pa realisa e control.
Control medico pa Sector Priva
E trahadonan di sector priva no mester tuma contacto cu SVb si nan bay traha bek prome of riba e di tres dia cu ta AO. Den caso cu ta sigui malo riba e di tres dia mester yama Administracion Medico na 280-5100 527-2730 entre 7:00 AM y 9:00 AM.
Control medico pa Sector Publico
E trahadonan di sector publico no mester tuma contacto cu SVb si nan bay traha bek riba e di dos dia cu ta AO. Den caso cu ta sigui malo riba e di dos dia mester yama Administracion Medico. Cual number ta depende di e sitio unda ta ricibi control:
– Si ta ricibi control na Playa ta yama 527-2808 entre 7:00 AM y 9:00 AM
– Si ta ricibi control na San Nicolas ta yama 527-2790 entre 7:00 AM y 9:00 AM.
No ta acepta pa presenta na nos oficinanan si no tin afspraak. Tene bon cuenta cu esaki.
Pa mas informacion riba e numbernan di telefon di contacto di departamentonan di SVb y mas informacion di nos servicionan entrante 28 di april, sigui nos riba facebook of bishita nos website www.svbaruba.org.
SVb ta sigui brinda seguridad na Aruba su comunidad.
Sosten Financiero
Recien Gobierno di Aruba a anuncia e ayudo pa empresanan chikito y mediano. E ayudo aki ta bin den forma di un sosten financiero cu ta Afl. 4000,- pa kwartaal si ta cumpli cu tur e rekisitonan.
Pa ricibi e sosten financiero pa compania chikito y mediano mester cumpli cu e siguiente rekisitonan:
- Ta registra na SVb cu un maximo di 50 empleado
- Tur empleado mester ta registra cerca SVb riba 15 maart 2020
- Ta registra cerca Camara di Comercio riba 15 maart 2020 (cu excepecion pa esnan cu no tin obligacion legal di ta registra)
- Ta registra na DIMP riba 15 maart 2020 y tin number personal
- Ta spera perdida di por lo menos 25%
- Ta estableci fisicamente na Aruba
- E empresa no ta failliet
- No tin peticion pa suspencion di pago na Corte di Husticia
- E ayudo di Afl 4000,- no ta parti di e benta di e empresario
No tin peticion pa entrega pa e sosten financiero, si ta cumpli cu tur e rekisitonan e sosten financiero ta wordo paga automaticamente.
Subsidio na Empresa Mediano y Chikito
Den cuadro di maneho pa cu e crisis di COVID-19, Ministerio di Finansas, Economia y Cultura ta bay otorga un subsidio na empresanan mediano y chikito. Unda pa entrega e peticion pa por ricibi e subsidio y su rekisitonan lo keda publica despues.
E intencion ta pa e pago di e subsidio aki tuma luga mediante SVb.
Pa e motibo aki nos ta urgi tur empresa pa controla tur e informacion di e empresa riba e portal di MiSVb. Por habri y controla esakinan bao e tab ‘Compania’. Nos ta urgi pa esnan cu ta desea di aplica pa controla muy en especial:
1. E number di cuenta di banco di e compania
2. Cu e nomber di e cuenta di banco ta cuadra cu e nomber di e compania
Si bo no ta registra ainda riba MiSVb bo por ricibi ayudo via nos Helpdesk MiSVb: helpdesk@svbaruba.org of WhatsApp +2975272740.
Pa mas informacion tuma contacto cu nos via info@svbaruba.org.
Compensacion di Salario durante Verlof di Parto
Compensacion di salario durante Verlof di Parto (zwangerschapsverlof) ta un servicio importante cu SVb ta sigui duna durante e Shelter in Place.
Pa haya e compensacion ta conta e siguiente condicion:
- E dia cu e Verlof di Parto cuminsa e trahado mester tin un salario
E prome yama pa paga e verlof ta e doño di trabao. Den caso cu e doño di trabao no por paga esaki, tuma contacto cu SVb mediante info@svbaruba.org. Den e mail menciona nomber completo, fecha di nacemento y un number di telefon.
Pa mas informacion por tuma contacto cu nos via info@svbaruba.org.
Doño di trabao cu maneho di ‘No Work – No pay’.
Durante e crisis actual di COVID-19 tin doño di trabao cu ta aplica un maneho temporal di ‘No Work – No Pay’. Doño di trabao cu a aplica e maneho aki por ahusta salario cerca SVb pa asina e cobransa di SVb por refleha e situacion actual.
Tur doño di trabao lo sigui wordo cobra prima di SVb riba salario(nan) coriente. Esaki por wordo evita si e doño di trabao ahusta salario(nan) cu ta cay bao e maneho aki. Pa evita cobransa di prima riba e salario(nan) aki mester ahusta e salario(nan) na Afl. 0,01 (1 cent) salario pa dia (dagloon) cerca SVb.
Pa haci esaki subi nos portal di MiSVb (https://misvb.svbaruba.org), login y cambia e dagloon pa e empleado(nan) cual ta cay bao e maneho aki. Yena e suma di Afl. 0,01 como salario pa dia, e fecha riba cual e maneho a drenta na vigor y confirma e cambio(nan) riba e portal.
Na momento cu e maneho aki a vence por reahusta e salario pa dia bek pa e empleado(nan).
Pa mas informacion por tuma contacto cu nos na info@svbaruba.org. Den caso cu tin problema pa log riba MiSVb por tuma contacto cu nos Helpdesk MiSVb na helpdesk@svbaruba.org of manda mensahe riba Whatsapp na +2975272740.