Fechanan di pago pensioen (AOV-AWW) 2017

Luna di pago Dia y fecha pago na e cliente
Januari 2017 Diabierna 30 december 2016
Februari 2017 Diaranson 1 februari 2017
Maart 2017 Diaranson 1 maart 2017
April 2017 Diabierna 31 maart 2017
Mei 2017 Diabierna 28 april 2017
Juni 2017 Diahuebs 1 juni 2017
Juli 2017 Diabierna 30 juni 2017
Augustus 2017 Diamars 1 augustus 2017
September 2017 Diabierna 1 september 2017
Oktober 2017 Dialuna 2 oktober 2017
November 2017 Diaranson 1 november 2017
December 2017 Diabierna 1 december 2017
Publica den AOV, AWW, Pensioen Tagged , , , , |

Ceramento di Dpto. Inning & Invordering

Banco di Seguro Social Aruba SVb ta anuncia cu en conexion cu actividadnan interno, oficinanan di SVb di dpto. di Inning y dpto. di Invordering situa na Vondellaan ta cera pa publico mayan mainta diaranson 18 di januari 2017. Merdia 13:00 pm tur e departamentonan menciona ariba ta habri atrobe.

Nos ta ofrece nos disculpa pa e inconveniencia aki.

Publica den Organisacion, Servicio di SVb Tagged , , , |

SVb: Cambio den Servicio pa Clientenan di SVB Hulanda

Banco di Seguro Social di Aruba SVb ta sigui introduci cambionan cu intencion di mehora servicio na su clientenan. Un biaha mas SVb ta tene cuenta cu su pensionadonan y ta introduce algun cambio cu ta facilita e pensionado pa cobra su pensioen. Entrante 1 di januari 2017 servicionan pa cu SVB Hulanda a conose un cambio. Tur pensionado cu ta biba na Aruba,y cu ta ricibi un pensioen di SVb Hulanda y tin e obligacion pa entrega un validacion di ta na bida (levensbewijs) pa por ricibi pensioen for di SVB Hulanda no tin e obligacion aki mas. Esaki sigur ta un cambio beneficioso pa e pensionado na momento cu e ta biba na Aruba y mester e documento Hulandes.

Personanan cu a ricibi un formulario (levensbewijs) for di SVB Hulanda y no a entrega esaki ainda tin e oportunidad te cu 16 di januari 2017 pa entrega esaki na Departamento di Pensioen di SVb situa na Vondellaan 21. Despues di e fecha aki SVb Aruba y SVB Hulanda lo intercambia informacion necesario cu ta haci cu e pensionado no mester entrega un validacion di ta na bida mas.
Pa loke ta peticion pa AOW esta e Pensioen di SVB Hulanda, por pasa na Departamento di Pensioen di SVb Aruba pa busca un formulario. Mester completa e formulario y pasa na e Departamento di Pensioen di SVb Aruba unda e documento mester wordo firma y entrega. SVb Aruba na su turno mes ta zorg pa e documento yega SVB Hulanda. Mester informa cu Departamento di Pensioen di SVb Aruba no ta duna asistencia cu yenamento di formulario.

Pa loke ta cambionan den informacion personal awor tin dos opcion. Pa haci cambionan personal manera adres, estado civil, cuenta di banco, etcetera; por subi e website di SVB Hulanda (www.svb.nl) y baha e formulario of por pasa na e Departamento di Pensioen di SVb Aruba y busca un formulario. E persona mes mester post e formulario pa SVB Hulanda.

Tur persona cu ta ricibi un pensioen di SVB Hulanda tin tambe un Burgerservicenummer (BSN) of sofi-nummer di Hulanda. Cu e BSN por aplica pa un DigiD y asina haña entrada na “MijnSVB”. Mediante “MijnSVB” por haci tur cambio den personalia directamente na SVB Hulanda. Pa mas informacion por acudi na www.svb.nl of por yama oficina di SVB Hulanda na telefon 0031-475-368010.

Publica den Pensioen, Servicio di SVb Tagged , , , |

Orario di SVb durante dianan di fiesta

Banco di Seguro Social Aruba SVb ta anuncia cu en conexion cu celebracion di Pasco di Nacemento y Aña Nobo, tur su oficinanan lo ta cera pa publico riba e siguiente dianan:

  • Diabierna 23 december 2016
  • Dialuna 26 december 2016
  • Diahuebs 29 december merdia desde 12:00 pm
  • Diabierna 30 december
  • Dialuna 2 januari 2017
  • Riba e dianan aki por notifica AO (meld ziek) online tur dia entre 7:00 am te cu 12:00 pm mediante nos website http://www.svbaruba.org/form-notifica-ao/. Notificacion di AO mediante 527-2782 riba e dianan aki ta limita pa e orarionan entre 7:00 am te cu 11:00 am. Entre Pasco di Nacemento y Aña Nobo SVb ta habri riba orario normal riba diamars 27 december, diaranson 28 december y riba diahuebs 29 di december te cu 12:00 di merdia. Despues di Aña Nobo SVb ta habri riba orario normal atrobe entrante diamars 3 di januari.

    E ceramento no lo afecta e sistema di Webportaal di SVb.

    Nos ta ofrece nos disculpa pa e inconveniencia aki.

Publica den Trahado

SVb Cera Mayan Merdia Diabierna 18 di November

PICT1788Banco di Seguro Social Aruba SVb ta anuncia cu en conexion cu actividadnan interno, tur su oficinanan lo ta cera pa publico riba diabierna 18 november, entrante 12:00 pm.

Notificacion di AO (meld ziek) mediante 527-2782 riba e dia aki no ta posibel mas despues di 12:00 pm. Pa notifica AO por haci uso di formulario Notifica AO riba nos website of por yama 527-2782 te cu 12:00 pm.

E ceramento no lo afecta e sistema di Webportaal di SVb.

Nos ta ofrece nos disculpa pa e inconveniencia aki.

Publica den Organisacion, Servicio di SVb, Trahado Tagged , |

Video Notifica AO Español

Publica den Trahado

Diasabra Callcenter di SVb ta cera

callcenterBanco di Seguro Social Aruba SVb ta anuncia cu en conexion cu actividadnan interno, su callcenter pa notifica AO (527-2782) ta cera riba diasabra 8 oktober 2016.

Notificacion di AO (meld ziek) mediante telefon 527-2782 riba e dia aki no ta posibel.
Si por haci uso di nos formulario pa Notifica AO online: http://www.svbaruba.org/form-notifica-ao/.

Diadomingo 9 oktober e Callcenter ta habri atrobe na e orario di weekend, cual ta entre 7:00 am y 11:00 am.

E sistema di Webportaal di SVb no lo ser afecta pa e ceramento di e callcenter.

Nos ta ofrece nos disculpa pa e inconveniencia aki.

ir. Edwin M. Jacobs
Director

Publica den Doño di Trabao, Servicio di SVb, Trahado Tagged , , , , , , |

Download Jaaropgaaf cu MiPensioen

mipensioenBanco di Seguro Social Aruba SVb ta invita tur pensionado pa download su jaaropgaaf mediante e servicio di MiPensioen.

Registra pa MiPensioen cu bo number di AOV of AWW y un emailadres valido.
Pensionadonan cu a registra caba por download e jaaropgave 2015 libremente for di MiPensioen. Por registra of habri MiPensioen akinan: https://pensioenen.svbaruba.org/Account/Login.

Den caso cu tin cualkier problema cu e servicio di MiPensioen por manda nos un email na pensioenen@svbaruba.org, of yama nos na 527-2760.

Publica den AOV, AWW, Pensioen, Servicio di SVb Tagged , , , , |

Coriente a bay na SVb: no por ricibi notificacion di AO mediante telefon

PICT1789Debi na fayo di coriente no ta posibel awo pa notifica AO na SVb mediante nos telefon 527-2782. Ta posibel pa notifica AO solamente mediante nos formulario riba nos website entre 7’or cu 10’or di mainta: http://www.svbaruba.org/form-notifica-ao/.

Diadomingo mainta por haci uzo di nos liñanan di telefon atrobe na 527-2782.

Nos ta ofrece nos disculpa pa e inconveniencia aki.

Publica den Seguro di accidente, Seguro di malesa, Servicio di SVb, Trahado Tagged , , , , |

SVb cera mayan henter dia

PICT1789Debi na e pronostico di mal tempo Gobierno di Aruba a anuncia cu departamentonan di gobierno lo ta cera diabierna. Esaki ta nifica cu mayan tur sucursal SVb ta cera.

Durante e ceramento ta posibel pa notifica AO solamente mediante nos formulario online entre 7’or cu 10’or di mainta:
http://www.svbaruba.org/form-notifica-ao/. E ceramento tampoco no ta afecta nos sistema di Webportaal.
No ta posibel pa notifica AO mediante nos liñanan di telefon na 527-2782.

Diasabra mainta por haci uzo di nos liñanan di telefon atrobe na 527-2782.

Clientenan cu mester a presenta diabierna mainta pa ricibi control medico lo por ricibi esaki dialuna mainta dia 3 di oktober.

Nos ta ofrece nos disculpa pa e inconveniencia aki.

Publica den Doño di Trabao, Seguro di accidente, Seguro di malesa, Servicio di SVb, Trahado Tagged , , , , , , |