Password Nobo Medisoft SVb

Entrante prome di februari 2025 tur usuario di nos Medisoft SVb (https://verzuim.svbaruba.org:444/) ta rekiri pa uza un password cu ta cumpli cu rekisitonan mas fuerte.

E rekisitonan pa e password mester cumpli cu e siguiente criterianan:

  • Minimo 12 caracter
  • Mester tin por lo menos 1 hoofdletter
  • Mester tin por lo menos 1 kleine letter
  • Mester tin por lo menos 1 number
  • Mester tin por lo menos 1 caracter special (manera ~ ! @ # $).

Pa cumpli cu e rekisito aki mester yena un password nobo na momento cu login a caso e password actual no ta cumpli cu e criterianan aki.

Pa cualkier pregunta por tuma contacto cu nos via e-mail webportaal@svbaruba.org.

Posted in webportaal | Tagged , ,

Ceramento di Oficinanan di SVb Durante Eleccion

En conexion cu Eleccion di Parlamento di Aruba, nos ta cera riba diabierna 6 december for di 11:30 AM di mainta.

Notificacion di AO desde 11:30 AM por bay solamente via e MiSVb Trahado App.

 

Posted in Organisacion | Tagged , , ,

Aumento Pensioen 2025

Na nomber di Gobierno di Aruba, Banco di Seguro Social Aruba SVb ta anuncia cu entrante prome di januari 2025 Pensioen di AOV y di AWW ta wordo aumenta cu 2.4%. E aumento aki ta encera e siguiente cambionan pa e sumanan di Pensioen di AOV y di AWW:

Pa mas informacion por tuma contacto cu Departamento di Pensioenen:

Departamento di Pensioen ta habri di dialuna pa diabierna di 8:00 AM te cu 12:00 PM y desde 1:00 PM te cu 3:00 PM.

Posted in Pensión | Tagged , ,

Call Center y Administracion Medico cera awe 15 October entrante 11:30 AM

Awe diamars 15 october nos departamento di Call Center y Administracion Medico ta cera for di 11:30 di mainta.

Notificacion di AO despues di 11:30 AM ta posibel solamente via e MiSVb Trahado App.

Pa ayudo cu e App por tuma contacto cu nos Whatsapp helpdesk na 527 2727.

Nos ta ofrece nos desculpa pa cualkier inconveniencia.

 

Posted in Organisacion | Tagged , , ,

Call Center y Administracion Medico cera awe 8 October entrante 11:30 AM

Awe diamars 8 october nos departamento di Call Center y Administracion Medico ta cera for di 11:30 di mainta.

Notificacion di AO despues di 11:30 AM ta posibel solamente via e MiSVb Trahado App.

Pa ayudo cu e App por tuma contacto cu nos Whatsapp helpdesk na 527 2727.

Nos ta ofrece nos desculpa pa cualkier inconveniencia.

Posted in Organisacion | Tagged , , ,

Anuncio Relaciona cu Matrimonio di Mesun Sexo

Banco di Seguro Social, SVb, basa riba sentencianan reciente di:

– Corte den Prome Instancia di Aruba;
– Corte Comun di Husticia di Aruba, Curaçao, St. Maarten, Boneiro, Saba y St. Eustatius;
– Corte Supremo di Hulanda;
– Colegio di Apelacion di Aruba.

Ta invita tur persona cu desde 1 di mei 2021 pa e fecha actual ta considera di tin derecho riba:

  1. Pensioen di biehes (AOV) pa pareha, pa motibo di a alcansa of tabata tin edad di pensioen den e periodo menciona y ta of tabata casa cu un persona di mes un sexo cu no a yega edad di pensioen;
  2. Pensioen di viudes, pa motibo di tabata casa cu un asegurado di mes un sexo y cual a fayece den e periodo menciona.

Pa entrega nan aplicacion pa pensioen via nos app MiPensioen of por contact nos departamento di Pensioen via via telefon 5272760, via email pensioenen@svbaruba.org, of via Whatsapp +2975272760 (mensahe so – no por yama via Whatsapp).

Desviando di articulo 11 inciso 3 di ley di AOV y articulo 15 di ley di AWW, SVb lo ta aplicando un areglo di transicion te cu 31 di december 2024.

E maneho relaciona cu e topico aki ta disponibel riba nos website svbaruba.org/matrimonio.

Sea asina bon di tuma bon nota di e anuncio aki.

Aruba, 17 di september 2024

Director di SVb

Edwin M. Jacobs

 

Posted in Organisacion | Tagged , , , , ,

Quota Club of Aruba: Siman pa Conscientisacion pa Cuido di Oido

Tur aña den e luna di September Quota Club of Aruba ta lansa su campaña di Conscientisacion pa cuido di oido. September ta e luna cu mudialmente ta enfoca ariba e parti importante di Conscientisacion pa cu cuido di nos oido!

Quota ta inicia e siman aki cu su campaña di Conscientisacion pa Cuido di Oido. Esaki ta insera cu Quota Club of Aruba ta duna oportunidad na comunidad pa bin haci nan test di oido gratis!

Quota Club of Aruba a haya e aña aki atrobe coperacion pa di 4 testcentranan cu lo bay haci e testnan di oido. SVb San Nicolas, The Specialists, FEPOH y Aruba y Hearing Institute.

Comunidad por cuminsa yama for di diabierna 13 september te cu diabierna 20 di september pa traha un cita na un di e 4 localidadnan aki.

Personanan cu a yega di haci un test caba of ta cliente di un di e 4 testcentranan aki NO mester y no ta necesario pa bin haci e test di oido.

Dialuna 23 di September ta cuminsa cu testmento di oido gratis na tur 4 localidad.

Testcentranan 

  1. Aruba Hearing Institute
    Tel. 587-8885
    Orario: 8:00 am-4:00 pm
  2. FEPOH
    Tel: 583-1016
    Orario: 8:30-12:00
    01:00-4:00
  3. The Specialists
    Tel: 290-2020
    WhatsApp: 640-2020
    Orario: 9:00-5:00 tambe riba diasabra
  4. SVb San Nicolas
    Tel: 527-2789 of 527-2791
    Orario: 10:00-12:00
    01:00-02:00
Posted in Pensión | Tagged , , , ,

Schoolverklaring Huerfano pa SVb

Tur huerfano di 15 aña of mas cu ta ricibi un pensioen di huerfano mediante SVb, y ta bayendo school, mester entrega e schoolverklaring na SVb.

Pa e pensioen por sigui cobra na tempo por fabor percura cu esaki wordo entrega prome cu 21 di augustus. Por entrega esaki via email pensioenen@svbaruba.org.

Posted in Pensión | Tagged , , , ,

Reparatietoeslag ta subi cu Afl. 30,- pa luna

Ministerio di Finansa y Cultura recien a anuncia un aumento di Afl. 30,- di e reparatietoeslag pa pensionado, asina aumentando esaki di Afl. 170,- pa bira Afl. 200,- pa luna entrante augustus 2024.

E aumento aki pues ta wordo duna riba e suma di Afl. 170,- florin cu pensionadonan tabata ricibi prome. Den nos sistema 19.548 pensionado di AOV y 1.336 pensionado di AWW ta ricibi esaki.

Por lesa mas di esaki riba e website di Gobierno di Aruba:
https://www.gobierno.aw/reparatietoeslag-pa-pensionadonan-ta-aumenta-cu-30-florin-pa-luna

 

 

Posted in Pensión | Tagged , , , , ,

Segundo Yamada: Vacatura Hefe Recurso Humano

NO TA POSIBEL MAS PA REACCIONA RIBA E VACATURA AKI.

SVb ta busca

SVb ta buscando un persona pa guia y lidera su ekipo di recurso humano, den linea cu e aspiracionnan di SVb como organisacion y como dunado di trabou.

 

 Hefe Departamento di Recurso Humano


SVb, su tareanan

Banco di Seguro Social, SVb, ta encarga pa 38 aña caba cu ehecucion di 5 ley di e sistema di seguridad social na Aruba.

SVb, e organisacion

Nos famia di SVb ta percura pa nos clientenan ricibi nan beneficionan na tempo y corecto, brindando un servicio eficiente y cu empatia.

SVb, e dunado di trabou

Como dunado di trabou SVb ta percura pa e ambiente di trabou pa su empleadonan ta uno saludabel, placentero y sigur, tanto fisicamente como emocionalmente. Di e forma aki creando espacio pa su empleadonan por eherce nan funcion y desaroya nan potencial.

Ekipo di Recurso Humano

E departamento di Recurso Humano tin papel importante den SVb. E departamento ta responsabel pa e ciclo di bida di un empleado, cual ta encera cu e ta encarga cu recluta, contrata, integra, training y retiro di empleadonan. Ademas e departamento ta administra e condicionnan di trabou, como tambe e administracion di salario. SVb ta para dilanti un trabou importante di cambio di e asina yama functiehuis y mara na dje tur e otro elementonan.

Kende SVb ta busca

SVb ta busca un persona cu:
– ta integro
– tin vocacion pa sirbi hende
– por motiva y stimula hende
– tin un formacion den e area di recurso humano na nivel HBO
– tin conocemento di BRA y LMA
– tin capacidad pa yuda transforma un organisacion
– ta domina bon e idiomanan mas uza na Aruba
– ta innovativo
– tin experencia den maneha ekipo

Si bo por haña bo mes den loke SVb ta busca, nos ta motiva bo pa solicita. Manda bo motivacion pa solicita dirigi na ir. Edwin M. Jacobs prome cu dia 9 di augustus 2024 na email solicitud@svbaruba.org. Un evaluacion di maneho y of personalidad ta parti di e procedura.

Edwin M. Jacobs
Directeur

Posted in Organisacion | Tagged , ,