Dia 17 di September ta cuminsa “Siman di Kibra Silencio”

Quota International of Aruba ta sigui den su celebracion di su 25 aniversario, y ademas di e seminario cu ta tuma lugar diasabra proximo dia 15 di september, e campaña di conscientisacion pa cuido di oido di nos comunidad, cual ta Quota su conoci “Shattered Silence Week” of e siman di ‘Kibra Silecio” lo ta e siman cu ta sigui.
Siman di Kibra Silencio ta refleha riba e silencio cual un persona ta cay aden ora cu e no por tende nada mas cu su oido y ta perde e comunicacion total cu tur esnan rond di dje. Bo oido ta un di bo sentidonan cu ta determina un bon comunicacion cu otro.
Quota International of Aruba, tin como un di su metanan conscientisa nos comunidad y duna importancia pa cuido di nos oido. FEPO (Fundacion pa Esnan cu Problema di Oido) y SVb San Nicolas lo coopera cu Quota International of Aruba pa haci e test di oido den e siman di “Kibra Silencio”. Ta un siman den cual comunidad tin oportunidad pa haci e test di oido completamente gratis.
Como role model e aña aki Quota Aruba a honra Parlamento Hubenil cu lo bay join den e accion di conscientisa nos comunidad y enfoca riba e importancia di haci test di odio. A scohe Parlamento Hubenil pasobra e aña aki e focus lo ta bay ta ariba nos hobenan! Lema di e aña aki ta “Hoben, ta bo oido cuid’e”. Durante e siman di Kibra Silencio lo bay duna
oportunidad na e comunidad di Aruba pa haci e test di odio completamente gratis. Testnan ta cuminsa dia 17 September te cu 22 di September 2012. Testnan por wordo haci na oficina di Fepo na Eagle riba diahuebs 20 y diabierna 21 di
september, for di 8:00 di mainta pa 12:00 di merdia y di 1:00 di atardi pa 4:30 p.m.
Tambe por haci test na SVb San Nicolas dialuna dia 17 te cu diabierna 21 di september, for di 09:00 te cu 4:30 p.m.
Pa un cita por yama durante oranan di oficina.
Telefoon di Fepo: 583-1016 of SVb: 527-2708.

This entry was posted in Servicio di SVb and tagged , , . Bookmark the permalink.