fbpx

SVb ta Introduci Opcion pa Ricibi Declaracionnan pa DIMAS Digital

Banco di Seguro Social, SVb ta informa cu entrante awe, 19 di april di 2017, SVb ta duna su clientenan e opcion pa ricibi nan declaracionnan pa DIMAS den forma digital. Na momento cu e cliente ta yena e peticion na e website di SVb, e por scoge si e ta desea pa ricibi e declaracion den su email of e ta pasa busca esaki na oficina di SVb na Eagle.

E clientenan cu scoge e opcion digital, lo ricibi e declaracion den su email y e mes lo print esaki y entrega esaki na DIMAS pa su proceso relaciona cu su permiso. E servicio aki ta disponible tanto pa declaracion pa trahadornan como pa doñonan di trabao.

Tur peticion pa ricibi e declaracion digital mester wordo acompaña pa un identificacion valido, ademas e doñonan di trabao tambe ta pone acerca e uittreksel di Kamer van Koophandel.
SVb lo continua busca e formanan pa sigui mehora su servicionan na su clientenan, empleando tecnologia moderno.

Pa entrega peticion pa Declaracion DIMAS empleado (SVb Verklaring Registratie Werknemer):
/organisacion/servicionan-svb/peticion-declaracion-dimas/

Pa entrega peticion pa Declaracion DIMAS doño di trabao (SVb Verklaring Registratie Werkgever):
/organisacion/servicionan-svb/peticion-verklaring-inschrijving/

Posted by