fbpx

Vacatura Funcionario di Finansas

grupo-cooperacionBanco di Seguro Social (SVb) ta desplega un tarea importante den e sistema di seguridad social na Aruba. Den e cuadro aki SVb ta ehecuta 5 ley di seguronan social. Tur luna SVb ta percura pa un gran parti di nos comunidad ricibi un entrada mediante pago di dianan di AO, pensioen di biehes y pensioen di viudo y huerfano.
Desde prome di januari 1986, SVb ta brinda seguridad pa Aruba su comunidad.

Pa yuda nos cumpli cu nos metanan nos ta buscando un

Funcionario di Finansas

cu den un forma positivo kier forma parti di nos team.

E funcionario di finansas ta resorta bao di e Chef  Administracion di Finansas y ta traha conhuntamente cu otro funcionarionan den e mesun departamento.

E funcionario di finansas ta responsabel pa un bon funcionamento di e administracion di finansas, ta coordina e trabaonan y ta vigila e progreso y calidad di e administracion.

E funcionario di finansas ta entre otro encarga cu:
•    mantencion di administracion di finansas,
•    analisa datosnan y administra esakinan den e sistema di finansas,
•    control, registracion y verificacion di datosnan pa administracion di finansas,

•    raporta regularmente riba cierto datosnan den e administracion di finansas,
•    ta contribui na y ta conseha riba diferente raport di finansas.

Nos ta invita tur personanan pa solicita si ta cumpli cu e siguiente rekisitonan:
•    EPI diploma financiele richting of ekivalente,
•    tin por lo menos 2 aña di experiencia den finansas of area di trabao similar,
•    tin un bon conocimento di e area profesional,
•    ta traha na un forma precies y extenso,
•    ta domina paketenan di Office y Exact,
•    ta domina Hulandes, Papiamento, Ingles y Spaño.

E salario ta conforme e Bezoldigingsregeling Ambtenaren y ta depende di e nivel di educacion y experiencia. SVb su condicionnan laboral ta excelente cual ta encera entre otro un bon areglo di pensioen y e posibilidad pa atende diferente curso.

Pa mas informacion tocante e vacatura  por tuma contacto cu ir. Edwin Jacobs mediante telefon 527-2700 of mediante email na info@svbaruba.org.

Solicitudnan en escrito, acompaña pa curriculum vitae y copia di diploma(nan) por wordo dirigi na sr. ir. Edwin Jacobs, Directeur SVb Aruba, Caya Punta Brabo 19, Eagle, Aruba, no mas tarda cu 9 di juni 2014. Por manda solicitud mediante fax tambe na 587-5532.

Posted by