fbpx

Biahando pa Brasil? Proteha bo Salud

fifaCopa Mundial di futbol di FIFA ta dilanti di porta y ta den cuminsa. Hopi hende ta biahando pa Brasil pa presencia e evento aki cu ta cuminsa dia 12 di juni venidero y ta culmina dia 13 di juli. Durante e evento aki lo tin un multitud grandi di hende di diferente nacion, region y cultura. Esaki ta trece cune un riesgo pa adkiri un enfermedad contagioso durante di e bishita na Brasil y propaga esaki na regreso pa nos pais.

Como tal Departamento di Salud Publico ta recomenda tur persona cu ta biahando pa Brasil pa por fabor tuma contacto cu Seccion di Malesanan Contagioso (Dienst Besmettelijke Ziekten), telefon 522-4222, pa asina haya informacion tocante e vacunanan cu ta esencial pa tuma.

Vacuna mandatorio ta pa Keintura Geel (Gele Koorts).

Ta recomenda pa tuma vacuna MMR cu ta contra Sarampi, Rubella (Rodehond) y cacheton y vacuna contra griep.

Tambe ta importante pa tene cuenta cu consumo di alimento y awa cu por causa entre otro enfermedad manera Hepatitis-A y diarea. Uza awa portable (den boter).

Evita pica di sangura door di cubri cuero exponi, uza repelente contra insecto, permanece y drumi den cambernan cu airco of cu screen dilanti porta y bentana y uza musketero si ta bay drumi pafo. Esaki pa proteha bo mes contra e.o Keintura Geel, Dengue etc.

Evita infeccion transmiti sexualmente, uza condon.

Proteha bo mes contra e efectonan di calor. Deshidratacion y otro complicacion relaciona cu calor ta comun durante sorto di evento aki. Bebe suficiente awa portable y uza proteccion contra solo.

Laba bo mannan frecuentemente cu awa y habon.

Na momento di regresa Aruba ta hopi importante den caso cu bo haya keintura, diarea of algun otro problema di salud pa tuma contacto mes ora cu bo dokter di cas of DBZ.

Posted by