fbpx

Keuring Departamento di Transport Publico (DTP)

Proceso pa Rijbewijskeuring di DTP

17 augustus 2020: Te proximo aviso no ta posibel pa haci keuring pa rijbewijs.

Pakico keuring di rijbewijs pa DTP?

Pa ley tur profesional cu ta traha den transportacion di persona pa sector priva of publico mester pasa un keuring pa nan por eherce nan trabao como chauffeur. Desde prome di maart 2011 SVb ta haci e keuring aki. Despues di a acudi na DTP mester pasa na SVb pa e siguiente proceso.

Proceso di Rijbewijskeuring

  1. Prome mester acudi na Departamento Transporte Publico (DTP) pa por inicia e peticion di keuring (telefon DTP 582-4140).
  2. Na DTP ta ricibi instruccion con pa paga e Afl. 100,- pa e keuring di SVb. No por paga na DTP ni na SVb. Por solamente haci e pago segun e instruccion ricibi na DTP, sea via banco of online. Ora di haci e pago mester menciona hunto cu e pago e dossiernummer, cual ta ser duna na DTP of ta ricibi den email.
  3. E cliente ta confirma na SVb cu e pago a wordo haci. Esaki via e formulario online of via telefon 527-2731.
  4. Despues cu e pago a ser confirma Administracion Medico di SVb ta yama e cliente pa un afspraak pa e keuring.
  5. Dia di keuring mester acudi na SVb hunto cu:
  • Den caso cu no a yena esaki na DTP: lista di pregunta full yena (DTP ta duna e lista aki ora di yena e peticion, of ta yena esaki na DTP caba).
  • Paspoort, rijbewijs of carchi di identificacion valido.
  • Bril of lens di wowo hunto cu su likido.
  • Lista di remedi cualnan ta wordo usa.

E dokter di SVb ta haci e keuring. Si no mester di ningun keuring adicional SVb ta manda e resultado pa DTP.

Procedura despues di a entrega peticion na DTP

SVb no ta atende cliente pa keuring si nan no a acudi na DTP prome pa entrega e peticion. Despues di esaki SVb ta esun cu ta tuma contacto ora e pago a ser confirma. Pues no tin nodo di tuma contacto cu SVb. Solamente den caso cu despues di 1 siman cu a confirma e pago no ta tende nada mas di SVb por tuma contacto pa wak kico por a pasa, of si a caso mester cambia e afspraak pa keuring.

Procedura ora houder di permiso ta malo

Den caso cu e houder di e permiso ta incapacita pa traha y temporalmente kier apunta un hulpchauffeur pa haci uso di su permiso, e mester acudi na SVb pa ricibi un saminacion medico (yama 280-5100 pa afspraak). Dokter di SVb ta determina si e chauffeur ta incapacita y pa cuanto tempo e ta incapacita. Si e ta incapacita e por apunta un hulpchauffeur, cual tambe mester ta gekeur door di SVb prome cu e por wordo apunta como hulpchauffeur.

E chauffeur ta meld na Administracion Medico na oficina principal di SVb, Caya Punta Brabo 19. A base di un afspraak ta ricibi saminacion medico. A base di e saminacion ta determina pa cuanto tempo e chauffeur ta AO. SVb ta avisa DTP di e resultado di e saminacion.

Vragenlijst

Por download y print e vragenlijst akinan: SVb Vragenlijst RBK
Ta entrega e vragenlijst ora ta bay SVb pa ricibi e keuring, solamente den caso cu no a yena esaki caba.

Mas informacion

Pa mas informacion tuma contacto na telefon 527-2700, via email na info@svbaruba.org of mediante e formulario aki.