Siman di Menos Salo – 17 mei pa 23 di mei 2014

svb-logoPresion Halto: kico e ta?

Presion di sanger ta e forsa cu e sanger ta pusha contra e murayanan di e adernan ora cu e curason ta pomp. Presion di sanger ta wordo duna den dos midi. Uno ta e presion ora cu e curason ta pomp sanger den e curpa. Esaki ta wordo jama sistole, diastole ta e presion ora e curason ta yena bek cu sanger prome cu e siguiente sistole. Si algun di e presion aki subi y keda halto pa un periodo largo, e por haci daño na e curpa den diferente organonan manera entre otro curason, celebro y riñon.
Presion halto ta ora cu:
– presion sistolico/bovendruk ta > 140
– presion diastolico/ onderdruk ta > 90

Peligernan di presion halto:
Malesanan di curason y ader, stroke, problema cu e riñon y otro problemanan di salud

Na Aruba :
• Homber: 1 di cada 2 tin un presion halto (50%).
• Hende Muher: 1 di cada 3 tin presion halto (33%).
• Pashentnan interna pa motivo di stroke januari pa juni 2013, 3 pa siman.
• Mortalidad causa pa malesanan di curason y ader ta 33%.

Sintomanan: E condicion riba su mes no ta duna señal of sintoma. Pa e motibo aki bo por tin presion halto pa añanan largo sin cu bo sa. Durante di e periodo aki, e presion halto por causa daño na bo curason, ader, riñon y otro partrinan di bo curpa. Pa e motibo aki ta hopi importante pa midi bo presion, aunke bo no ta sinti nada. Si bo presion ta bon, mantene un estilo di bida saludabel pa mantene esaki. Si bo presion ta halto ta bon pa haci e cambionan necesario pa asina baha e presion y evita daño na bo organonan.

Kico por haci pa preveni?
• Baha man na salo: condimento, saus y sodium (salo)
• Haci actividad fisico (5x pa siman por lo menos 30 minut)
• Mantene un peso di curpa saludabel (BMI < 25).

Kalender di actividad durante Siman di Menos Salo

  • 17 Mei:
    – WGK Booth Gratis Control di Presion Renaissance Feria di Vivienda FCCA. 10.or pa 2.or
  • 18 Mei
    – Run/walk di ‘Gilette’ di dia 18 di mei 2014 pa promove actividad físico pa preveni/controla presión halto. Salida Compra NV salida 6.30am
    – “Alcaso” Programa na Tele Aruba presenta pa Rafel Croes
    – Bus di Salud den Bario
    – 5 dia 5 districto den 5 minut haya sa bo Presion di Sanger.
  • 19 Mei
    – 7.30 am Coolfm Radio Programa
    – 9.00 pa 11.00 Nos Mainta na Tele Aruba
    – 8.00 pa 03.00 pm Bus di Salud na parkinglot Arubus na San Nicolas.
    – Choices and Voices y Cerca Dika
  • 20 Mei
    – Bus di Salud Savaneta Caminda Grandi (Wintergarden) di 8 pa 3 .
    – Power FM Juli JUli pa 9or am (Paradera)
  • 21 Mei
    – Bus di Salud na Santa Cruz, Parkinglot di WGK y CMB di 8 pa 3or pm
    – Top Fm 95 pa 11or di mainta Programa Lyonel Dirksz.
  • 22 Mei
    – Bus di Salud Centro di Bario Noord , 8 pa 3 or pm
  • 23 Mei
    – IMSan 8 pa 12pm Fundacion CVA y AMA conhuntamente cu IMSAN controla presión y información di Ataca Cerebro Vascular.
    – Bus di Salud Playa Pabou.

 Lesa aki e flyer di Maneho di Salo

This entry was posted in Servicio di SVb and tagged , , , . Bookmark the permalink.