Por Notifica AO Mediante Formulario Online Durante Oranan di Mainta

smartphoneSVb Aruba ta anuncia: Por Notifica AO mediante formulario Online durante oranan di mainta

Pa un temporada SVb a tuma pasonan chikito pa digitalisa algun di su servicionan, y awe ta tuma e siguiente stap cual ta e proceso pa Notifica AO. Entrante mayan mainta 7:00 am clientenan di SVb cu mester yama pa notifica AO, tambe tin e opcion pa notifica AO mediante e formulario riba nos website: http://www.svbaruba.org/form-notifica-ao/

Mediante e formulario trahadornan den sector priva por notifica AO solamente si nan compania no ta haci uso di nos systema di Webportaal, pues ora mester yama SVb pa notifica AO.

E formulario ta duna splicacion riba su mes kico pa yena. Tur opcion mester wordo yena pa por manda e formulario pa SVb, unda por administra e notificacion di AO.

Hopi importante ta cu mester yena un emailadres personal valido. Esaki pa SVb na prome luga ta manda un copia di locual a ser yena den e formulario. Tambe SVb ta contesta bo email, unda ta duna splicacion tocante e proceso di notifica AO y kico mester haci despues.
Den caso cu e emailadres no ta valido y e systema ricibi un ‘bounce’ riba e emailadres, e notificacion ta ser considera invalido y lo wordo kita for di e systema.

Ta solamente posibel pa notifica AO durante oranan di mainta entre 7:00 am te cu 10:00 am 12:00 pm. Despues di e oranan aki no ta posibel mas pa notifica AO mediante e formulario. Ta keda psoibel pa notifica AO mediante nos liñanan di telefon na 527-2782.

 

This entry was posted in Doño di Trabao, Seguro di accidente, Seguro di malesa, Servicio di SVb, Trahado and tagged , , , , , , . Bookmark the permalink.