Vacatura Funcionario di Comunicacion

grupo-cooperacionE fecha pa por reacciona riba e vacatura aki a vispera dia 14 di october 2013.

Banco di Seguro Social (SVb) ta desplega un tarea importante den e sistema di seguridad social na Aruba. Den e cuadro aki SVb ta ehecuta 5 ley di seguronan social. Tur luna SVb ta percura pa un gran parti di nos comunidad ricibi un entrada mediante pago di dianan di AO, pensioen di biehes y pensioen di viudo y huerfano.
Desde prome di januari 1986, SVb ta brinda seguridad pa Aruba su comunidad.

Pa yuda nos cumpli cu nos metanan nos ta buscando un
Funcionario di Communicacion
cu den un forma positivo kier forma parti di nos team.

E funcionario di comunicacion ta resorta bao di director y ta traha conhuntamente cu un otro funcionario di comunicacion.

E funcionario di comunicacion ta responsabel pa ehecucion di actividadnan di comunicacion y ta conseha riba e strategianan di comunicacion.

E funcionario di comunicacion ta entre otro encarga cu:
•    desaroyo y actualisacion di medionan di comunicacion pa SVb
•    coordinacion di comunicacion interno y externo
•    señala y analisa locual ta bibando den e empleadonan di SVb y tambe den comunidad
•    organisa y maneha actividadnan interno y externo di SVb
•    desaroya y coordina maneho di comunicacion relaciona cu prevencion

Nos ta invita tur personanan pa solicita si ta cumpli cu e siguiente rekisitonan:
•    tin un diploma HBO-Communicatie of ekivalente
•    tin por lo menos 2 aña di experiencia den  comunicacion of area di trabao similar
•    ta un persona servicial, analitico, creativo cu tactica, cu por traha den un team pero tambe no tin problema pa traha riba su mes.
•    ta domina Hulandes, Ingles, Spaño y Papiamento.
•    ta domina paketenan di Office y Adobe

E salario ta conforme e Bezoldigingsregeling Ambtenaren y ta depende di e nivel di educacion y experiencia. SVb su condicionnan laboral ta excelente cual ta encera entre otro un bon areglo di pensioen y e posibilidad pa atende diferente curso.

Pa mas informacion tocante e vacatura aki por tuma contacto cu ir. Edwin Jacobs mediante telefon 527-2700 of mediante email na info@svbaruba.org.

Solicitudnan en escrito, acompaña pa curriculum vitae y copia di diploma(nan) por wordo dirigi na sr. ir. Edwin Jacobs, Directeur SVb Aruba, Caya Punta Brabo 19, Eagle, Aruba, no mas tarda cu 14 di october 2013. Por manda solicitacion mediante fax tambe na 587-5532.

This entry was posted in Organisacion and tagged , . Bookmark the permalink.