Jaaropgaaf 2012 pa AOV y AWW lo keda entrega mediante post

coupleBanco di Seguro Social SVb ta informa

Jaaropgaaf 2012 pa pensioennan di AOV y AWW lo keda entrega mediante post

Recientemente Departamento di Impuesto a informa cu e formularionan di declaracion di inkomstenbelasting a sali. Relaciona cu esaki, Banco di Seguro Social, SVb, ta informa cu e aña aki tur pensionado lo ricibi na cas, mediante post, e loonopgaaf corespondiente na 2012 pa e pensioennan di AOV y AWW. Dentro di dos siman SVb ta cuminsa manda e documentonan via post y ta calcula cu pa fin di juni tur e documentonan lo ta riba post. Pues, pensionadonan ta hayando e documentonan aki na cas durante e di dos mitar di juni y durante luna di juli.

Pa motibo cu ta entrega e documento aki na cas, SVb lo no ta suministrando e documento aki na e oficinanan di e departamento di pension di SVb.

SVb lo ta mandando alrededor di 17 mil loonopgaaf pa e pensionadonan na Aruba.

Cu e mandamento di e loonopgaafnan mediante post, SVb ta aspira na duna mas y mihor servicio na su clientenan.

Pa mas informacion por tuma contacto cu Departamento di Pensioen na 527-2760 of medio email na pensioenen@svbaruba.org.

Posted by