COVID-19

Informacion di SVb tocante COVID-19

Lesa e ultimo noticia oficial riba website di DVG: https://www.arubacovid19.org/

Pa e noticia diario di Crisisteam wak Telearuba of sigui Gabinete Wever-Croes riba Facebook: https://www.facebook.com/GabineteWeverCroes/

 

  • 23 maart 2020: Notifica AO na 527-2782

    En conexion cu e situacion actual di COVID-19/ Coronavirus nos ta adapta nos servicio di notifica AO. Entrante awe por notifica AO solamente via 527-2782. Esaki ta conta pa tur asegurado di SVb den sector priva ademas ta conta tambe pa ambtenaar den sector publico.

    Notifica AO
    Entrante awe tur asegurado mester notifica AO via di telefon 527-2782, y no por notifica AO mas via nos formulario pa notifica AO online of nos Webportaal/Medisoft te proximo aviso. E sistema di Webportaal/Medisoft lo keda habri pa por wak informacion.

    Notifica AG
    No tin nodo mas pa notifica AG. Den caso cu e trahado ta AO ainda riba e fecha cu ta poni AG e mester notifica AO atrobe via 527-2782.

    Control Medico
    SVb por lo pronto no lo haci control medico mas, pero lo atende cada yamada individualmente. Lo duna un fecha di AG ademas no lo ricibi control medico. Esaki ta nificia tambe cu na momento cu ta AO ainda riba e dia cu ta poni AG, mester yama 527-2782 atrobe pa notifica AO.
    Den caso cu e dokter di control dicidi cu e asegurado mester ricibi un control medico, e asegurado lo wordo informa di esaki y lo ricibi un cita pa pasa SVb.

    SVb no lo ricibi ningun hende na SVb pa control medico sin un cita.

    Call Center
    Den e ultimo dianan SVb a haci su maximo esfuerso pa reenforsa su Call center. Entrante awe e trabaonan pa esaki a keda cla, cual ta nifica cu e tempo pa warda ora di yama lo baha.

    Ta importante pues ora di yama pa notifica AO pa tene cuenta cu lo siguiente:

    • Orario pa yama ta di 7:00 AM te cu 12:00 PM y di 1:00 PM te cu 4:00 PM, den weekend di 7:00 AM te cu 11:00 AM.
    • Ora di yama por fabor keda na liña. Cada yamada ta bay den un rij y ta wordo atendi riba secuencia di entrada. Na momento cu ta cera e telefon y yama atrobe e yamada ta wordo poni full patras den e rij.
    • No por notifica AO online te proximo aviso. Esaki ta conta pa sector priva y publico (ambtenaar).
    • Ora di yama sigui e instruccion di e operador di SVb. Por fabor tuma bon nota di e fecha di AG.

    Nos ta ofrece nos disculpa pa cualkier inconveniencia, masha danki pa e comprension.

    Pa mas informacion por tuma contacto cu SVb na info@svbaruba.org.

    Pa mas informacion riba COVID-19 bishita https://www.arubacovid19.org.

  • 20 maart 2020: Notifica AO pa motibo di Cuarentena

    Aseguradonan di SVb cu ta obliga di bay den cuarentena por notifica AO pa cu esaki. Esaki ta conta pa tur trahado den sector priva. Ambtenaar no tin nodo di notifica AO, debi cu ambtenaar por haci uzo di e areglo di BVVD.

    Na momento cu un trahado ta ser obliga pa bay den cuarentena pa DVG e por notifica AO na SVb na 527-2782. E trahado mester por prueba cu el a wordo manda den cuarentena door di DVG. Ora di notifica AO e operador di SVb ta duna instruccion pa esaki.
    https://www.svbaruba.org/trahado/notifica-ao-pa-motibo-di-cuarentena/

  • 16 maart 2020: Maneho di Ocupacion Minimo

    Banco di Seguro Social di Aruba SVb ta participa cu en connexion cu prevencion di COVID 19/Coronavirus  a adapta su servicio na publico entrante dialuna 16 di maart 2020.

    Tur nos departamentonan ta traha a base di ocupacion minimo. Unda cu ta posibel ta traha cu cita ademas nos ta sigui duna servicio via telefon y email.

    Den caso cu ta bin SVb pa control medico tene cuenta cu:

    • Ta prohibi pa drenta SVb cu sintomanan di griep
    • SVb ta limita entrada den sala di espera na 50 persona (Eagle y San Nicolas)

    Nos ta pidi cooperacion di tur bishitante pa sigui instruccion di personal di SVb !

    Por tuma contacto cu nos diferente departamentonan:

    Pa cualkier pregunta of remarca por fabor tuma contacto cu info@svbaruba.org.

    https://www.svbaruba.org/trahado/svb-y-ocupacion-minimo-2/

  • 15 maart 2020: Ocupacion Minimo

    Banco di Seguro Social di Aruba SVb ta haci e siguiente adaptacionnan en conexion cu maneho temporal di ocupacion minimo, cu ta drenta na vigor entrante dialuna 16 di maart 2020:

    • Tur nos departamentonan ta traha a base di ocupacion minimo.
    • Unda cu ta posibel ta traha cu cita ademas nos ta sigui duna servicio via telefon y email. Doño di trabao por sigui tuma contacto cu nos Helpdesk via Whatsapp.

    Control medico ta sigui tuma luga, nos balie di Administracion Medico ta keda habri te cu 10:00 AM

    Nos ta pidi tur bishitante di SVb pa tene cuenta cu esaki y pa evita aglomeracion di hende.
    https://www.svbaruba.org/trahado/svb-y-ocupacion-minimo/

  • 4 maart 2020: Adaptacion di Precedura pa Notifica AO

    INSTRUCCION ADAPTA PA NOTIFICA AO:
    Den caso cu bo tin:

    • tosamento OF tin problema pa hala rosea
    1. YAMA 280-0101
    2. Notifica AO via nos telefon 527-2782, entre 7:00 AM – 12:00 PM & 1:00 PM – 4:00 PM (diasabra, diadomingo y dianan di fiesta 7:00 AM – 11:00 AM)
    3. NO POR NOTIFICA AO ONLINE
    4. NO TA PRESENTA NA SVb!

    https://www.svbaruba.org/trahado/svb-ta-adapta-su-servicio-di-notificacion-di-ao/