Keuring DOPV

Print Friendly

Proceso pa Rijbewijskeuring di DOPV

Por fabor tuma nota cu SVb ta habri pa asuntonan relaciona cu Rijbewijskeuring di dialuna pa diabierna despues di 9:00 AM na oficina principal, situa na Eagle (Caya Punta Brabo 19).

Pakico keuring di rijbewijs pa DOPV?

Pa ley tur profesional cu ta traha den transportacion di persona pa sector priva of publico mester pasa un keuring pa nan por eherce nan trabao como chauffeur. Desde prome di maart 2011 SVb ta haci e keuring aki. Despues di a acudi na DOPV mester pasa na SVb pa e siguiente proceso.

Proceso di Rijbewijskeuring

1. Ora di aplica pa permiso di rijbewijs pa transportacion di persona, prome mester acudi na DOPV. DOPV ta duna e persona un carta cual mester trece na oficina principal di SVb, situa na Caya Punta Brabo 19. Akinan ta pasa na loket di Administracion Medico pa aplica pa ricibi keuring. Administracion Medico ta duna un factura cual mester wordo paga na Departamento di Finansas di SVb (den e mesun edificio na di dos piso). Por paga cash, of despues via banco ( SVb no tin machine di ATM). Den caso di pago via banco mester trece e prueba di pago y mester warda te ora e pago ta confirma pa por traha un cita pa keur.
Ora e factura ta paga ta ricibi stempel pa por acudi na Administracion Medico pa traha un cita pa ricibi e keuring.

2. Dia di keuring mester acudi na SVb hunto cu:

  • Lista di pregunta full yena (SVb ta duna e lista aki ora di traha cita pa keuring).
  • Paspoort, rijbewijs of carchi di identificacion valido.
  • Bril of lens di wowo hunto cu su likido.
  • Lista di remedi cualnan ta wordo usa

E dokter di SVb ta haci e keuring. Si no mester di ningun keuring adicional SVb ta manda e resultado pa DOPV.

Procedura ora houder di permiso ta malo

Den caso cu e houder di e permiso ta incapacita pa traha y temporalmente kier apunta un hulpchauffeur pa haci uso di su permiso, e mester acudi na SVb pa ricibi un saminacion medico. Dokter di SVb ta determina si e chauffeur ta incapacita y pa cuanto tempo e ta incapacita. Si e ta incapacita e por apunta un hulpchauffeur, cual tambe mester ta gekeur door di SVb prome cu e por wordo apunta como hulpchauffeur.

E chauffeur ta meld na Administracion Medico na oficina principal di SVb, Caya Punta Brabo 19. A base di un cita ta ricibi saminacion medico. A base di e saminacion ta determina pa cuanto tempo e chauffeur ta AO. SVb ta avisa DOPV di e resultado di e saminacion.

Mas informacion

Pa mas informacion tuma contacto na telefon 527-2700, via email na info@svbaruba.org of medio e formulario aki.

Comments are closed.