Cambio orario pa notifica AO

TelefonBanco di Seguro Social SVb ta informa:

 ENTRANTE PROME DI JULI: CAMBIO DEN ORARIO PA NOTIFICA AO

Entrante prome di juli 2013 e call center di SVb, na unda ta yama 527-2782 pa notifica AO, ta bay conoce un cambio den su orario. Desde prome di juli e orario pa notifica AO ta habri desde 7:00 di mainta en bes di 6:00 di mainta. Esaki ta conta pa trahadonan den sector priva cu ta rekiri pa yama na telefon 527-2782 pa notifica AO.

Orarionan di merdia y atardi pa notifica AO ta keda igual, pues ta cera merdia entre 12:00 pa 13:00 pm y atardi por yama te cu 16:00 pm. Tambe orario pa weekend y dianan di fiesta ta keda igual na unda por notifica entre 7:00 di mainta y 11:00 di mainta.

 Ken por yama pa notifica AO?

E orarionan di oficinanan di SVb ta keda mescos, pues e cambio aki ta conta solamente pa esnan cu ta yama pa notifica AO. Pa clarifica mas riba orario pa notifica AO akibao por mira un lista di trahadonan cu ta cualifica pa notifica AO na SVb:

  • Trahadonan cu ta labora den sector priva
  • Trahado cual ta bao e limite di salario cual ta Afl. 4.550,- pa luna
  • Trahadonan cual ta riba e limite di salario por notifica solamente si ta trata di un accidente di trabao (bedrijfsongeval)
  • Trahado femenino cu tin derecho riba zwangerschapsverlof prome cu parto
  • Tur trahado cual ta wordo interna den hospital na Aruba of pafo di Aruba ( dia di control mester trece un comprobante di esaki)

 

Ki ora pa notifica AO?

Semper mester notifica AO riba e prome dia di incapacidad pa traha. Despues di a yama su doño di trabao, e trahado mester yama SVb na 527-2782. Entrante prome di juli por notifica AO den e siguiente orarionan:

Dialuna pa diabierna: 7:00 am – 12:00 pm, 13:00 pm – 16:00 pm

Diasabra, diadomingo, dianan di fiesta y ATV di gobierno: 7:00 am  – 11:00 am

 

Pafo di e orarionan akiriba menciona no por yama SVb pa notifica AO. Tampoco SVb no por tuma ningun notificacion di AO pafo di e number 527-2782.

 

Ki pa haci despues di a notifica AO?

E trahado a wordo instrui pa e pasa SVb pa ricibi su control. Esaki por varia entre riba e mesun dia di a notifica AO, of riba e di tres dia di ta AO. Si e trahado ta bay traha bek durante e periodo cu ta AO e tin e obligacion pa yama SVb prome cu 9:00 am pa notifica SVb di esaki.

Tambe e trahado por wordo instrui pa yama Administracion Medico pa traha un cita. Den e caso aki por yama 527-2700 entre 13:00 pm y 16:00 pm pa traha un cita.

Ora di control na SVb mester acudi na SVb prome cu 9:00 am pa ricibi un number. Mester presenta cu identificacion valido, locual ta un rijbewijs, paspoort of cedula valido. Carchi di AZV no ta identificacion valido.

 

Durante e periodo cu e trahado ta AO e trahado no por sali for di cas, cu excepcion pa acudi na dokter, botica, hospital, specialista of otro luga pa ricibi trato medico. E trahado por ricibi un bishita di control di funcionario di SVb durante su periodo di AO.

 

SVb ta pidi tur trahado den sector priva como tambe doño di trabao pa tene bon cuenta di e cambionan aki cual ta drenta na vigor entrante prome di juli 2013. Pa cualkier pregunta por tuma contacto cu SVb na 527-274 of medio email na info@svbaruba.org.

Posted by