Author Archives: SVb Communicatie
SVb su Departamento di Pensioen ta introduci un servicio nobo pa su clientenan
SVb autonomo celebrando 30 Aña y ta keda inova su servicio.
Diahuebs mainta Director di SVb Aruba ir. Edwin Jacobs y hefe di Departamento di Pensioen Luis Tromp durante di un conferencia di prensa a presenta e servicio nobo “MiPensioen”. SVb den su afan pa mehora su servicio na su clientela, “e pensionado” continuamente ta inova su sistemanan y servicionan. Aña pasa a introduci riba e website di SVb e calculador di pensioen den cual e pensionado por calcula e suma aproxima di su pensioen di biehes esta e AOV.
Awor ta introduci otro servcio den cual e cliente por haci uzo di servicionan di SVb online. SVb ta introduci un portal di internet cu ta haci posibel pa print algun documento y manda e-mail na e Departamento di Pensioen. Na e momento aki por print e “jaaropgaaf”, “inkomensverklaring”, “herziening mutatie” y un “toelichting” di AOV. Den futuro lo ta posibel pa print otro documentonan y tambe haci registracion y peticion pa revision mediante e portal.
Pa por drenta e portal e pensionado mester crea un password. Como nomber di usuario mester tin un e-mailadres. E pensionado su number di AOV/ AWW, e e-mailadres y e fecha di nacimento hunto, ta haci e pensionado usuario di e portal di internet di e Departamento di Pensioen di SVb Aruba. E portal di internet ta alcansabel via www.svbaruba.org. Bou di menu pensionado mester kies “MiPensioen”.
Den e proximo dianan pensionadonan lo ricibi un carta na cas cu informacion con pa bira usuario di e servicio nobo aki “MiPensioen”. Como servicio adicional, na oficina di Pensioen den Vondellaan, a instala computer specialmente pa e pensionado por registra y tambe haya splicacion personalmente di e servicio nobo aki. Sinembargo pa nos clientenan cu no tin computer na nan disposicion nos oficinanan lo keda duna e servicio manera semper. Un recordatorio ta cu riba diaranson merdia nos oficina na Vondellaan ta sera parti merdia y na San Nicolas henter dia.
Un partner esencial sigur den e caminda di inovacion aki ta ITP Caribbean kende ta y a brinda Departamento di Pensioen e sosten tecnoligico pa e introduccion di “MiPensioen”.
Banco di Seguro Social di Aruba su meta ta pa keda inova y haci cambio den su sistemanan pa asina sirbi su pensionadonan rond mundo mas miho posibel.
Dpto. Cesantia y Ziekte Uitkering Cera Diahuebs 25 Februari
Banco di Seguro Social Aruba SVb ta anuncia cu en conexion cu actividadnan interno, oficina di Departamento di Cesantia y Ziekte Uitkering ta cera pa publico riba diahuebs 25 februari 2016 henter dia. Diabierna 26 di februari Departamento di Cesantia y Ziekte Uitkering ta habri na e orario normal atrobe. Nos ta ofrece nos disculpa… Mas Informacion
Declaracion di Personal 2015 y Cobransa Preliminario 2016
SVb recien a manda pa tur compania e informacion di seguro social pa trahado, incluyendo e formulario Declaracion di personal 2015 (personeelsopgave) y Cobransa Preliminario di e contribucion di seguro di malesa y accidente (voorlopige premie-aanslag zv/ov) pa aña 2016.
Cambionan ley di AOV/AWW entrante 1 januari 2016
Entrante prome di januari 2016 e leynan di AOV y AWW a cambia. Akinan SVb ta informa kico e cambionan aki ta. PRIMA AOV & AWW Prima AOV 14,5% (Parti di doño di trabao ta 10% y parti di trahado ta 4,5%). Prima AWW 1% (Parti di doño di trabao ta 0,5% y parti di… Mas Informacion
Dpto. Inning Cera Diabierna Merdia 11 December
Banco di Seguro Social Aruba SVb ta anuncia cu en conexion cu actividadnan interno, oficina di Departamento di Inning ta cera pa publico riba diabierna 11 december 2015, desde 12’or di merdia. Dialuna 14 december Departamento di Inning ta habri na e orario normal atrobe. Nos ta ofrece nos disculpa pa e inconveniencia aki. ir…. Mas Informacion
Orario di SVb y Notificacion di AO durante dianan di Fiesta
Banco di Seguro Social Aruba SVb ta anuncia cu en conexion cu celebracion di Pasco di Nacemento y Aña Nobo, tur su oficinanan lo ta cera pa publico riba e siguiente dianan:
FECHA PAGO AOV/AWW DURANTE 2016
Pensioen di biehes (AOV) y pensioen di viudo y huerfano (AWW) lo keda paga durante aña 2016, riba e siguiente fechanan: • Pensioen di januari: 31 di december 2015 • Pensioen di februari: 1 di februari 2016 • Pensioen di maart: 1 di maart 2016 • Pensioen di april: 1 di april 2016 • Pensioen… Mas Informacion
Presentacion di e Proposicion pa Sanacion Fondo di Seguro di Malesa
Akibao por baha e presentacion duna pa SVb na Parlamento pa e historia y situacion actual di e fondo di seguro di malesa. Tambe por tuma nota di e proposicionnan pa sanea e fondo aki. Presentacion Sanacion Fondo di Seguro di Malesa (Documento PDF)
Siman di Kibra Silencio cu Quota Club
E siman aki entrante dia 21 te cu 26 di september ta e siman di Kibra Silencio, organisa pa Quota Club. Pa e di 5 aña consecutivo SVb ta duna full su cooperacion pa cu e siman importante aki. Durante e siman aki tur esnan interesa por laga test su oido por nada na FEPO, SVb, Oduber & Kan y tambe Aruba Hearing Institute.
Como cu bo oido ta sumamente importante pa bo salud SVb ta contento pa por aporta na e siman aki. SVb su ekipo pa haci test di oido henter e siman aki ta disponibel pa haci test di oido na sucursal di San Nicolas. Ta ricibi e resultadonan dibiaha despues di e test. Esnan cu kier haci test na un luga cu porta ta mas cerca di cas tambe por haci e test aki na FEPO, na Aruba Hearing Institue y na Oduber & Kan. Por yama e siguiente numbernan aki pa traha un cita y haci e test:
- SVb: 527 2732
- FEPO: 583 1016
- Oduber & Kan: 582 4719
- Aruba Hearing Institute: 587 8885
E aña aki Quota Club tabata tin e honor di por a ricibi Claudius Philips y DJ Nutzbeatz como invitado special. Pa e profesion di dos personanan aki nan oido ta sumamente importante pues pa e motibo aki nan ta duna apoyo na e siman aki di Quota Club, pa cual tambe ambos persona a haci e prome testnan di oido durante e siman aki.
Jaaropgaaf di Pensioen di AOV a ser manda mediante Post
Desde siman pasa Banco di Seguro Social SVb a cuminsa e proceso pa manda tur e pensionadonan di SVb nan jaaropgaaf 2015 mediante post. E siman aki mayoria di nos pensionadonan ta ricibi e jaaropgaaf na cas. SVb ta remarka si cu ta posibel cu algun carta ta wordo entrega na cas despues di otro… Mas Informacion